Du30: Safety protocols, 'wag kalimutan sa community pantry

ni Ronalyn Seminiano Reonico | June 15, 2021

Saludo si Pangulong Rodrigo Duterte sa mga community pantry organizers sa bansa dahil sa kanilang magandang intensiyon, ngunit nilinaw niya na kailangang sundin ng mga ito ang ipinatutupad na COVID-19 health protocols ngayong panahon ng pandemya.

Matatandaang ilang community pantries na rin ang dinumog ng mga tao kung saan nalabag ang mga health protocols katulad ng social distancing.

Saad ni P-Duterte, "Wala namang question itong pantry scheme. As a matter of fact, I salute the people behind this and those who originated it. Nagkulang sila and maybe they are ignorant of the prohibition imposed by law not by me.

"Hindi siguro n’yo nabasa pero sa totohanan lang, if it is a matter of assessing whether or not you are doing good, you are doing super good. Saludo ako at maganda ang kunsensiya ninyo sa tao but please, read the restrictions first.”

Si Ana Patricia Non ang unang nagtayo ng Maginhawa Community Pantry na tinularan ng maraming Pinoy at ayon sa House Resolutioin, umabot na sa 6,000 ang community pantries sa iba’t ibang lugar sa bansa.

Samantala, una nang nagpaalala ang Department of the Interior and Local Government sa mga organizers ng community pantry na iwasan ang pagkakaroon ng mahabang pila ng mga tao lalo na ang mass gathering.

Social distancing at pagsusuot ng face shield, di nasunod sa NAIA

ni Lolet Abania | December 17, 2020

Dumagsa sa Ninoy Aquino International Airport (NAIA) kahapon ang mga pasahero kasabay ng paghahabol na makasama ang kanilang pamilya sa holidays.

Sa ulat, nawala na ang ipinatutupad na social distancing, parehong sa loob at labas ng airport, dahil sa dami ng mga pasahero na naghihintay ng kanilang flight.

Gayundin, ang ibang passengers ay hindi nakasuot ng face shield gayung mandato na ito ngayon ng gobyerno.

Para sa ilang travelers, mas excited silang makapiling ang kani-kanilang pamilya kaysa isipin ang panganib na maaaring mahawa sa Coronavirus.

“At least, makakauwi na rin, makakahabol sa Pasko. Ang importante, magkakasama,” sabi ng isang pasaherong si Wilhelm na babalik ng Papua New Guinea.

Sa datos ng Department of Health (DOH), lumabas sa record na tinatayang nasa 430,000 Pinoy na ang nakapag-swab test para sa COVID-19 nitong December lamang kung saan kabilang dito ang mga pasaherong naghahanda ng trip para makauwi sa kanilang pamilya.

Ipinaalala naman ng gobyerno sa publiko na ang family reunions ay itinuturing na mass gatherings na ipinagbabawal dahil posibleng maging sanhi ng pagkalat ng COVID-19.

Ayon din sa DOH, mino-monitor nila ang 12 lungsod sa Metro Manila na nagtatala ng mataas na bilang ng nakamamatay na sakit araw-araw, kung saan mayroong patuloy na transmission ng virus.

Govt. offc'ls. na lumabag sa social distancing, lagot — DILG

ni Ronalyn Seminiano Reonico | December 3, 2020

Iimbestigahan at pananagutin ang sinumang magpupunta sa event na lalabag sa health protocol ngayong pandemic, kahit ang mga opisyal pa ng gobyerno, ayon sa Department of the Interior and Local Government (DILG).

Pahayag ni DILG Undersecretary Jonathan Malaya, “The Secretary Eduardo Año has already directed the Philippine National Police to investigate certain individuals who allegedly were found to have been in an event found violating health protocols.

” Aniya pa, “Government officials must take the lead, lead by example. If the government official is invited to an event but he or she cannot ensure that minimum health standards will be implemented during the event, it will be best if this government official will just decline to attend.”

Hindi man nagbanggit ng pangalan si Malaya, matatandaang kamakailan ay kumalat sa social media ang larawan ni Presidential Spokesperson Harry Roque na kuha sa isang event sa Bantayan Island, Cebu kung saan makikita ang napakaraming tao na hindi sumusunod sa social distancing protocol.

Saad pa ni Malaya, “Government officials are under a microscope. Our people expect the public officials to comply with minimum health standards. If government officials fail to comply, how can we expect the public to comply? That is why it is very important for us to lead by example.”