ni Ambet Nabus @Let's See | Dec. 29, 2024
Photo: Judy Ann Santos at Vilma Santos-Recto - Instagram
Gaya ng aming naging forecast, pumasok naman as nominees at nanalo ang mga performers sa mga kategorya nila.
Biggest winner ang Green Bones (GB) as Best Picture (Screenplay etc..) at nagbigay din kina Dennis Trillo at Ruru Madrid ng Best Actor at Best Supporting Actor trophies respectively.
Best Actress din si Judy Ann Santos. Though ibinahagi niya ang kanyang award sa mga co-nominees niya, inaasahan ng mga nandu’n na at least ay bigyan niya ng special mention si Vilma Santos dahil prior to it, maraming beses na napag-usapan ang entry ni Juday with Ate Vi being mentioned in there.
Kahit nga noong parada ay may pa-showbiz picture together pa siya with Ate Vi and another nominated Santos (Aicelle), and her co-stars Lorna Tolentino at Chanda Romero, na iniisip ng lahat na ganu’n sila ka-close. And yet, nang tinalo nga niya si Ate Vi ay never man lang nitong binanggit considering na in her all-white attire ay tiyak namang nakita niya that night ang Star for All Seasons.
Komento nga ng nga netizens, “We will understand kung nowhere in sight si Ate Vi, but the mere fact that she is there, present, hay naku, Juday!”
Hayan tuloy, tinawag siyang “plastikada at pa-bidang proud” dahil tinalo nga niya si Ate Vi.
Although bet din namin si Juday para ma-nominate, still for us, si Vilma Santos ang dapat na nanalo, period.
As expected, malala na naman ang mga puna at kuru-kuro hinggil sa mga naganap sa Gabi ng Parangal ng 50th MMFF.
Nothing special kesehodang tadtad sa pralala na maraming pagbabago, etc, etc.. Ganu’n pa rin kagulo, ganu’n pa rin kakontrobersiyal at nagpapapansin para sa kita in guise of promoting quality films.
But then again, nasa mga tao po ‘yan, nasa atin po ang huling paghuhusga.
Kaya pasadahan na natin ang mga naganap last December 27 awards night na dinaluhan ng matatawag nating mga haligi ng industriya, sans mga pulitikong alam naman nating dapat ay may mga photo op.
‘Di raw ubrang Best Actor, pampalubag-loob na lang… VICE, KINUWESTIYON ANG MMFF KUNG PARA SAAN ANG AWARD NIYA
Una, ang kakaiba talagang humor and wit ng isang Vice Ganda nang bigyan siya ng Special Jury Citation para sa entry niya.
Tatak-Vice ang nagsalita at nagtanong kung para saan ba ang naturang parangal? Binardagul niya talaga ang Metro Manila Film Festival (MMFF) sa mga naging tanong niya. Kaya’t ang mga presenters na sina Lorna Tolentino at Dennis Trillo ay maagap sa
pag-anunsiyo at pagbasa ng naging criteria ng award.
“Mag-thank you na ako dahil baka ibig sabihin nito ay hindi na ako puwedeng manalo ng Best Actor,” ang may pagka-sarkastiko pang hirit ni Vice.
Kumbaga sa basketball award, Most Improved na matatawag ang parangal ni Vice dahil sa daming beses na nga siyang nakilahok sa festival kung saan inakusahang “basura” ang mga entries niya, sa And The Breadwinner Is… (ATBI) lang siya nakitaan ng pagkaseryoso bilang aktor.
KAHANGA-HANGA nga ang show of respect and dignity ni Aga Muhlach. Pagkatapos kasing ianunsiyo ang Best Actor award, isa siya sa mga naging presenters ng Best Actress.
Naging biggest flaw kasi that night ang pagkakaisnab kay Aga as Best Actor contender for Uninvited. Ni hindi siya napasama sa listahan ng mga nominees?
Mapapa-que horror ka talaga at tatawagin mong bastos at bobo yata ang mga jury members for such a snub?
Ano ito? Very ‘70s era na nag-power play na naman ang mga nagmamarunong na taga-academe na may societal concern eme-eme at umaayaw sa mga movies and roles na may violence, cry for justice and the like?
Grabeh, pero sobrang injustice ‘yun for Aga talaga na earlier that day ay ka-chat at kino-congratulate pa namin for a possible Best Actor win that night.
Sila talaga ni Dennis ang best bet ko for such an award. Sabi ko nga sa Facebook (FB) post ko, kung jury member ako ay ikalalamang ni Aga over Dennis ‘yung pag-take niya ng risk na kamuhian siya sa kanyang role.
But then again, Dennis’ take sa Green Bones (GB) is hard to be ignored. Kakaiba ‘yung atake niyang may redeeming factor ang pagiging “very good person” since day one and yet ay nahusgahan ng mali ng lipunan.
ANOTHER big palpak ng 50th Metro Manila Film Festival (MMFF) anniversary ay ang pag-isnab din kay Direk Dan Villegas as Uninvited director.
At least a nomination could appease the great man behind such a film na matapang, may b*yag magkuwento ng totoong nangyayari about drugs, rape, killing, etc. na talamak naman talaga sa mga nasa posisyon o mayayaman sa lipunan.
With Direk Dan and his team na maayos naman ang naging trabaho sa editing, story-telling, music, sound, cinematography etc., that deserves commendation at least.
Pero ‘yun na nga, ang mga de-kalibreng JURY members ay tila naiwan ang mga talino, puso at record sa kasaysayan sa mga panahong nasa diktadurya pa tayo. Very ‘70s ang galawan, very pakontrobersiyal at paiskandalo na eventually naman ay huhusgahan over time.
Ang mga ganitong pestibal na dapat ay nagsusulong ng magandang kultura, tradisyon at sipi sa kasaysayan ay balot pa rin ng komersiyo, salapi over honor, at mga “pralala” ng mga nagpapatakbo na kesyo umunlad na at nagbalik na ang sigla ng sektor ng
pelikula.
Saan? Kailan? Paano at Ano?
