Mag-ex, nagkita uli… CARLO AT ANGELICA, NAGYAKAPAN SA PARADE OF STARS

ni Janiz Navida @Showbiz Special | December 20, 2025

Photo: Carlo Aquino at Angelica Panganiban / Bulgar

Hindi naging hadlang ang malakas na buhos ng ulan para matuloy ang Metro Manila Film Festival 2025 Parade of Stars kahapon na nag-kick-off sa Macapagal Boulevard at nagtapos sa Circuit Makati.

Nakakatuwa ang all-out participation ng mga artistang bumibida sa 8 official entries sa MMFF this year dahil kitang-kita sa kanila ang excitement na makasakay sa kani-kanilang float para pumarada sa mga kalsada at i-promote ang kani-kanilang pelikula.

Sa cast ng I’mPerfect, bukod sa producer na si Ms. Sylvia Sanchez, dumating si Ms. Lorna Tolentino, ang mga bidang sina Earl Amaba at Krystel Go at ang iba pang mga batang may Down syndrome na kasama sa pelikula ng Nathan Studios.

Para sa Call Me Mother, dumating ang bidang si Vice Ganda pero hindi namin namataan si Nadine Lustre. Umakyat naman ng stage sina Brent Manalo at Mika Salamanca, Shuvee Etrata, River Joseph, Esnyr at Klarisse de Guzman para imbitahan ang mga taong manood ng movie sa Dec. 25.

Solid naman ang mga artista ni Gerald Anderson para sa movie nilang Rekonek kung saan hindi lang siya bida kundi co-producer din ng MM Reality Studios. Ang sipag mag-promote ng Legazpi family (Carmina, Zoren, Cassy & Mavy), Alexa Miro, Bela Padilla, Raf Pineda at Daumier Corilla.

Bago umakyat ng stage, nakausap namin sa loob ng tent sina Carmina at Zoren Legazpi na happy para sa kanilang kambal na sina Cassy at Mavy dahil nabibigyan na rin ng break ngayon at hindi na nakadepende lang sa shadow nilang mag-asawa.

Maraming nakapansin na sa ganda at kaseksihan ni Cassy ngayon, puwede raw itong mag-beauty queen kaya tinanong ang mag-asawa kung papayagan nila ang anak.

Sabi ni Carmina, kung ano ang gusto ni Cassy, all-out support siya. 

MMFF Parade of Stars / Rekonek

Pero si Zoren, kontra, at kung siya raw ang tatanungin, “Ako, ayoko. Eh, dahil sa nangyari recently (sa last Miss Universe pageant),” natatawang sagot nito.

“‘Wag na lang, marami namang iba. Pero kung gusto niya, wala tayong magagawa. Pero kung ako ang tatanungin n’yo, ayoko,” dagdag na diin pa nito.

Samantala, para sa Love You So Bad movie, present ang mga bidang sina Bianca de Vera, Will Ashley at Dustin Yu kasama ang direktor na si Mae Alviar-Cruz.

Tinanong namin si Direk Mae kung bakit ang movie lang nila ang walang premiere night sa 8 entries at paliwanag nito, iniiwasan daw kasi nilang magkaroon ng spoiler kaya sabay-sabay na lang panoorin sa pagbubukas ng MMFF sa Dec. 25. 

Halos mapuno naman ang stage na isinet-up sa Macapagal Boulevard ng cast ng Shake, Rattle & Roll: Evil Origins sa pangunguna nina Janice de Belen, Carla Abellana at Richard Gutierrez kasama sina Dustin Yu, Fyang Smith at JM Ibarra, Francine Diaz at Seth Fedelin, Ashley Ortega, Karina Bautista, Matt Lozano, Althea Ablan, Ysabel Ortega among others.

Para sa Manila’s Finest, dumating din ang cast sa pangunguna ng aktor-producer na si Piolo Pascual kasama sina Cedrick Juan, Joey Marquez, Romnick Sarmenta, Rica Peralejo, Ashtine Olviga, Rico Blanco, Kiko Estrada, Dylan Menor, Paulo Angeles, at iba pang artista sa pelikula ni Direk Raymond Red.

Solid din ang mga bida at supporting cast ng Bar Boys 2: After School sa pangunguna nina Carlo Aquino, Rocco Nacino, Enzo Pineda at Kean Cipriano kasama sina Will Ashley, Glaiza de Castro, Therese Malvar, Sassa Gurl at iba pang artista sa pelikula ni Direk Kip Oebanda.

Nakausap din namin si Carlo sa tent ng Bar Boys 2: After School at happy daw siya na suki siya ng MMFF dahil halos taun-taon ay may entry siya. 

For 2026, goal daw nila ng misis na si Charlie Dizon (na kasama naman sa Rekonek movie) na magkaroon na ng kanilang dreamhouse at first baby. Gusto nang sundan ni Carlo ang panganay na si Mithi (sa first partner na si Trina Candaza) dahil malaki na rin naman ito. 

Well, why not? Mas oks kung lalaki para may magdala na ng apelyido niya, pero kung anuman ang ibigay ni Lord, okay naman daw sa kanila ni Charlie.

Nakaka-happy naman ang pagkikitang muli ng mag-ex na sina Carlo Aquino at Angelica Panganiban kahapon na nasaksihan ng aming kasamahang writer dito sa BULGAR na si Rohn Romulo.

Chika sa amin ng aming Kumareng Rohn, pagbaba ng cast ng Bar Boys 2 sa stage, papanhik naman ang cast ng Unmarry sa pangunguna nina Angelica Panganiban at Zanjoe Marudo kaya nagkita sina Carlo at Angelica at masaya raw na nagyakapan after a long time yatang hindi pagkikita.

MMFF Parade of Stars / Bar Boys

MMFF Parade of Stars / Unmarry

At least, all’s well that ends well na talaga at past is past na between them. After all, pareho na silang masaya sa kani-kanilang partner ngayon, ‘di ba?

Well, masaya naman si Angelica sa kanyang pagbabalik sa pag-arte at ang good friend pa nga niyang si Zanjoe Marudo ang kasama niya sa kanilang MMFF entry kaya inspired din siyang i-promote ang kanilang pelikula. 

Sa December 25 na magsisimulang mapanood ang 8 official entries sa MMFF at kahapon nga ay pinatunog na ni MMDA Chairman Atty. Don Artes ang gong bilang hudyat ng pagsisimula ng festival.

Sa December 27 naman gaganapin ang MMFF 2025 Awards Night at for sure, masaya rin ito dahil muling dadagsa ang mga artistang kasama sa 8 official entries.

Kaya sa mga Ka-Bulgar natin, make sure na makapanood ng kahit 1 o 2 sa mga entries para mahusgahan n’yo kung karapat-dapat silang manalo sa awards night.

Gradweyt na sa pa-cute, ibang-iba na… PIOLO, NAGYOSI, NAGMURA, NAGPAKITA NG ‘BUKOL’ SA MOVIE

ni Janiz Navida @Showbiz Special | December 18, 2025

Photo: Piolo Pascual sa Manila's FInest

Ibang-ibang Piolo Pascual na naman ang napanood namin sa ginanap na premiere night ng pelikulang Manila’s Finest last Monday sa Robinson’s Manila.

Bilang pulis-Maynila, nagyoyosi, malutong magmura ng “pu**ng ina” at babaero ang role ni Papa P.

Talagang ipinaubaya na ni Piolo sa mga younger generation of stars ang mga heartthrob roles na pa-cute sa mga rom-com at nagpapakilig kasama ang ka-love team.

Mas gusto nang gampanan ni Piolo ngayon ang mga offbeat roles tulad ng ginampanan din niyang serial killer priest sa pelikulang Mallari na naging entry din noon sa Metro Manila Film Festival. Dito nga naman lumalabas at nasusukat ang kanyang pagiging tunay na aktor.

Maraming nag-abang sa mga pasabog na eksena ni Piolo sa Manila’s Finest bilang sila ni Enrique Gil ang pinaka-bida sa MMFF entry ng MQuest Ventures, Cignal at Spring Films.

In fairness, wala mang mabibigat na drama scenes si Piolo, napatili naman ang majority ng mga nasa sinehan sa kanyang pa-“bukol” scene kung saan na-sight nang slight ang bukol sa kanyang harapan sa romantic scene nila ni Jasmine Curtis-Smith.

Mabilis lang ang eksena pero talagang umagaw ng pansin ng manonood. Kaya kung fan na fan ka ni Piolo, baka gusto mong ulit-uliting panoorin ang pelikula at abangan ang eksenang ‘yun. Hahahaha!

No offense meant kay Papa P, pero kami lang ba ang nakapansin na parang mas nabigyan ng highlight ang karakter ni Enrique Gil sa Manila’s Finest kesa sa kanya?

Gusto nga sana naming hingin ang reaksiyon ni Piolo tungkol dito after ng premiere night, kaso, hindi tinapos ni Papa P. ang movie at umalis agad. Baka may iba pa siyang schedule that night kaya hindi na siya nakita ng press after ng screening.

Ang isa pang umagaw ng pansin namin sa movie ay si Rico Blanco. Bagama’t supporting lang siya at more or less ay nasa 25% ang exposure sa Manila’s Finest, nag-iwan ng tatak ang pagganap niya sa karakter at magugulat ka talaga na kaya palang gawin ni Rico na umarte nang ganu’n ka-effective at kakaiba?

Well, hindi kami magtataka kung mapansin siya at ma-nominate sa Best Supporting Actor category sa darating na MMFF 2025 Awards Night.

Kasama rin nina Piolo at Enrique sa Manila’s Finest sina Cedrick Juan, Ariel Rivera, Romnick Sarmenta, Joey Marquez, Kiko Estrada, Jasmine Curtis-Smith, Rica Peralejo, Ashtine Olviga, Dylan Menor, Paulo Angeles, Ethan David, Pearl Gonzales, Soliman Cruz at Inday Fatima.

Mula sa direksiyon ni Raymond Red, isa ang Manila’s Finest sa 8 official entries sa MMFF 2025 na palabas na sa mga sinehan nationwide simula sa Dec. 25.

---

NAG-SHORT visit kami sa Lipa, Batangas last Monday sa paanyaya ng aming good friend na si Joel Umali Peña, Lipa Tourism Council president, para saksihan ang 60 Dream Holidays Around the World book launching ng travel writer na si Ms. Christine Dayrit na ginanap sa Cultural Center of Lipa City.

Proud na ibinalita sa amin ni Joel na kasama ang Lipa, Batangas sa mga nai-feature sa naturang book ni Ms. Christine, na siyempre ay malaking bagay para sa kanilang turismo at kultura.

Isa ang San Sebastian Cathedral sa mga mababasa sa 60 Dream Holidays Around the World ni Dayrit at makikita sa mga photos na ginamit sa book ang ganda ng church kung saan ikinasal sina idol Gov. Vilma Santos-Recto at Finance Secretary Ralph Recto nu’ng December 11, 1992.

May nakapagsabi sa amin na miraculous ang naturang church dahil ‘yung mga nagpapakasal daw du’n ay hindi naghihiwalay. ‘Yung patron saint kasi nilang si San Sebastian ay nakatali ang mga kamay at parang ‘yun ang sumisimbolo sa matibay at matatag na pagtatali sa mga nagmamahalang gustong magpakasal.

Hmmm… so ‘yung mga showbiz couples pala na pang-forever na pagsasama ang hanap, eh, du’n dapat magpakasal, ‘no?!

Anyway, natanong din namin si Ms. Christine kung bakit sa dinami-dami ng mga lugar na napuntahan niya sa Pilipinas, isa ang Lipa sa mga paborito niyang balik-balikan.

Sagot ng sikat na travel writer, bukod sa masasarap daw kasing pagkain sa Lipa tulad ng of course, kapeng barako, lomi, pansit, chicken inasal, bibingka at ang paborito niyang mga tinapay sa Ijo Bakery sa Big Ben Complex, maganda rin ang weather dito at maganda ang pakikitungo ng mga Lipeños sa kanilang mga bisita.

Mayaman din daw ang Lipa sa mga magagandang tourist spots na maraming puwedeng puntahan at siyempre, sikat ang kanilang siyudad dahil icon na nga sa Philippine movie industry si Gov. Vilma Santos-Recto na minsan ding naging mayor ng Lipa, Batangas.

Anyway, para sumuporta sa book launching ni Ms. Christine, dumating din sa event sina Lipa City Mayor Eric Africa, Monsignor Ruben Dimaculangan, Ms. Aylene G. Acorda ng Lipa City Tourism Office at mga kaibigang Lipeños.

Bagama’t sandali lang ang event, nag-enjoy ang mga bisita sa masarap na merienda na inihanda ng Mikabelle’s Kitchen by Marites Humarang, Lomi King at Ijo Bakery ng Big Ben kung saan probinsiyang-probinsiya talaga ang pakiramdam sa masasarap na kakanin at lomi na kanilang inihain.

Sayang at kinailangan na agad naming umuwi kaya hindi na kami nakapaglibot sa mga tiangge nu’ng gabing ‘yun para sa Kape’t Bibingka event kung saan ipinakikilala naman nila ang masasarap na produkto ng Lipa, pero mabuti na lang at nagpabaon sa amin si Joel pauwi ng masarap na bibingka kaya solb na solb na rin kami.

Na-miss lang din namin ang presence ni Gov. Vi sa event. Naimbitahan naman daw ito kaya lang, dahil siguro sa lamig ng panahon ngayon, tinamaan din ng sakit si Ate Vi kaya hindi nakapunta.

So, get well soon sa aming idol Ate Vi and hope to see you soon.

Sa aming pagbabalik sa Lipa, sana’y mas mahaba na ang time naming maglibot para makumpleto namin ang kanilang slogan na “Eat, Pray, Love Lipa”. 

‘Di ba naman?

Todo-thank you kay Lord… SYLVIA, AMINADONG ‘DI KAKAYANIN KAPAG NAGKAANAK NG MAY DOWN SYNDROME

ni Janiz Navida @Showbiz Special | December 16, 2025

Photo:Sylvia Sanchez - IG

Napamura ang aktres na si Sylvia Sanchez ng “Pu**ng ina” habang ibinibida sa amin ang ganda ng pelikulang entry ng kanyang Nathan Studios Productions sa Metro Manila Film Festival 2025, ang I'mPerfect.

First time ever kasi sa Pilipinas na may pelikulang ang mga mismong bida ay may Down syndrome.

Kaya naman sa grand mediacon pa lang ng I'mPerfect, bumaha na ang luha ng lahat nang ipalabas ang trailer ng movie. At mismong ang supporting cast nga na mga batikan nang artista tulad nina Ms. Lorna Tolentino, Janice De Belen at si Ibyang mismo kasama pa ang direktor ng movie na si Direk Sigrid Andrea Bernardo ay nag-iiyakan din habang nagsasalita ang mga bagets na cast.

Nakaka-touched naman kasing tingnan ang mga batang cast ng I'mPerfect, na kahit makita mo lang kung gaano sila kasaya na artista na sila, maluluha ka na.

No wonder na ganu'n ka-proud si Ibyang bilang producer at isa sa mga supporting cast ng I'mPerfect at sabi nga nito, diretsahan niya nang sinasabi na inaasahan na talaga niyang hahakot ng awards ang kanilang pelikula sa darating na MMFF 2025 Awards Night.

Tinanong nga namin si Ibyang kung ano ang mararamdaman niya sakaling may anak din siyang may Down syndrome in real life.

Aniya, lubos ang pasasalamat niya sa Diyos na hindi siya nagkaroon ng anak na may ganitong kondisyon dahil hindi raw talaga niya kakayanin. Iiyak lang daw siya nang iiyak at hindi raw niya kayang pantayan ang tatag ng loob ng mga magulang ng mga batang kasama nila sa I'mPerfect.

Pero nagpapasalamat daw siya sa Diyos dahil binigyan siya ng oportunidad na magawa ang pelikula dahil sa pamamagitan ng I'mPerfect, mas maipapakita at maipapakilala nila sa lahat ang mundo at buhay ng mga may Down syndrome.

At bukod sa opportunity na ibinigay ni Sylvia sa mga bata na maging artista sa pelikula, siya na rin pala ang tumatayong manager ng mga ito. Kaya kung sakaling may iba pang producers na gustong kumuha sa mga batang talents niya sa I'mPerfect para sa future projects, kay Ibyang na lang makipag-deal.

Sa December 25 na ipapalabas in cinemas nationwide ang I'mPerfect na pinagbibidahan nina Earl Jonathan Amaba bilang Jiro at Anne Krystel Daphne Go bilang Jessica.

Bukod kina Sylvia, Lorna at Janice, kasama rin sa cast ng movie sina Tonton Gutierrez, Joey Marquez at Zaijian Jaranilla.

---

Galawang magdyowa talaga…

SUBUAN NINA JANELLA AT KLEA, VIRAL

KASABAY ng pag-viral ng photos and video nina Daniel Padilla at Kaila Estrada habang nanonood ng concert kung saan nakitang hinalikan ng aktor ang bagong girlfriend na anak ni Janice de Belen, kumalat din sa social media ang mga bagong photos naman nina Janella Salvador at Klea Pineda habang sweet na sweet.

Si Klea ang nag-post sa Instagram ng photo nila ni Janella habang nasa abroad at makikitang sinusubuan ng huli ang una habang kumakain sila sa labas ng isang resto.

Marami ang kinilig at nagsabing confirmed na talagang may relasyon ang dalawa dahil ‘di na galawang pang-mag-BFF lang ang ganu'n kundi pang-magdyowa na.

Well, ayaw pa mang lagyan ng label ng dalawa ang relasyon nila, eh, ‘yun na ‘yun!