Best Actor ng MMFF, tinalo si Zanjoe… VICE, HIRAP NA HIRAP UMIYAK

ni Janiz Navida @Showbiz Special | December 30, 2025

Photo: IG _praybeytbenjamin

Namugto ang mga mata namin sa premiere night ng MMFF entry nina Vice Ganda at Nadine Lustre na Call Me Mother kasama ang batang si Lucas Andalio.

Diretso naming sasabihin, sa lahat ng pelikula ni Vice taun-taon, ito ang pinakagusto namin kung saan gumanap siyang ina sa batang si Lucas na ang totoong ina ay si Nadine.

Kaiba sa mga naunang movies ni Vice, mas mabigat ang mga drama scenes dito lalo na ang confrontation nila ni Nadine sa ospital.

Nagawa ni Direk Jun Robles Lana na mag-level-up ang acting ni Vice para hindi lang puro comedy ang kayang ipakita, puwede ring magdrama.

Pero nang panoorin uli namin ang movie after Christmas, may napansin ang mga kasama naming nanood na hirap daw umiyak at magpatulo ng luha si Vice. Parang medyo kulang pa raw ang emosyon nito sa mga drama scenes.

Well, maaaaring hindi lahat ay ma-please ni Vice sa kanyang acting. Pero kung kami ang tatanungin, deserving si Meme sa Best Actor award niya dahil napanood din namin ang iba pang entries sa MMFF at kung iko-compare ang bigat ng role niya rito at ang effort na kanyang inilabas kumpara sa bigat na inilabas nina Zanjoe Marudo (UnMarry), Piolo Pascual (Manila’s Finest), Richard Gutierrez (Shake, Rattle and Roll: Evil Origins), Gerald Anderson (Rekonek), Carlo Aquino, Rocco Nacino, Enzo Pineda at Kean Cipriano (Bar Boys 2: After School), Earl Amaba (ImPerfect) at Will Ashley at Dustin Yu (Love You So Bad), mas angat pa rin ang naging performance ni Vice.

Pero dahil gusto naman ni Vice, laging may bagong io-offer sa kanyang mga fans, baka naman mas may ile-level-up pa ang acting niya depende sa ganda ng role.

At sabi nga ni Vice, kahit Best Actor na siya ngayon ng MMFF, hindi pa niya maituturing na peak ito ng kanyang career dahil si Lord lang daw ang makakapagsabi nu’n. Everyday is a learning experience for him.

So, sa mga nagdududa pa rin sa galing ni Vice Ganda sa Call Me Mother, watch na lang kayo para kayo na ang magsabi kung pasado ba ang acting niya sa standards n’yo.

Ang nakakabilib ay ang kaseksihan ni Nadine sa CMM, perfect ang figure niya to be a beauty queen. May mga nakapansin lang na tila nabago na ang ilong ng aktres at mukhang nagparetoke raw, gayundin ang kanyang lips.

Well, kung nagpa-enhance man siya, at least, bumagay sa kanya.

Bilib na bilib din kami sa galing ng batang si Lucas Andalio na pamangkin pala ni Loisa Andalio. Hindi lang super cute at lovable ang bagets, napakagaling pang umarte. Deserved niya ang Best Child Performer award sa Gabi ng Parangal ng MMFF.

Congrats to the whole team of Call Me Mother. May mga nagre-request na nga raw ng Part 2 pero mas gusto yata ni Direk Jun Lana na ibang story naman ang gawin nila ni Vice Ganda.

---

Barbie, inilalantad na in public…

RICHARD, MASAYA ANG LOVE LIFE

NAKITA namin si Richard Gutierrez sa 51st MMFF Gabi ng Parangal last Saturday at napakasipag niya talagang mag-promote ng kanilang entry na Shake, Rattle and Roll: Evil Origins dahil aniya, kahit nu’ng Pasko ay naglilibot sila sa mga sinehan.

Noche Buena lang daw talaga ang pahinga niya at bonding with the family dahil maghapon nu’ng December 24 at kinaumagahan ng Dec. 25, nag-cinema tour na sila to promote SRREO ng Regal Entertainment.

Kaya naman ang nilu-look forward ni Chard for 2026 ay magkaroon naman ng quick vacation bago simulan ang teleserye nila ni Gerald Anderson at another movie with Regal Entertainment.

Hiningi namin ang reaksiyon niya sa pagiging open na nila ni Barbie Imperial in public na tipong soft launch na rin ng kanilang relationship dahil wala pa talaga silang inaamin.

Napangiti ito at napatango at ang matipid na sagot, “Yeah, of course. Next time na, i-save natin ‘yan for 2026.”

Pero nang matanong kung happy ba ang love life niya, ‘di naman ito nag-deny, “Happy, happy. Dapat kayo rin, ha?”

Oh, ‘yan, ha? Mukhang may pasabog si Chard sa 2026 kaya abangan ang hard launch nila ni Barbie Imperial.

Palabas pa rin ang Shake, Rattle & Roll: Evil Origins kung saan kasama si Richard sa third episode na 2050.

Kahit naging Best Actor na… VICE, ‘DI PA HANDANG IWAN ANG SHOWBIZ PARA MAGKAANAK

ni Janiz Navida @Showbiz Special | December 29, 2025

Photo: VIce Ganda / MMFF

Humakot ng awards ang pelikulang pinagbibidahan ni Piolo Pascual sa ginanap na Gabi ng Parangal ng 51st Metro Manila Film Festival nu’ng Sabado nang gabi sa Dusit Thani Hotel sa Makati.

A total of 7 awards ang napanalunan ng Manila’s Finest, habang 6 naman ang naiuwing trophy ng UnMarry na pinagbibidahan nina Zanjoe Marudo at Angelica Panganiban.

Pareho namang nag-uwi ng tig-3 awards ang Call Me Mother nina Vice Ganda (Best Actor) at Nadine Lustre kasama ang batang si Lucas Andalio (Best Child Performer) at I’m Perfect na pinagbibidahan ng mga batang may Down syndrome mula sa Nathan Studios ni Ms. Sylvia Sanchez.

Dalawang awards ang naiuwi ng Bar Boys 2: After School na pinagbibidahan nina Carlo Aquino, Rocco Nacino, Enzo Pineda at Kean Cipriano kasama ang veteran actress na si Ms. Odette Khan na nagwaging Best Supporting Actress. 

Naka-isang award naman ang Shake, Rattle & Roll: Evil Origins ng Regal Entertainment, na in fairness, kahit ‘di humakot ng awards, No. 2 sa box office gross mula nu’ng magbukas ang MMFF last Dec. 25.

May mga naawa sa Rekonek na pinagbibidahan ni Gerald Anderson kasama ang Legaspi Family at Love You So Bad na pinagbibidahan ng love triangle na sina Will Ashley, Bianca de Vera at Dustin Yu na wala man lang naiuwing award kahit isa.

Inspirado pa naman si Gerald sa kanyang first MMFF entry bilang producer at sabi nga nito, kung magiging maganda ang outcome, magpo-produce uli siya next year. Aalamin namin kung may mababago sa desisyon ni Gerald kapag nakita namin itong muli.

Samantala, halos ma-speechless daw si Vice Ganda nang siya ang tawaging Best Actor para sa Call Me Mother. Hindi raw siya nag-prepare ng speech dahil ‘di siya umaasang mananalo. But still, umabot ng halos 8 minutes ang speech niya kung saan nabanggit nga niyang ang kanyang Best Actor award ang patunay na puwede ring maging aktor ang tulad niyang kabilang sa LGBTQIA+ community.

Nabanggit din ni Vice na taun-taon na lang ay pinaplano nila ni Ion Perez ang magkaroon na ng baby at ang role nga niya sa Call Me Mother bilang ina ay mas nag-inspire pa sa kanya na magkaroon na ng anak dahil naramdaman daw niyang ready na talaga siya.

Pero nang tinanong namin si Vice kung handa na ba siyang iwan ang kanyang showbiz career para makapag-focus sa pagkakaroon nila ng sariling anak ni Ion, sagot nito, “Hindi siya iiwan, hindi iiwan. ‘Yun din ang gusto naming maging conversation sa pelikulang ito, ‘yung kailangan ba talagang ano, kailangan ba talagang talikuran ng isang ina ‘yung kanyang mga pangarap para harapin ‘yung kanyang bagong assignment sa buhay, ang kanyang pagiging ina. Kasi ‘yun ang nangyari kay Nadine, eh.”

Sabagay, kung saka-sakali, hindi naman magbubuntis si Vice kaya keri pa rin naman niyang mag-work kahit mag-baby sila ni Ion.

Super happy naman kami para sa mga batang cast ng I’mPerfect lalo na kay Krystel Go na first movie pa lang ay nag-Best Actress na. Pinatunayan lang talaga nila ang isinisigaw nilang “Yes we can!”

Congrats kay Ms. Sylvia Sanchez ng Nathan Studios na naniwala sa kanila, gayundin kay Direk Sigrid Andrea Bernardo na siyang bumuo ng kuwento ng I’mPerfect.

‘Congrats din to all the winners this year na deserving naman halos lahat ng nanalo.

Heto ang kumpletong listahan ng mga winners sa 51st Metro Manila Film Festival. 

Best Picture: I’mPerfect

2nd Best Picture: Unmarry

3rd Best Picture: Manila’s Finest at Call Me Mother (tie)

Best Actress in a Leading Role - Krystel Go (I’mPerfect)

Best Actor in a Leading Role - Vice Ganda (Call Me Mother)

Best Director - Jeffrey Jeturian (Unmarry)

Best Actress in a Supporting Role - Odette Khan (Bar Boys 2: After School)

Best Actor in a Supporting Role - Tom Rodriguez (Unmarry)

Best Child Performer - Lucas Andalio (Call Me Mother)

Best Screenplay - Chris Martinez & Therese Cayaba (Unmarry)

Best Editing - Benjo Ferrer (Unmarry)

Best Cinematography: Raymond Red (Manila’s Finest)

Best Production Design: Digo Ricio (Manila’s Finest)

Best Sound: Roy Santos (Manila’s Finest)

Best Musical Score: Frederik Sandoval & Emerzon Texon (Manila’s Finest)

Best Original Theme Song: “Sandalan” by Vehnee Saturno (Manila’s Finest)

Best Visual Effects: Santelmo Inc. (Shake, Rattle & Roll: Evil Origins)

Special Awards:

Gat Puno Antonio Villegas Cultural Award: Manila’s Finest

FPJ Memorial Award: Bar Boys 2: After School

Special Jury Prize (Best Ensemble): I’mPerfect

Breakthrough Performance Award: Zack Sibug (Unmarry)

Nainggit kay Kean… ROCCO, GUSTO RING MAKA-LOVE TEAM SI KLARISSE

ni Janiz Navida @Showbiz Special | December 24, 2025

Photo: Klarisse at Rocco

Suportado ng mga kabataan, Law students at maging ng mga abogado ang premiere night ng Metro Manila Film Festival entry na Bar Boys 2: After School na pinagbibidahan nina Carlo Aquino, Rocco Nacino, Enzo Pineda at Kean Cipriano kasama si Ms. Odette Khan.

Relate na relate tiyak ang mga Law students sa istorya ng Bar Boys 2: After School dahil ipinakita ru’n ang hirap na pinagdaraanan ng mga nag-aaral ng Law at ang tensiyon, kaba at sari-saring emosyon nila sa paghihintay ng resulta ng bar exams.

Pare-parehong magagaling ang apat na bidang sina Carlo, Rocco, Enzo at Kean at walang umangat o napag-iwanan acting wise. 

Nakakabilib naman ang veteran actress na si Ms. Odette Khan na sa kabila ng kanyang edad, ang galing pa ring umarte at nakakapag-memorize pa ng mahahabang lines. 

Umaagaw na rin ng pansin ang controversial na si Sassa Gurl na magaling ding umarte at likeable ang character. No wonder na may mga sarili na rin siyang fans na tumitili sa kanya bago pa pumasok sa loob ng sinehan. Magtuluy-tuloy lang na mabigyan siya ng magagandang roles, may potensiyal talaga siyang maging next Vice Ganda.

‘Kaaliw naman ang pagiging prangka ni Glaiza de Castro sa Bar Boys 2: After School at kahit konti lang ang eksena niya, nagmarka siya, gayundin naman si Therese Malvar na kaklase nina Sassa Gurl at Will Ashley sa Law school.

Bar Boys sa MMFF 2025

Call Me Mother sa MMFF 2025

Actually, maraming nakapanood ng Bar Boys 2: After School ang nagsabing ‘movie’ ito ni Will Ashley dahil sa kanya talaga ‘yung highlight.

Mahusay umarte si Will at maaawa ka talaga sa kanya sa mga eksena niya sa movie. May ilan ngang naiyak at naka-relate sa character niya. 

Of course, happy si Will nang mahingan namin ng reaksiyon after the screening dahil puro positive nga ang feedback sa acting niya.

Medyo stiff naman ang dating sa amin ng younger brother ni Mikael Daez na si Emilio Daez dahil parang wala itong emosyon kapag nagsasalita at parang nagbabasa lang. Pero dahil baguhan pa lang siya, sana ay mag-improve siya sa next project niya.

Marami ang bumilib kay Klarisse de Guzman na nagsabing first movie project pa lang niya ang Bar Boys 2 pero pak na pak na ang acting niya at may chemistry pala sila ni Kean Cipriano.

Kahit nga ang misis ni Kean na si Chynna Ortaleza na nanood din sa premiere night ay kinilig sa love team ng dalawa at parang gusto na raw ni Chynna na ipag-produce ng movie ang “KeKlang”.

At kahit si Rocco Nacino nang makausap namin after ng screening at matanong kung sino ang dream leading lady niya, umaming interesado siyang makapareha si Klarisse dahil nakita niya ang chemistry nito at ni Kean sa BB2AS.

Anyway, congrats kay Direk Kip Oebanda, sa 901 Studios at sa lahat ng bumubuo sa Bar Boys 2: After School dahil isa ang pelikula sa mga masasabing ‘intelektuwal’ na entries sa MMFF 2025.

---

Pampamilya lang daw, Richard… 

ANNABELLE: BARBIE, ‘DI KASAMA SA X’MAS CELEBRATION NAMIN

NAKITA at nakausap namin sandali si Tita Annabelle Rama sa ipinatawag na mediacon ni former Ilocos Sur Gov. Luis “Chavit” Singson sa kanyang bahay para sa announcement nito ng balak niyang pagbili sa Miss Universe franchise.

Matagal nang kaibigan ng pamilya Gutierrez si Manong Chavit at bilang suporta ni Tita A. sa negosyante, dumating siya sa mediacon at nagpapirma na rin ng book ni Manong Chavit.

Kinumusta namin si Tito Eddie kay Tita A. at ang very Annabelle Rama niyang sagot, “Okay naman, ‘Day, kaso babalik pa kami sa January sa Singapore. ‘Yung spine niya kasi, nagka-infection, dumaing na lang siyang sumasakit. Ini-refer siya ng mga doktor sa St. Luke’s sa Singapore kasi mas specialized sila sa ganu’ng sakit.”

Tsika pa ni Tita Annabelle, napakamahal daw pala ng gamutan sa Singapore at kung walang pera, hindi magagamot ang pasyente.

Kaya todo-pasalamat siya sa mga anak na sina Richard, Raymond at Ruffa na credit card daw nila ang gasgas na gasgas na pambayad du’n.

“Si Richard, ‘Day, P2M ang nagamit sa card para sa daddy niya,” pagmamalaki pa ni Tita A. sa mga anak na nakasuporta at hindi pinababayaan ang kanilang Daddy Eddie.

Tinanong namin kung paano nila ise-celebrate ang Pasko bukas, Dec. 25.

Sagot ng Gutierrez matriarch, “Sa bahay lang, family. Hindi naman puwedeng mag-celebration kasi may sakit si Eddie, ‘di ba? Ano lang, immediate family, walang outsider, wala.”

So, kasama ba sa immediate family ang current girlfriend ni Richard na si Barbie Imperial?

“Wala rin,” sabay iling ni Tita A., “kasi may sarili namang pamilya ‘yan, eh, ‘di ba?”

Sabagay. Saka may New Year pa naman, baka du’n na lang sila magsama-sama, ‘di ba?

Samantala, todo-promote si Tita A. sa mga kaibigan ng Shake, Rattle & Roll: Evil Origins dahil bida rito si Richard kasama sina Carla Abellana, Manilyn Reynes, Janice de Belen, Francine Diaz & Seth Fedelin, JM Ibarra at Fyang Smith, Dustin Yu, Kaila Estrada at marami pang iba mula sa Regal Entertainment at palabas na sa Dec. 25 sa mga sinehan nationwide.