ni Janiz Navida @Showbiz Special | January 10, 2026
Photo: IG / AJ Raval
Sobrang in love talaga sa isa’t isa sina AJ Raval at Aljur Abrenica at kahit sa social media, very vocal sila sa feelings nila para sa isa’t isa.
Last week, nag-post nga si AJ sa kanyang Instagram ng compilation ng video clips ng mga happy moments nila ni Aljur. Makikita kung paano pinasasaya ng aktor ang kanyang bagong prinsesa (o reyna?) na si AJ, kaya naman ganu’n na lang ka-in love sa kanya ang dating sexy actress.
Sa naturang post, proud ngang sinabi ni AJ na “Well, I’m a lucky woman.”
Sa huling post naman ni AJ sa IG kahapon kung saan compilation pa rin ng throwback photos-videos nila ni Aljur ang laman, may isang photo nila ni Aljur na beach ang background ang nakaagaw sa atensiyon ng ilang netizens dahil sa caption nitong: “Him: I wish I met you earlier.”
Kaya naman, may nag-comment na “Grabe ang sakit nito marinig para kay Kylie.”
Si Kylie Padilla ang tinutukoy ng netizen na ex-wife ni Aljur Abrenica.
May ilang netizens ang ‘di nagustuhan ang post ni AJ, lalo na ang caption dahil parang pinalalabas daw ni Aljur na sising-sisi siya na naging bahagi ng buhay niya si Kylie kung saan nagkaroon pa sila ng dalawang anak — sina Alas Joaquin at Axl Romeo.
May mga kumuwestiyon din sa intensiyon ni AJ sa pag-post nito. Para raw proud na proud pang ipinagsisigawan ni AJ na sa kanya ang huling halakhak dahil siya ang nagpapaligaya ngayon kay Aljur.
Well, wala pang reaksiyon si Kylie sa latest post ni AJ, pero siguro naman, hindi na pag-aaksayahan pa ng pansin at papatulan ng anak ni Sen. Robin Padilla ang pang-iintriga ng ilang netizens sa caption ni AJ.
Pare-pareho na silang masaya sa kani-kanilang buhay kaya dedmahin na lang ang mga gusto pang sumira sa magandang relasyon nila ngayon.
PERSONAL naming na-meet ang bagong P-Pop girl group na Nova na binubuo ng 6 members na pinangungunahan ng leader nilang si Red kasama sina Vie, Dea, Karel, Wendy at Ella sa ginanap na media launch-contract signing nila last Thursday sa Music Box, QC.
Agad nagpa-sample ang grupo ng kanilang original song titled All In, na in fairness, may “K” silang idolohin ng mga kabataang fanatic sa mga K-Pop at P-Pop groups dahil magagaling nang kumanta, nakakahawa pa ang kanilang mga dance moves.
Bago nabuo ang Nova, may kani-kanyang buhay at career ang 6 members nito.
Si Pamela “Red” Pangilinan na leader ng grupo at may hawig kay Kakie Pangilinan ay Marketing graduate pala sa De La Salle University, pero mas piniling kumanta at sumayaw dahil ito raw ang passion niya mula pagkabata.
Pareho namang call center agents sina Vie Hernandez at Andrea “Dea” Alarcon, pero nang dumating ang opportunity na mapabilang sa Nova, iniwan din nila ang work para i-share ang kanilang talent sa pagkanta at pagsasayaw. Umaasa silang makakaabot sa global stage para magbigay ng karangalan sa mga kapwa Pilipino.
Si Chloe “Karel” Sar ay theater performer bago napunta sa Nova. Bata pa rin ay pangarap na niyang maging performer at inspiration niya sina Nadine Lustre at Jennie ng BlackPink.
Suki naman ng amateur singing contests at nakapag-join na rin sa The Voice Teens at Tawag ng Tanghalan si Wendy Figura. Hindi man umabot sa semi-finals, hindi pa rin sumuko si Wendy na idol sina Sarah Geronimo at Gigi de Lana na abutin ang pangarap niyang kumanta. Kaya sobrang saya siya nang mapasama sa Nova.
Hindi pa rin nakaka-graduate ng college si Nova Sheila Ella na sina Regine Velasquez at BTS naman ang mga idol, pero dahil sa pangarap na maging performer, hindi na niya pinalagpas ang chance na maging member ng Nova.
Pangarap daw ng P-Pop group na ito na maka-collaborate ang SB19.
At sa posibilidad na i-bash sila dahil maikukumpara sa mga nauna nang sumikat na P-Pop group tulad ng BINI, ayon sa 6 members ng Nova, wala silang intensiyong tapatan o makipagkumpitensiya sa BINI na hinahangaan din nila.
Naniniwala ang Nova sa kasabihang “The more, the merrier” kaya kung mas marami raw Pinoy ang makakapagdala ng pangalan ng Pilipinas sa global stage, mas maganda.
Mas naniniwala silang dapat suportahan ng mga Pinoy performers ang isa’t isa kesa magkumpitensiya para sa kasikatan.
Ang mahalaga sa kanila ngayon ay maipakita ang kanilang talento at makapagpasaya ng mga fans, hindi lang dito sa ‘Pinas kundi maging sa ibang bansa.
Sa January 19, guest ang Nova sa TikToClock ng GMA-7, so see for yourself kung tama kami na may potensiyal silang makilala bilang P-Pop group tulad ng BINI.
Muling itinataas ng Ginebra San Miguel, ang pinakamabentang gin sa buong mundo, ang antas ng pagkukuwento sa pinakabagong kampanya nitong “Tatak ng Tapang, Tatak Ginebra.”
Isa itong makapangyarihang ebolusyon ng kanilang matagal nang pagkilala sa giting at tapang ng mga Pilipino. Sa pagkakataong ito, nakatutok ang atensyon sa mga totoong tao—apat na indibidwal na ang katatagan ay hindi lamang bahagi ng isang kwento, kundi makikita sa mga peklat sa katawan na bakas ng kanilang mga pinagdaanan.
Ayon kay Sales and Marketing Manager Allan Mercado, ang digital campaign na ito na inilunsad nitong ika-31 ng Disyembre upang salubungin ang bagong taon, ay nagmamarka ng isang makabuluhang pagbabago.
“Iba ito sa nakaraan. Binibigyang-pugay natin ang mga totoong tao—mga ordinaryong indibidwal na ang mga kwento ay tunay na makakaugnayan ng ating mga mamimili. Ang aming pag-asa ay magsilbi silang inspirasyon sa iba sa pamamagitan ng kanilang pagiging totoo at pagiging relatable upang habulin ang kanilang mga pangarap.”
Sa puso ng kampanyang ito ay ang isang unibersal na katotohanan: lahat ay may kinakaharap na laban sa buhay. Bawat isa sa atin ay may sariling pakikibaka at sariling mga hamon. Gayunpaman, sa loob ng bawat isa sa atin ay nananahan ang katapangan—ang tapang na harapin ang mga hadlang, ipaglaban ang mga mahalaga, at ituloy ang ating mga pangarap—para sa ating mga pamilya, para sa ating sarili, at para sa ating bansa.
“Ito ang uri ng katapangan na hindi kailanman umaatras at hindi kailanman sumusuko, anuman ang hamon. Ito ang tapang na nagtutulak sa atin na magtiyaga hanggang sa makamit natin ang ating mga layunin,” sabi ni Ron. “Yan ang Tatak ng Tapang. Yan ang Tatak Ginebra.”
Sa pamamagitan ng “Tatak ng Tapang, Tatak Ginebra,” ipinagpapatuloy ng brand ang legasiya nito sa pagbibigay-pugay sa katapangan—sa pagkakataong ito, sa pamamagitan ng mga totoong mukha, totoong mga peklat at marka sa katawan, at totoong kwento.
Ang GSMI ang producer ng pinakamabentang gin sa mundo, ang Ginebra San Miguel. Ang iba pang de-kalidad na distilled spirits nito ay kinabibilangan ng GSM Blue Light Gin, GSM Blue Mojito, GSM Blue Margarita, GSM Blue Gin Pomelo, GSM Blue Lychee Martini, Ginebra San Miguel Premium Gin, 1834 Premium Distilled Gin, Archangel Reserve Premium Dry Gin, Antonov Vodka, Freedom Island Light Rum, Primera Light Brandy, at ang no. 1 Chinese wine sa Pilipinas, ang Vino Kulafu.
