Dahil sa spliced video... Ethics complaint vs. Sen. Pia

ni BRT @News | July 30, 2026

Photo: Pia Cayetano - Senate PH

Naghain ang ilang women’s rights advocates, academics, at feminists ng ethics complaint laban kay Senator Pia Cayetano.

Pormal nilang hinihiling sa Senate Committee on Ethics and Privileges na imbestigahan at patawan ng disciplinary sanctions ang Senator-Judge dahil sa pag-post ng umano'y “spliced and misleading” video tungkol kay House Prosecutor Chel Diokno sa impeachment trial ni Vice Pres. Sara Duterte.

Paliwanag ng complainants, hindi lang political act kundi isang seryosong ethical issue ang umano’y deliberate editing sa official impeachment proceedings na layong lituhin ang publiko.

Naniniwala silang lumabag si Cayetano sa Code of Professional Responsibility and Accountability, at sa constitutional oath ng Senator-Judges na magpakita ng impartial justice.

Nagtarayan sa isyu ng Senate shooting... Pia vs. Risa

ni Mylene Alfonso @News | May 21, 2026

Photo: Senate PH

Isang linggo matapos ang barilan sa Senado, naging emosyonal si Senador Pia Cayetano sa plenaryo.

Ito ay bilang tugon sa bahagi ng privilege speech ni Sen. Risa Hontiveros na nagpahayag na tila walang nangyari kaugnay ng insidente ng putukan sa Senado.

“Mr. President, halos isang linggo na matapos ang habulan at barilan dito sa Senado. Sa loob-loob ko, hindi ako mapanatag na simula noong Lunes, ang ipinapakita natin ay… para bang walang nangyari… na para bang hindi nabastos ang ating institusyon, ang ating mga empleyado, at ang mga Pilipino. Hindi maliit na bagay ang nangyari dito, at lalong hindi dapat inaasa sa mga Facebook Live, press conferences at media interviews ang pagtatahi-tahi ng mga pangyayari,” pahayag ni Hontiveros.

Binigyang-diin naman ni Cayetano na masakit para sa kanilang mga naroon sa mismong lugar na kwestiyunin ang kanilang naramdaman at marinig ang nasabing pahayag.

“Takot na takot po ako na kailangan ko na magpaalam sa mga anak ko. At ‘yung staff ko, dalawang pintuan ang pagitan ko sa putukan. ‘Yung staff ko na si Claire na 20 years na sa akin, nandun siya sa labas. She has a 12-year-old son. Kinikwento niya sa akin lately na tumatakbo siya, hindi niya alam kung saan siya pumunta. Kaya para sabihin n’yo na walang nangyari, napakasakit para sa amin lahat na nandito,” ayon pa kay Cayetano.

Sa panig naman ni Hontiveros, nirerespeto niya ang personal na damdamin ng kanyang mga kasamahang senador.

“Mr. President, as I said earlier. I deeply respect the emotions of our distinguished colleague. It is evident that the violence that breached our halls has profoundly affected all of us, and I don't doubt the leadership's personal distress over what transpired,” paliwanag ni Hontiveros.

“​However, when I stated that it feels now as though 'walang nangyari,' I was not speaking about our personal feelings. I was speaking about our institutional posture. Our grief as Senators is valid, but our mandate requires action,” pagtatapos ni Hontiveros.

Sen. Pia, wagi sa WHO 2023 'World No Tobacco Day'

ni Gina Pleñago | May 30, 2023

Nagwagi si Senator Pia Cayetano sa World Health Organization (WHO) 2023 'World No Tobacco Day Award'.

Bilang advocate ng tobacco control, ang senadora ay tuluy-tuloy na nagtaguyod ng mga batas, programa, at proyekto para labanan ang paninigarilyo, vape at heated tobacco products (HTPs).

Taong 2014, itinaguyod ng mambabatas ang Graphic Health Warning bill na nilagdaan bilang Republic Act 10643 at ipinaglaban ang Sin Tax Reform Act of 2012 (Republic Act 10351) bukod sa iba pa.

Ang karapat-dapat na pagkilala, na naglalayong kilalanin ang mahahalagang kontribusyon ng mga indibidwal at organisasyon tungo sa pagkontrol sa tabako ay patunay sa kanyang puso para sa kalusugan ng publiko.