Timestamp sa video, ebidensya sa Senate shooting

ni Gina Pleñago @News | May 25, 2026

Photo: CCTV sa Senado - RTVM

Tanging timestamped umano ang matatawag na ebidensya na walang alam ang mga miyembro ng bagong mayorya sa naganap na putukan sa Senado. 

Ayon umano sa empleyado at reporter na ‘di pinangalanan, ang mga larawang kuha ng mga miyembro ng bagong mayorya na masayang kumakain at nagkakasayahan ay naganap bago ang putukan taliwas sa lumabas na ulat na ito’y kuha pagkatapos ng insidente. 

At matapos na makarinig ng putok ng mga senador ay isa-isa rin silang nag-alala at natakot. Patunay pa umano rito ang pag-live at paghingi ng saklolo ng ilang mga senador sa pangunguna ni Senate President Alan Peter Cayetano. 

Napag-alaman pa na bago umano nangumusta ang ilang miyembro ng bagong minorya ay una munang nag-message sa group chat si Senadora Camille Villar na okey lang sila sa Senado at matapos nito ay saka lamang nag-comment ang mga senador na miyembro ng bagong minorya. 

Hindi rin umanong papayag ang mga empleyado at media na sumabay sa isang sarswelang scripted, na buhay nila ang nakataya.

Nagtarayan sa isyu ng Senate shooting... Pia vs. Risa

ni Mylene Alfonso @News | May 21, 2026

Photo: Senate PH

Isang linggo matapos ang barilan sa Senado, naging emosyonal si Senador Pia Cayetano sa plenaryo.

Ito ay bilang tugon sa bahagi ng privilege speech ni Sen. Risa Hontiveros na nagpahayag na tila walang nangyari kaugnay ng insidente ng putukan sa Senado.

“Mr. President, halos isang linggo na matapos ang habulan at barilan dito sa Senado. Sa loob-loob ko, hindi ako mapanatag na simula noong Lunes, ang ipinapakita natin ay… para bang walang nangyari… na para bang hindi nabastos ang ating institusyon, ang ating mga empleyado, at ang mga Pilipino. Hindi maliit na bagay ang nangyari dito, at lalong hindi dapat inaasa sa mga Facebook Live, press conferences at media interviews ang pagtatahi-tahi ng mga pangyayari,” pahayag ni Hontiveros.

Binigyang-diin naman ni Cayetano na masakit para sa kanilang mga naroon sa mismong lugar na kwestiyunin ang kanilang naramdaman at marinig ang nasabing pahayag.

“Takot na takot po ako na kailangan ko na magpaalam sa mga anak ko. At ‘yung staff ko, dalawang pintuan ang pagitan ko sa putukan. ‘Yung staff ko na si Claire na 20 years na sa akin, nandun siya sa labas. She has a 12-year-old son. Kinikwento niya sa akin lately na tumatakbo siya, hindi niya alam kung saan siya pumunta. Kaya para sabihin n’yo na walang nangyari, napakasakit para sa amin lahat na nandito,” ayon pa kay Cayetano.

Sa panig naman ni Hontiveros, nirerespeto niya ang personal na damdamin ng kanyang mga kasamahang senador.

“Mr. President, as I said earlier. I deeply respect the emotions of our distinguished colleague. It is evident that the violence that breached our halls has profoundly affected all of us, and I don't doubt the leadership's personal distress over what transpired,” paliwanag ni Hontiveros.

“​However, when I stated that it feels now as though 'walang nangyari,' I was not speaking about our personal feelings. I was speaking about our institutional posture. Our grief as Senators is valid, but our mandate requires action,” pagtatapos ni Hontiveros.

Kakalas sa majority — Marcoleta... Mas masahol pa kay Hudas

ni Mylene Alfonso @News | May 20, 2026

Photo: Rodante Marcoleta - FB

Sa gitna ng naunang usap-usapan na panibagong kudeta sa Senado, sinabi ni Senator Rodante Marcoleta na “mas masahol pa kay Hudas” ang sinumang kasapi nila sa mayorya na kakalas at lilipat sa minorya.

Aniya, magkapareho ang kanilang sentimyento ni Senadora Camille Villar, na kabilang sa mga miyembro ng majority bloc na dumalo sa caucus noong gabi nang mangyari ang putukan sa Senado.

"Mas masahol pa kay Hudas, ang maghu-Hudas sa amin. Wala kaming pag-uusap. Sinabi ko lang sa grupo namin [sa mayorya]," pahayag ni Marcoleta sa mga mamamahayag nitong Martes.

Sa Kristiyanismo, si Judas Iscariot na isa sa 12 apostoles ang nagtaksil kay Hesus kapalit ng 30 pirasong pilak sa Hardin ng Getsemani. Ang pagkakadakip kay Hesus ay nauwi sa Kaniyang pagkakapako sa krus.

Itinanggi naman ni Marcoleta na may kinalaman ang mayorya sa nangyaring kaguluhan.

"Gaano kayaman ang imagination ng isang tao na kami ang gagawa noon? In-extend namin ang caucus kasi tumawag ang House [of Representatives], totoo naman eh. Sinubmit nila ang Articles of Impeachment, nagbi-briefing kami, hindi pa kami nangangalahati, biglang may putukan," kuwento ni Marcoleta.

Nang mangyari ang putukan, nasa pangangalaga ng Senado si Sen. Ronald “Bato” dela Rosa, na nauna nang tinangkang arestuhin ng mga ahente ng National Bureau of Investigation sa bisa ng arrest warrant na inilabas ng International Criminal Court.