Gilas, pinaghahandaan na ang mga katunggali sa SEAG

ni MC - @Sports | April 26, 2022

Dumaraan na sa matinding training ang Gilas Pilipinas Women dahil target nilang depensahan ang korona sa nalalapit na 31st Southeast Asian Games sa Mayo 12 -23 sa Hanoi, Vietnam.

Ang kanilang paghahanda sa torneo ay nagsimula pa noong Pebrero na pinangungunahan nina Afril Bernardino, Janine Pontejos, Clare Castro, Khate Castillo, Chack Cabinbin, Andrea Tongco, Camille Clarin, Ella Fajardo, Kristine Cayabyab, at Karl Ann Pingol.

Nagbalik sa lineup si Angel Surada, parehong sa 3×3 at 5×5 tournaments. Sumabak din sa lineup ang bagong recruits na sina Stefanie Berberabe, Gabi Bade, at Katrina Guytingco.

Dalawa sa players ang hindi makalalahok, sina Mai-Loni Henson ay may torneo pa sa France, habang si Jack Animam ay nagpapagaling pa sa ACL injury.

"They would know how to play together and the chemistry and everything just being together for a longer time," ayon kay Gilas Women head coach Patrick Aquino, mula sa official SBP website. "Hopefully, all those time na magkakasama kami, magawa namin lahat ng kailangan naming gawin."

Sinabi ni Aquino na pinaghahandaan na nila nang husto ang mabibigat na katunggali upang maipagtanggol ang unang gold na nasungkit noong 2019, parehong pinagharian ng Philippine men's at women's teams ang SEA Games podium.

Kinokonsiderang underdogs ang Gilas Women laban sa Thailand sa finals, pero kumapit sila sa kumpiyansa at tiwala sa sarili sa kompetisyon para masungkit ang 91-71 na tagumpay.

584 atleta, sasabak na sa 2021 Vietnam SEA Games — POC

ni Lolet Abania | January 21, 2022

Handa nang sumabak ang delegasyon ng Pilipinas para sa 2021 Vietnam Southeast Asian Games, kung saan umabot ito sa 584 athletes matapos na ma-trimmed down, ayon sa Philippine Olympic Committee (POC).

Sinabi ni POC president Abraham “Bambol” Tolentino na ang orihinal na plano ay isang 627-athlete contingent subalit napagdesisyunan ng POC, gayundin ni Chef de Mission Ramon Fernandez at ng Philippine Sports Commission (PSC) officials na magkaroon ng kaunting adjustments dahil sa budget constraints.

Ayon kay Tolentino, nabuo ang naturang bilang ng mga atleta sa ginanap nilang meeting nitong Huwebes.

“We understand the situation because of the budgetary constraint in the PSC, so we have to employ belt tightening measures as regards to officials and equipment,” ani Tolentino sa isang statement.

Sinabi rin ni Tolentino na may 80 atleta pa mula sa iba’t ibang national sports associations (NSAs) ang umaapela sa ngayon para makasali sa delegasyon, kung saan nakapasok sila sa ilalim ng Group B category, na ibig sabihin nito ang kanilang mother federation ang sasagot sa kanilang mga expenses sa SEA Games.

Binanggit naman ni Tolentino na hindi pa nadedetermina ng PSC ang eksaktong budget para sa biennial meet subalit una nang inanunsiyo ni Fernandez na posible itong umabot sa halagang P200 million.

Ani pa Tolentino, ang mga atleta ay aalis patungong Hanoi na mahahati sa 2 batches.

Ang unang grupo ay lilipad sa Mayo 6, habang ang isa pang grupo ay aalis naman ng Mayo 10, para mabigyan ng panahon ang ilang indibidwal na makaboto sa May 9 elections.

“Filipino athletes will still be competing in all but one -- xiangqi or Chinese chess -- of the 40 sports in the Hanoi program. They will be divided into four clusters-1A for Hanoi, 1B outskirts of Hanoi and 2A and 2B outside of Hanoi, including canoe-kayak and rowing in Hai Phong,” batay sa statement.

Fil-Am sprinter Kristina Knott, giniba ang record ni Lydia de Vega

ni Lolet Abania | August 30, 2020

Nakamit ni Fil-Am sprinter at 2019 SEA Games gold medallist Kristina Knott, ang record ng women’s 100-meter dash matapos makapagtala ng oras na 11.27 seconds at makuha ang silver medal sa 2020 Drake Blue Oval meet sa Iowa.

Sinira ni Knott sa oras na 11.27 seconds (+1.5 m/s), ang 33-taong national record ni Lydia De Vega-Mercado at Southeast Asian Games na may 11.28 sec. na naitala noong 1987 Southeast Asian Games sa Jakarta, Indonesia, kung saan naganap ito walong taon bago pa siya isinilang.

Kinilala ng Philippine Athletics Track and Field Association (PATAFA) ang achievement ni Knott sa isang congratulatory post sa Facebook account.

“KK (Knott) breaks sprint legend Lydia De Vega-Mercado’s 33-year 100m record with an 11.27s performance, coming in second at the Drake Blue Oval Showcase’s 100m event. Congratulations KK!” ayon sa post, kasama ang larawan ni Knott.

Gayundin, unang nai-report ng Pinoy Athletics ang husay ni Knott, nang ang aleta ay tumakbo ng one lane ang layo dahil sa health restrictions sa panahon ng pandemya. Na-settle ng 24-anyos na si Knott at naungusan si Kayla White.

Dagdag pa sa tagumpay ni Knott, ang malapit nang makuhang qualifying standard ng susunod na taong Tokyo Olympics na 11.15 sec. habang nalampasan ang kanyang silver-medal finish na 11.55 sec. sa 2019 SEA Games.

Nakamit din ni Knott ang SEA Games record sa 200m.