ni Jenny Albason | May 24, 2023
Itinanggi ni Ukraine President Volodomyr Zelensky na nasakop ng Russian forces ang kabisera ng Bakhmut.
Ito ay matapos na ipahayag ng mercenary na suportado ng Russia na kontrolado na nila ang naturang lugar.
Iginiit naman ng Ukranian military sources na nakokontrol pa rin nila ang karamihan sa mga gusali sa outskirts ng kabisera.
Tumanggi na magbigay ng karagdagang detalye si Zelensky tungkol sa sitwasyon ng Bakhmut.
ni Jenny Albason (OJT) | May 8, 2023
Pinaratangan ng Russia ang Ukraine at Estados Unidos dahil sila umano ang nasa likod ng pambobomba sa sasakyan ng isang Russian nationalist writer na si Zakhar Prilepin na naging sanhi ng pagkasawi ng kanyang driver, noong Sabado.
Ang naturang pag-atake ay nangyari tatlong araw matapos subukan ng Ukraine na puntiryahin ang Kremlin gamit ang kanilang mga drones.
Gayunman, ayon sa Ukraine ay wala umano silang kinalaman sa nasabing pag-atake.
ni Jenny Albason (OJT) | May 2, 2023
Nasawi ang 12-katao nang paulanan ng air strikes ng Russia ang Ukraine kabilang na ang Kyiv.
Mahigit 10 katao naman ang namatay matapos tumama ang missile ng Russia sa residential buildings sa central city ng Uman.
Isang babae at nadamay ang 3-anyos na anak ng Ukranian Mayor sa mga namatay sa kabisera ng Dnipro.
Ayon sa Ukrainian President na si Volodymyr Zelensky, 10 residential buildings ang napinsala sa Uman at nagpapakita lamang umano ito na ang pag-atake ng Russia sa kanilang bansa ay nangangailangan ng international action laban sa Russia.
