Sputnik V COVID-19 vaccine ng Russia, aprub na sa ‘Pinas

ni Lolet Abania | March 18, 2021

Binigyan na ng emergency use authorization (EUA) ng Pilipinas ang Sputnik V COVID-19 vaccine ng Russia.

Sa late stage trial results, napag-alamang 91.6% effective ang Sputnik V, ayon kay Food and Drug Administration (FDA) Director-General Eric Domingo.

Saad pa ni Domingo, "Based on the totality of evidence available to date, including data from adequate and well-known controlled trials, it is reasonable to believe that the Gamaleya National Center of Epidemiology and Microbiology Sputnik V Gam-Cov-Vac COVID-19 vaccine may be effective to prevent COVID-19.”

Aniya pa, "The adverse events reported were mostly mild and transient, similar to common vaccine reactions. No specific safety concerns were identified.”

Samantala, aabot sa 3 million doses ng Sputnik V COVID-19 vaccine ang inorder ng Pilipinas matapos itong mabigyan ng EUA, ayon kay Vaccine Czar Secretary Carlito Galvez, Jr. ngayong Biyernes.

Saad ni Galvez, “We will have a meeting this coming Tuesday. And our initial request is for them to deliver more or less three million doses this coming April [and] May.

“We also have an ongoing negotiation with them to allow LGUs (local government units) to buy the vaccine.” Ang Sputnik V ay two-dose vaccine matapos ang tatlong linggo at ang mga edad 18 pataas lamang ang maaaring mabakunahan nito.

Bangka tumaob, 17 mangingisda, nawawala

ni Ronalyn Seminiano Reonico | December 28, 2020

Nawawala at pinangangambahang patay na ang 17 mangingisda matapos lumubog ang Russian boat dahil sa bagyo sa Barents Sea.

Pahayag ng Russian Emergency Ministry, ang privately-owned boat na Onega ay lumubog malapit sa Novaya Zemlya archipelago sa Barents Sea bandang 7.30 AM (0430 Greenwich Mean Time).

Ayon sa opisyal, apat na bangka ang ipinadala sa isinagawang search-and-rescue operation at nasagip ang dalawang katao ngunit dahil sa sama ng panahon ay nahirapan silang hanapin ang iba pa.

Anila, "The crew consisted of 19 people. Two people were rescued.”

Samantala, ang pamumuo ng yelo sa trawler ang hinihinalang dahilan ng insidente.

Milyong estudyante balik-klase na sa Europe

ni Lolet Abania | September 2, 2020

Milyun-milyong bata ang naka-mask na pumasok sa eskuwelahan matapos na ipatupad ng gobyerno na balik-klase na ang mga estudyante sa kabila ng pagtaas ng Coronavirus infections na umabot na sa mahigit apat na milyon sa buong Europe.

Binuksan ang mga paaralan sa Russia, Ukraine, Belgium at France, kung saan ang mga guro at mga bata na nasa edad 11 pataas ay obligadong magsuot ng face coverings at sundin ang mga regulasyong ipinatutupad sa buong kontinente.

Gayunman, nang mag-impose ng lockdowns mula noong March, maraming mga estudyante ang naantala sa kanilang edukasyon, pati na ang mga oras nila sa mga kaibigan. "I've been waiting for this moment for a long time!" sabi ng isang 12-anyos na si Chahda sa AFP, na dumating sa paaralan sa southern French City ng Marseille.

Samantala, ang pinakamalaking school district sa New York City, USA ay nag-anunsiyo ng pag-antala ng in-person classes at public institutions hanggang September 21, matapos na magkaroon ng pag-uusap sa isang kilalang teachers' union na nagbabalak magsagawa ng pag-aaklas sakaling hindi pagtuunan ng pansin ang tungkol sa mga health issues.

Sa Europe, ang desisyon na ipagpatuloy ang pagbubukas ng klase sa mga paaralan kahit na mabilis na kumakalat ang virus sa maraming bansa ay dahil sa pangambang magkaroon muli ng sunud-sunod na lockdowns at disruption kapag dumating na ang autumn at winter.

"I am convinced that we can and will prevent a second general shutdown," ayon kay Germany's Economy Minister Peter Altmaier. Ayon sa tally ng AFP sa infections, gamit ang official data sa buong Europe, naitalang mahigit sa apat na milyong katao ang tinamaan ng COVID-19, kung saan ang Russia ang may ikaapat na bahagi ng bilang ng mga naimpeksiyon