Kinasuhan sa ilegal na armas at pampasabog Newspaper editor at member ng union, pinalaya na

ni Ronalyn Seminiano Reonico | March 5, 2021

Ipinag-utos ng Mandaluyong Court ang pagpapalaya sa journalist-editor na si Lady Ann Salem ng Manila Today at member ng unyon na si Rodrigo Esparago isang buwan matapos ibasura ang kasong illegal possession of firearms and explosives laban sa kanila.

Si Judge Monique Quisumbing-Ignacio ng Mandaluyong City Regional Trial Court Branch 209 ang nag-issue ng naturang kautusan.

Kabilang sina Salem at Esparago sa mga inaresto ng awtoridad noong December 10 kung saan nakuha diumano sa dalawa ang mga ilegal na armas at pampasabog.

Noong nakaraang buwan, ayon sa korte ay walang sapat na basehan para mag-issue ng search warrant sa bahay ng dalawa.

Saad ng Public Interest Law Center na tumayo para dumepensa kina Salem at Esparago, “The order is a breather in the midst of the continuing attacks against journalists and lawyers.

“We hope that the other victims of the trumped up charges resulting from the implementation of this void search warrant will be released from detention also. We will work harder to break the cycle of police abuse in search warrant applications and implementation, and political persecution on the whole.”

Duque, magpapabakuna ng AstraZeneca

ni Ronalyn Seminiano Reonico | March 5, 2021

Magpapabakuna na kontra-COVID-19 si Department of Health (DOH) Secretary Francisco Duque III ng vaccine mula sa British-Swede firm na AstraZeneca.

Sa isinagawang press conference sa Southern Philippines Medical Center, Davao City, sinabi ni Duque na magpapabakuna siya ng AstraZeneca matapos tanungin ni Presidential Spokesperson Harry Roque.

Saad ni Duque, “Ang maganda po sa AstraZeneca, siya po ay puwede rin sa mga 60 years old and above. “At ang sagot ko sa katanungan ni Spox ay magpapabakuna na rin po ako pagdating ng AstraZeneca dahil bilang isang doctor na nagbabakuna rin at humaharap sa mga pasyente at nag-i-inspect ng mga healthcare facilities, mga ospital, mga temporary treatment and monitoring facilities.”

Dumating sa bansa ang 487,200 doses ng AstraZeneca vaccines mula sa World Health Organization-led COVAX facility kagabi.

Samantala, hindi nakapagpabakuna si Duque ng Sinovac vaccine dahil sa umano'y age restriction sa paggamit nito, sang-ayon sa inirekomenda ng Food and Drug Administration (FDA).

Pinoy chess champion na si Wesley So, US citizen na

ni Ronalyn Seminiano Reonico | March 5, 2021

Ganap nang American citizen ang Pinoy chess champion at super grandmaster na si Wesley So, ayon sa US Chess Federation.

Pahayag ng dating Filipino citizen na si So, “If you work hard, you have a better chance of making it here than anywhere else in the world. I came here ready to work hard, and it turned out just as I dreamed.

“That does not mean I don’t love the Philippines. I have good memories from there. But I did not have the connections needed to succeed in that culture. I was from the province, not a city boy. Had no money etc. I wanted to go further, and there was only one country a nobody can make it.”

Noong 2019, natalo ni So si Norwegian Chess Grandmaster Magnus Carlsen kung saan nasungkit niya ang World Fischer Random Chess Championship.

Bago pumunta sa United States noong 2014 ay naging pambato na rin si So ng Pilipinas sa mga international competitions.