Paring Cebuano, itinalaga bilang Papal Chaplain ni Pope Francis

ni Ronalyn Seminiano Reonico | October 20, 2020

Itinalagang ganap na Papal Chaplain o miyembro ng Papal household ni Pope Francis ang isang paring Cebuano.

Nakapagtapos ng Theological Studies si Msgr. Jan Thomas Limchua, 36, sa Faculty of Theology of the University of Navarre sa Pamplona, Spain. Naordinahan siya bilang pari sa Archdiocese of Cebu noong 2010.

Sa Canon Law at the Pontifical Lateran University sa Rome naman siya nakapagtapos ng doctorate degree.

Ngayong taon din ay in-appoint si Limchua ni Vatican Secretary of State Cardinal Pietro Parolin bilang opisyal ng Section for the Relations with States of the Holy See. Isang karangalan sa Archdiocese of Cebu ang naturang pagtatalaga kay Limchua.

Si Limchua ay ang pangatlong Cebuano na parte na ng diplomatic service katulad nina Archbishop Osvaldo Padilla, Apostolic Nuncio Emeritus to Korea, at ang kapatid nitong si Archbishop Francisco Padilla, the Apostolic Nuncio to Guatemala.

Dagdag-pasahero sa MRT at PNR, oks na!

ni Ronalyn Seminiano Reonico | October 19, 2020

Tinaasan na ng mga train lines sa Metro Manila ang dating 13 to 18 percent passenger capacity sa 30% ngayong Lunes.

Ayon kay MRT-3 Director for Operations Michael Capati, kahit dumoble na ang bilang ng mga pasahero ay kailangan pa ring sundin ang minimum health standards katulad ng pagsusuot ng face mask at face shield, physical distancing, at bawal din ang pagsasalita o pakikipag-usap sa cellphone pati na rin ang pagkain sa loob ng tren.

Aniya, "Ang panawagan lang namin sa aming mga pasahero is to continue supporting our health protocols including that of contact tracing habang inaayos namin ang mas mabilis na contact tracing na hindi na sila magpi-fill-up ng application form.”

Ang first trip umano ng tren ay simula 5 AM at ang last train naman mula sa North Avenue ay hanggang 9:11 PM, habang ang last train mula sa Taft Avenue ay hanggang 10:10 PM.

Samantala, under monitoring umano ang 2 personnel ng MRT-3 sa COVID-19 at pareho na itong sumasailalim sa isolation, ayon kay Capati.

Nagtaas na rin ang Philippine National Railways ng passenger capacity sa 30 percent, ayon kay General Manager Junn Magno.

Ang operasyon ng tren ay mula sa Malabon hanggang Calamba simula 4:30 AM hanggang 8 PM.

MNLF leader Yusop Jikiri, pumanaw na

ni Ronalyn Seminiano Reonico | October 18, 2020

Pumanaw na ang chairman ng Moro National Liberation Front (MNLF) na si Yusop Jikiri noong Sabado nang gabi, ayon sa Bangsamoro Parliament and the Armed Forces of the Philippines.

Kabilang sa mga nagpahayag ng pakikiramay sa pamilya ni Jikiri ay sina Bangsamoro Government Executive Secretary Abdulraof Macacua, MNLF Central Committee First Vice-Chairman Punduma Sani at parliament members na sina Zia Alonto Adiong, Sittie Shahara “Dimple” Mastura, at Marjanie Macasalong Mimbantas.

Wala namang binanggit na dahilan ng pagkamatay ni Jikiri.

Pahayag ni Mastura sa kanyang Facebook post, “My PRAYERS and Condolence to the family of Chairman Yusof Jikiri of the MNLF Central Committee.

“I was saddened to his demise.. He is one of Bangsamoro leader worthy of imitation, his aspiration for Bangsamoro people and the peace effort is undeniably and shall be forever be remembered.”

Pahayag naman ni AFP chief-of-staff Gen. Gilbert Gapay, "The AFP joins every peace-loving Filipino in mourning the passing away of Yusop Jikiri, the beloved chairman of the Moro National Liberation Front.

"He is one of the strong pillars who advocated trust and respect as key to achieving lasting peace and development not only in the Province of Sulu but of the Bangsamoro.

"Ako, sampu ng bawat miyembro ng Sandatahang Lakas ng Pilipinas, ay nagpupugay sa kanyang napakalaking ambag sa kapayapaan at pagkakaunawaan sa Katimugang bahagi ng ating bansa."