Chief Lapeña ng TESDA, positibo sa COVID

ni Ronalyn Seminiano Reonico | November 21, 2020

Nagpositibo sa COVID-19 si Technical Education and Skills Development Authority (TESDA) Director Isidro Lapeña.

Natanggap umano ni Lapeña ang resulta ng swab test kung saan positibo siya sa COVID-19 ngayong Sabado nang umaga.

Aniya, “Yes at 'yung confirmation, yes I tested positive sa COVID-19.”

Siniguro naman ni Lapeña na tuloy pa rin ang kanyang trabaho kahit sasailalim siya sa isolation.

Aniya, “I will continue to perform my duties while in isolation. Wala nang face to face, I will be in isolation.”

Samantala, una nang naiulat na nagpositibo sa COVID-19 si Senator Ronald “Bato” dela Rosa.

Aksidente sa Skyway, pinaiimbestigahan ni Sen. Villanueva

ni Ronalyn Seminiano Reonico | November 21, 2020

Pagsasagawa ng imbestigasyon ng labor inspectors ng Department of Labor and Employment (DOLE) ang naging panawagan ni Senator Joel Villanueva matapos ang aksidente sa konstruksiyon ng Skyway project ngayong Sabado nang umaga kung saan isang steel girder ang bumagsak sa ilang sasakyan sa East Service Road, Barangay Cupang, Muntinlupa City na ikinasawi ng isa at 4 ang sugatan.

Saad ni Villanueva, “Isa po sa peligrosong lugar-paggawa ang mga construction site, kaya po mahigpit ang pagpapatupad ng mga safety measures upang siguraduhin na walang aksidente na mangyayari at bawasan ang mga risk factors dahil ito ay maaaring maging mapaminsala.”

Aniya pa, “Ang mga manggagawa po natin ang unang napapahamak tuwing may aksidente sa lugar-paggawa kaya mahigpit po ang pagpapatupad natin ng occupational safety and health standards (OSHS).

“Ang agarang imbestigasyon ng ating labor inspectors ay kinakailangan po upang matukoy ang sanhi at makapagbigay ng solusyon sa problema para siguraduhing hindi na mauulit ito.”

Sa ilalim ng OSHS Law o Republic Act No. 11058, nakasaad na kinakailangang magsagawa ng inspeksiyon ang DOLE sa mga workplaces upang masiguro ang kaligtasan ng mga manggagawa. Ang mga kumpanyang lalabag sa OSHS Law ay maaaring magmulta ng P100,000.

6 sasakyan, nabagsakan ng steel bar… 1 patay, 4 sugatan sa aksidente sa Skyway

ni Ronalyn Seminiano Reonico | November 21, 2020

Patay ang isa at sugatan ang apat na katao matapos bumagsak sa anim na sasakyan ang steel bar sa Skyway project ngayong Sabado nang umaga sa East Service Road, Cupang, Muntinlupa City.

Pahayag ng EEI Corp., contractor ng Skyway Extension project, “At 8:50 this morning, a crane that was being positioned for its next task tilted and fell on the girder spanning the two posts of the north-bound Skyway extension project.

“The girder fell on vehicles below, killing at least one and injuring at least four persons who were rushed by ambulances from the Skyway O&M Corp. and EEI to various hospitals.”

Saad pa ng EEI, “We are monitoring the progress of the injured and are trying to get in touch with their next of kin for proper coordination and to extend any assistance they may need.

“Our hearts and prayers go with the affected families. This is an unfortunate and heart-breaking accident that must not happen again. We will review immediately our safety and operating protocols as we build a strategic infrastructure for the public’s convenience.”

Ayon naman sa San Miguel Corp., tinatayang matatapos ang Skyway Extension project sa Southern Metro Manila sa February 2021 imbes na sa katapusan ng taon dahil sa insidente.

Nangako rin ang SMC na magsasagawa ng imbestigasyon.

Saad ng SMC, “Their management however has given assurances that they will attend to, and take care of all the needs of those who were affected.

“We deeply regret this unfortunate accident and assure a full and thorough investigation. Our thoughts and concern are with the victims and we will make sure they will get all the help they need.”

Ang Skyway Extension ay ang P10-billion project na magkokonekta sa South Luzon Expressway (SLEX) at Muntinlupa Cavite Expressway sa Skyway, Susanna Heights.