8 vendors sa QC markets, positibo sa COVID-19

ni Ronalyn Seminiano Reonico | December 1, 2020

Nagpositibo sa COVID-19 ang walong vendors ng mga pampubliko at pribadong pamilihan sa Quezon City.

Saad ng QC government sa kanilang Facebook page, “549 vendors from four private and public markets in Quezon City were pool tested for coronavirus disease 2019 (COVID-19) following the local government’s second partnership with Project Ark.”

Ang 549 vendors umano ay mula sa Frisco, Tandang Sora, Philand Dr., at Balintawak Market.

Kaagad naman umanong isinugod sa community care facilities ang walong nagpostibo.

Ayon kay QC Mayor Joy Belmonte, 4,000 katao pa ang ite-test ng pamahalaan sa tulong pa rin ng Project ARK.

Aniya, “Our priority would be our non-medical frontliners such as market vendors, jeepney and tricycle drivers, and call center agents among others.

“These workers risk exposure to the highly-contagious virus while earning a living, and completing essential tasks that we might take for granted.”

P100 K pabuya para sa nawawalang lawyer-professor

ni Ronalyn Seminiano Reonico | November 30, 2020

Magbibigay ng P100,000 ang Alpha Phi Beta Fraternity ng University of the Philippines (UP) sa sinumang makapagbibigay ng impormasyon kaugnay ng pagkawala ng lawyer-professor na si Ryan Oliva na unang iniulat na nawawala noong Sabado, November 21.

Saad ng naturang grupo, “In order to aid in the search, the Fraternity is willing to give a reward of P100,000.00 to any person who can provide credible information that will help us find Atty. Oliva.”

Si Oliva ay empleyado rin ng Department of Tourism Divisional bilang Chief of the Legislative Liaison Unit.

Samantala, sa ilang imbestigasyon, nakita ang ilang pag-aari ni Oliva sa Occidental Mindoro noong November 27 at ayon naman sa National Bureau of Investigation (NBI), huling nakita ang professor sa Batangas resort.

Metro Manila atbp. lugar, GCQ pa rin hanggang December 31 - P-DU30

ni Ronalyn Seminiano Reonico | November 30, 2020

Mananatili sa ilalim ng general community quarantine (GCQ) ang Metro Manila, Batangas, Iloilo City, Tacloban City, Lanao del Sur, Iligan, at Davao City hanggang sa December 31, ayon kay Pangulong Rodrigo Duterte.

Pahayag ni P-Duterte, “Upon the recommendation of the Task Force sa COVID-19, the following areas will be under general community quarantine (GCQ) from December 1 to 31. “Let me explain. Alam mo kasi sa mga news, hapun-hapon, wala talagang social distancing o walang… ‘yung iba… they did not wear masks, ayaw nila at matigas ang ulo.

“Now, let me remind you that Europe and America are experiencing what they call… some say, a third wave na pagbalik, mas marami ang nagkasakit ngayon at namatay.

“Ito, this is a country which is rich na dapat may bakuna na can afford it, and yet, maraming nagkakasakit at namatay for the simple reason, matitigas ang ulo, eh, ayaw, eh.

“Sa Pilipinas, matitigas ang ulo. Pati itong mga critics, bakit marami? Eh, bakit hindi dumami, eh, lumabas na ang lahat. Bakit? Mapigilan mo? Mapakain ba ng gobyerno ang lahat?

“‘Yan ang istorya riyan. Kung hindi na maglabas ng bahay, can you sustain their lives all inside the house? Nobody’s buying food, hindi na kikita, walang trabaho, wala lahat, kaya napipilitang lumabas. It’s between hunger and… mamili ka riyan…”

Aniya, “Ang quarantine classification ay (sakop) ang National Capital Region, Batangas, Iloilo City, Tacloban City, Lanao del Sur, Iligan, Davao City.

“The rest of the country will be under modified general community quarantine (MGCQ) from December 1 to 31.”