Choir, bawal na — DOH

ni Ronalyn Seminiano Reonico | December 18, 2020

Nilinaw ng Department of Health na hindi lamang ang pagbi-videoke o karaoke ang ipinagbabawal ngayong nakikipaglaban ang bansa laban sa COVID-19 pandemic kundi maging ang pagkanta ng mga choir sa simbahan.

Pahayag ni Health Undersecretary Maria Rosario Vergeire, “Kapag nagbigay tayo ng ganitong protocol, hindi ito nililimitahan sa karaoke kasi marami pang pagkakataon na tayo ay kumanta sa public places.

“Mayroon pong ebidensiya na kapag tayo ay kumakanta, mas maraming viral particles ang nailalabas sa ating katawan kung tayo ay maysakit.”

Ngayong nalalapit na ang Pasko at ginugunita ng mga Katoliko ang Simbang Gabi, paalala ng DOH, hindi exempted ang mga choir members sa naturang protocol.

Saad pa ni Vergeire, “So choir members

are not exempted. We will be coordinating with the Catholic church para ma-enforce ang minimum public health standards ngayong mas madalas magsimba ang mga tao dahil sa Simbang Gabi.”

18-anyos, bawal sa public places sa QC, huli na, multa pa

ni Ronalyn Seminiano Reonico | December 18, 2020

Bawal nang pumunta sa mga pampublikong lugar ang mga menor-de-edad sa Quezon City “whether alone or accompanied by parent or guardian and without any justification” dahil sa patuloy na banta ng COVID-19 pandemic, ayon sa Quezon City local government.

Inaprubahan na ni QC Mayor Joy Belmonte ang Ordinance No. SP-2985, S-2020, o ang “Quezon City Special Protection of Children against COVID-19” na naglalayong mapanatili sa kani-kanyang bahay ang mga 18-anyos pababa “during the so-called ‘Children Protection Hours’ or 24 hours a day and seven days a week.”

Pahayag ni Belmonte, “Ang Ordinansang ito ay batay sa rekomendasyon ng mga dalubhasa sa Philippine Pediatric Society na kailangang manatili ang mga menor-de-edad sa mga tahanan dahil malaki ang tsansa na sila’y mahawa.

“Ang kautusang ito ay para na rin sa kapakanan ng ating mga kabataan upang hindi na malagay sa panganib ang kanilang buhay.”

Samantala, mayroong “exemptions” na nakapaloob sa naturang ordinansa katulad ng: engagement ng menor-de-edad sa isang authorized employment activity na nangangailangan ng physical presence “provided that they are accompanied by parent or guardian”; ang mga nangangailangan ng atensiyong medikal o ang mga mayroong medical/dental appointments; at ang mga walang kasamang nasa legal age na nangangailangang bumili ng essential goods.

Pagmumultahin din ang mga magulang o guardian ng mga menor-de-edad na lalabag sa naturang ordinansa ng halagang P300, P500 o P1,000 para sa una, ikalawa at ikatlo at “subsequent offenses.”

Dadalhin naman ang mga menor-de-edad na lalabag sa naturang ordinansa sa Barangay Council for the protection of Children (BCPC) sa barangay kung saan sila mahuhuli at ire-require na sumailalim sa counseling bago sila ibalik sa kani-kanyang magulang o guardian.

Sa mga lalabag naman sa ikatlo at “subsequent offenses”, bukod sa counseling ay isasailalim din ang mga menor-de-edad sa intervention program ng Social Services and Development Department (SSDD).

Pagmumultahin din ang mga may-ari, “proprietors” at managers ng mga mall, shopping centers, commercial establishments, atbp. pampublikong lugar katulad ng mga sinehan na lalabag sa naturang ordinansa ng halagang P500 para sa first offense. Sa second offense naman ay pagmumultahin sila ng P1,000 at makakatanggap din sila ng “warning for the revocation of business permit/license and closure of establishment.” At sa third at subsequent offense, pagmumultahin sila ng P3,000 “for each violation and revocation of business permit/license and closure of establishment will be meted.”

Jeremy Bulloch ng ‘Star Wars’ pumanaw na sa edad 75

ni Ronalyn Seminiano Reonico | December 18, 2020

Pumanaw na ang English film actor na si Jeremy Bulloch na gumanap bilang Boba Fett sa original na “Star Wars” trilogy sa edad na 75.

Ayon sa kanyang agents noong Huwebes, “We are very sad to announce the death of actor Jeremy Bulloch, earlier today. He died peacefully, in hospital, surrounded by his family, from health complications following his many years living with Parkinson’s disease.

“Jeremy was best known for the role of Boba Fett in the original ‘Star Wars’ trilogy. He had a long and happy career spanning more than 45 years. He was devoted to his wife, three sons, and [10] grandchildren and they will miss him terribly.”

Pahayag naman ng JeremyBulloch.com site, “He spent his final weeks in the wonderful care of staff at St. George’s Hospital in Tooting, close to the house where he and his wife Maureen had lived together for more than [50] years. Maureen and two of his sons, Jamie and Robbie, were with him during his final days.”

Pahayag naman ng "Star Wars" sa kanilang official Twitter account, “Jeremy Bulloch, whose unforgettable performance as notorious bounty hunter Boba Fett has captivated audiences since he first appeared in 1980's Star Wars: The Empire Strikes Back, has sadly passed away.

“He will be remembered not only for his iconic portrayal of the legendary character, but also for his warmth and generous spirit which have become an enduring part of his rich legacy.”

Bukod sa "Star Wars", napabilang din si Bulloch sa James Bond movie “Octopussy,” at sa TV series na “Doctor Who” at “Robin of Sherwood.”