P4.5-trillion 2021 national budget, pinirmahan na ni P-Du30

ni Ronalyn Seminiano Reonico | December 28, 2020

Nilagdaan na ni Pangulong Rodrigo Duterte ngayong Lunes ang P4.5-trillion 2021 national budget upang muling buhayin ang ekonomiya ng bansa at para na rin sa patuloy na pakikibaka natin sa COVID-19 pandemic.

Kabilang sa mga top recipients na naturang budget ay ang:

• Department of Education na may P751.7 billion o 16.7 percent ng budget

• Department of Public Works and Highways, na may P695.7 billion (15.4 percent)

• Department of the Interior and Local Government, na may P249.3 billion (5.5 percent)

• Department of Health, na may P210.2 billion

• Department of National Defense, na may P205.8 billion

• Department of Social Welfare and Development, na may P176.9 billion

• Department of Transportation, na may P87.9 billion

• Department of Agriculture, na may PhP71 billion

• Judiciary, na may PhP45.3 billion

• Department of Labor and Employment na may P37.1 billion

Kasama rin ang PhP72.5 billion budget para sa pagbili, storage, transportasyon at distribusyon ng mga vaccines laban sa COVID-19.

Pahayag ni P-Duterte, "As we look forward with hope for the coming year, let me assure the public that this administration will ensure the efficient use of resources through sound fiscal policy that will enable us to overcome the debilitating effects of the pandemic on public health and our economy.

"I cannot stress this enough: every centavo of this budget must be spent to ensure our nation’s recovery, resilience and sustainability."

Bagong klase ng COVID, kumakalat na…Travel ban sa UK, ‘di pa kailangan - Duque

ni Ronalyn Seminiano Reonico | December 27, 2020

Inirekomenda ni Department of Health (DOH) Secretary Francisco Duque III kay Pangulong Rodrigo Duterte ngayong Sabado na ikonsidera lamang ang travel ban sa United Kingdom kapag nasa lebel na ng community transmission ang bagong variant ng COVID-19 sa Pilipinas.

Pahayag ni Duque, “Base sa mga ulat na kinalap ng World Health Organization (WHO) mula ika-28 ng Agosto hanggang ika-23 ng Disyembre, may labingdalawang bansa sa Western Pacific Region ang nagtala ng mga imported na kaso mula sa UK. Kabilang po rito ang Hong Kong, China, Singapore, New Zealand, Korea, Japan, Malaysia, Vietnam, Australia, Taiwan and Cambodia.

“Sa mga ito, 3 bansa ang nakapagtala ng mga kaso base po sa bagong variant. Sa Australia ay may 4 na kaso nang natuklasan habang naka-quarantine. Sa Hong Kong ay may 2 kaso, dalawang estudyante na edad 14 at 17. Sa Singapore naman po ay may isang kaso, isa ring estudyante na 17 taong gulang. Sa Japan, na-detect ang new variant sa 5 biyahero mula sa UK.

“Samantala, wala pang kaso mula sa new variant ang naitala sa Pilipinas. Ngunit nais ko pong tukuyin ang limitasyon ng datos na ito. Ito ay mula sa mga official sites lamang kung saan ang datos ay patuloy na nagbabago o inaayos dahil sa ongoing case investigations. Meron ding mga naitalang imported na kaso na hindi matukoy ang pinanggalingan.

"Ginoong Pangulo, habang nadaragdagan ang mga bansang nag-uulat ng detection ng UK new variant, inirerekomenda po ng DOH kasama ng mga eksperto ng Technical Advisory Group (TAG) ng ating Inter-Agency Task Force (IATF) ng WHO na sa mga manggagaling sa mga bansang may kumpirmadong new variant, gawing mandatory ang pagtapos ng 14-day quarantine period sa New Clark City. Ang protocol na ito ay gaya ng ipinatupad ngayon para sa mga biyahero na dumating bago mag-alas-dose a uno, umaga ng December 24.

“Ikonsidera lamang ang travel ban, Mr. President kung nasa lebel na ng community transmission ang new variant sa naturang bansa (UK).”

1 mula UK na nasa ‘Pinas na, COVID-19 positive — Duque

ni Ronalyn Seminiano Reonico | December 26, 2020

Kinumpirma ni Department of Health (DOH) Secretary Francisco Duque III na mayroong biyahero mula sa United Kingdom na dumating sa Pilipinas ang nagpositibo sa COVID-19 ngayong Sabado.

Ayon kay Duque, mayroong 79 travellers mula sa UK ang dumating sa bansa noong December 22 hanggang 25.

Aniya, “Sila ay inihiwalay sa ibang mga pasahero at pina-swab. Pinroseso rin sila ng ating Immigration para ma-confirm kung sila ay mula o dumaan sa UK. Pagkatapos nito, inihatid po sila sa New Clark City para roon tapusin ang 14-day quarantine.”

Saad pa ni Duque, “Umabot na po sa 79 pasahero mula UK ang dumating sa bansa, 72 ang dumating sa Ninoy Aquino International Airport habang 7 ang dumating naman po via Clark International Airport.

“Sa 79 na nagmula po sa UK, dalawa rito ang bumalik na sa UK samantalang 77 ang nanatili rito sa Pilipinas.

“Base sa report kahapon, 59 na ang mayroon nang test results kung saan 53 ang negative ngunit may isa pong nagpositibo sa COVID at inaantabayanan natin ang 23 na natitirang resulta.”

Samantala, depensa naman agad ni Duque, “‘Yung testing po nito, hindi nangangahulugan na ito na ‘yung new variant dahil magsasagawa pa po ng pagsusuri ang ating mga eksperto mula sa Philippine Genome Center.”