3 bata, patay sa granada

ni Ronalyn Seminiano Reonico | January 7, 2021

Patay ang tatlong bata at dalawa ang sugatan matapos masabugan ng napulot na granada sa northwest Pakistan, ayon sa awtoridad.

Ayon kay Local Senior Police Official Mansoor Aman, naglalaro ang apat na magkakapatid at isang kapitbahay sa Peshawar nang makita nila ang granada.

Aniya, "The children first played with it and later hit it with a stone causing it to explode."

Si Local Police Official Aziz ur Rehman ang nagkumpirma ng mga naitalang casualties.

Samantala, normal na umano ang makakita ng mga “discarded weapons” sa northwest Pakistan dahil minsan na itong pinagdausan ng mga aktibidad laban sa Taliban.

JANELLA, OCT. 20, 2020 IPINANGANAK ANG BABY BOY NILA NI MARKUS

ni Ronalyn Seminiano Reonico | January 5, 2021

Inilantad na sa social media nina Janella Salvador at Markus Paterson ang kanilang baby na si Jude na ipinanganak noong October 20, 2020 sa England.

Sa vlog nina Janella at Markus, inilabas nila ang mga video clips noong buntis pa ang aktres hanggang sa nanganak na ito.

Saad ni Janella, “Hey Jude, as I compose this, I’m staring at your perfect little face with all the love I didn’t know I had in me. I’m feeling so many emotions but mostly excited that we’re ready to finally introduce you to the world.

“Well, if I’m going to be honest, I was quiet nervous about this because I know how harsh the world can be.

“If your dad and I could have you all through ourselves forever in our own quiet little world, we would. But that would be selfish. You’re too precious to not be shared.”

Samantala, sey naman ng ina ni Janella na si Jenine Desiderio, “You (Jude) even came to me in a dream even before you were born but I didn’t see your face.

“I know you came to us as a surprise but you are one pleasant surprise that we all don’t mind having.”

Pahayag naman ni Maja Salvador na nakasama ni Janella sa drama television series na “The Killer Bride”, “I love you, I love you Baby Jude. Hindi pa kita nakikita sa personal pero ganu’n pala ‘yun, mahal na kita kaagad kasi grabe ‘yung ginawa mo sa ‘min ng mommy mo. Isa kang malaking blessing.

“Akala ko after ng teleserye namin ng mommy mo, hanggang du’n na lang ‘yung relationship namin but no. Mas naging strong ‘yung relationship namin ng mommy mo, ang dami naming bonding pa after nu’ng teleserye namin tapos biglang ito ka, dumating ka sa buhay namin. So isa kang malaking blessing sa aming dalawa dahil mas tumibay ‘yung relationship namin dahil sa ‘yo.

“Excited ako na umuwi ka para maiparamdam ko sa ‘yo kung gaano kita kamahal.

“Gusto ko lang sabihin, Baby Jude, na kung gaano ko pinoprotektahan at minamahal ang iyong mommy na si my Emma ay ganu’n din, triple, quadruple pa ‘yung gagawin ko sa ‘yo.

“My Emma and Markus, congratulations! To my Emma, I’m so proud of you. Alam kong hindi madali ang lahat, alam kong hindi magye-yes sa lahat, but ito ka, nagawa mo na ‘to, I’m so proud of you dahil in-embrace mo, tinanggap mo si Baby Jude agad-agad sa buhay mo.”

CHR, mag-iimbestiga na sa Dacera case

ni Ronalyn Seminiano Reonico | January 5, 2021

Hustisya para sa pagkamatay ng flight attendant na si Christine Dacera ang sigaw ng Commission on Human Rights (CHR) at ayon kay Spokesperson Jacqueline de Guia, hindi maaaring ideklarang “solved” na ang naturang kaso.

Pahayag ni De Guia, “The CHR is deeply concerned and condemns the incident surrounding the death of Christine Angelica Dacera. As one of the sectors who most experience abuse, the government must ensure that greater protection be accorded to women. In this regard, CHR stands for the protection of women in all fronts of life and echoes the call for justice for her.

“This case cannot be regarded as solved until justice has already taken its due course and that the perpetrators are held to account,” dagdag pa nito.

Una rito, nagbitaw ng pahayag si Brig. Gen. Ilderbrandi Usana, PNP spokesperson, na “case solved” na ang naturang insidente dahil na-identify na umano ang mga suspek sa pagkamatay ni Dacera.

Pahayag ni Usana, “This is considered solved because the suspects have been identified and then it was resolved already by Scene of the Crime Operatives (SOCO).”

Aniya pa, "Identified na po ang mga suspects, although mayroon pa rin pong iba na maituturing na suspects, hindi lang din po sila nahuhuli pa. Pero in so far as those behind, implied naman po 'yun na kung sino 'yung mga nakasama ng biktima sa room kung saan pinagdausan 'yung party at the same time, nangyari na rin po 'yung kamatayan ng bata, eh, 'yun pong mga na-identify mismo na mga kasamahan niya po, sila po 'yung primary suspects po.

"'Yung usapin po ng solusyon ng case is dependent on identifying the persons na probably responsible po roon sa pangyayaring 'yun.”

Samantala, siniguro ng CHR na tutulong sila sa pagkamit ng hustisya sa pagkamatay ni Dacera.

Anila, “The Commission shall conduct its own investigation in coordination with local authorities to inquire about the nature of death and ensure justice for the victim.”