Eroplano sa Indonesia, nawawala matapos mag-take-off

ni Ronalyn Seminiano Reonico | January 9, 2021

Nawalan ng contact ang Indonesian airplane na Sriwijaya Air na may sakay na mahigit 50 katao matapos itong mag-take-off sa Jakarta patungong Pontianak sa West Kalimantan province ngayong Sabado.

Ayon sa tracking service na Flightradar24, ang Flight SJ182 "lost more than 10,000 feet of altitude in less than one minute, about 4 minutes after departure from Jakarta".

Ayon din sa registration details sa tracking data, ang aircraft ay 27-year-old Boeing 737-500.

Saad naman ng Sriwijaya Air na Indonesian airline, kakalap pa sila ng detalyadong impormasyon bago maglabas ng pahayag tungkol sa insidente.

Samantala, pahayag ni Indonesian Transportation Ministry Spokesperson Adita Irawati, "The missing plane is currently under investigation and under coordination with the National Search and Rescue Agency and the National Transportation Safety Committee.”

Mga pasaway na deboto ng Black Nazarene, aarestuhin

ni Ronalyn Seminiano Reonico | January 8, 2021

Aarestuhin ang mga pasaway na deboto ng Black Nazarene na lalabag sa health and safety protocols sa kapistahan nito sa Sabado, January 9, ayon kay Manila Police District (MPD) Chief Police Brigadier General Leo Francisco.

Pahayag ni Francisco, "Sa pagtatalaga ng napakaraming pulis na 'yan, sila ay nandoon para magbantay ng physical distancing, pagsasabihan ang ating mga deboto kung sila ay [lumabag], i-maintain talaga ang physical distancing dahil nandiyan talaga ang panganib ng COVID. Kung sila ay makulit at hindi mapagsabihan, darating tayo sa arestuhan.”

Magpapadala rin umano ng mga bus galing sa Bureau of Jail Management and Penology na magsisilbing pansamantalang detention facility para sa mga lalabag sa health protocols.

Samantala, mahigpit namang ipinagbawal ng National Capital Region Police Office ang pakikiisa ng mga edad 15 pababa at 65 pataas sa naturang pagdiriwang dahil sa pandemya.

Paalala rin ng awtoridad, bukod sa face mask at face shield, kailangan ding magsuot ng footwear ang mga makikiisa sa kapistahan ng Black Nazarene.

Mga nag-rally sa US Capitol, terorista — Biden

ni Ronalyn Seminiano Reonico | January 8, 2021

Kinondena ni President-elect Joe Biden ang naganap na gulo sa isinagawang kilos-protesta ng daan-daang supporters ni US ex-President Donald Trump sa US Capitol nu'ng Miyerkules.

Pahayag ni Biden, “Yesterday, in my view, was one of the darkest days in the history of our nation.

“They weren’t protesters. They were a riotous mob, insurrectionists, domestic terrorists.”

“I wish we could say we couldn’t see it coming but that isn’t true. We could see it coming.

“The past four years, we’ve had a president who made his contempt for our democracy, our Constitution, the rule of law clear in everything he has done.”

Giit naman ni House Speaker Nancy Pelosi, nararapat nang patalsikin si Trump.

Aniya, “This is an emergency of the highest magnitude.

“By inciting sedition, as he did yesterday, he must be removed from office.

“While it’s only 13 days left, any day can be a horror show for America.

“If the vice-president and the cabinet do not act, the Congress may be prepared to move forward with impeachment.”