5 patay sa sunog sa pagawaan ng COVID-19 vaccine sa India

ni Ronalyn Seminiano Reonico | January 23, 2021

Patay ang limang katao matapos masunog ang pinakamalaking COVID-19 vaccine manufacturing hub sa buong mundo sa India noong Huwebes.

Ayon sa ulat, natagpuan ng mga rescue workers ang katawan ng limang katao sa ilalim ng construction building ng Serum Institute of India (SII) matapos ideklarang under control ang sunog.

Kinumpirma rin ni City Mayor Murlidhar Mohol ang bilang ng mga nasawi. Aniya, "Five people have died."

Ang naturang hub ay gumagawa ng Covishield COVID-19 vaccine na dinebelop ng AstraZeneca at Oxford University.

Pahayag ng SII, "It is not going to affect the production of the COVID-19 vaccine.”

Nagpahayag naman ng pakikiramay sa pamilya ng mga nasawi ang CEO ng SII na si Adar Poonawalla.

Aniya, "We are deeply saddened and offer our deepest condolences to the family members of the departed.”

Samantala, inaalam pa ng awtoridad ang sanhi ng insidente.

Pagputol sa kasunduang UP-DND, aprub sa DILG

ni Ronalyn Seminiano Reonico | January 23, 2021

Sinuportahan ng Department of the Interior and Local Government (DILG) ang desisyon ng Department of National Defense (DND) na pagputol sa “long-time agreement” ng naturang ahensiya sa University of the Philippines (UP) na pagbabawal sa pagpasok ng state forces sa mga campuses nito nang walang koordinasyon sa unibersidad.

Pahayag ni DILG Officer-in-Charge (OIC) Usec. Bernardo Florece, “The agreement has become obsolete and no longer attuned to the times. It was signed way back in 1989, three years after the end of the Marcos dictatorship. The conditions have changed.”

Saad naman ni Defense Secretary Delfin Lorenzana sa pagputol ng kasunduan sa UP, “By reason of national security and safety of UP students, this Department intends to remedy this situation by terminating or abrogating the existing ‘agreement’ in order for us to perform our legal mandate of protecting our youth against CPP-NPA recruitment activities.”

Samantala, sang-ayon naman si DILG Undersecretary and Spokesperson Jonathan Malaya sa request ng UP na magkaroon ng pagpupulong upang mapag-usapan ang desisyon ng DND.

Saad ni Malaya, “The non-academic areas in UP have increased through the years and crime has been increasing, thus we need to discuss ways on how we can maintain peace and order in those areas.”

Aniya pa, “Upon the request of UP, we are open to a meeting. Kailangan na talaga nating umupo at mag-usap dahil sa dami ng mga pagbabago, pangyayari at problema sa UP. The bottomline is, and will always be, to ensure peace and security in the students and faculty of UP.”

Mga iskul sa San Juan, gagawing vaccination center

ni Ronalyn Seminiano Reonico | January 21, 2021

Inihahanda na ang COVID-19 vaccines storage facilities sa San Juan kung saan pinag-aaralang gawing vaccination center ang mga eskuwelahan ngunit ang gymnasium ang magsisilbing primary center para sa mga residente ng naturang lugar, ayon kay Mayor Francis Zamora.

Pahayag ni Zamora, "Handang-handa na po ang San Juan City para sa pagdating ng bakuna. Katunayan, maaga ho kaming nagsimula at noong Disyembre ho kasi, binanggit sa amin ng Inter-Agency Task Force (IATF) na posibleng pagdating nga nitong taon ay magsisimula na.

"These are refrigerators that can handle two to eight degrees celsius. 'Yan po ang temperatura na kinakailangan ng AstraZeneca.”

Aniya pa, "We can also utilize our barangay facilities, pati ho ang public schools natin, puwedeng gamitin. So, depende ho talaga 'yan sa magiging final count natin.”

Samantala, plano rin ng San Juan government na mag-rent ng mga refrigerators para sa Pfizer COVID-19 vaccines.

Saad ni Zamora, "Magre-rent lang po kami at may mga kausap na po tayo. ‘Pag sinabi po ng national government na okay, good to go na po ang Pfizer para sa San Juan, then we'll have these rented freezers brought here that will allow us to store the Pfizer vaccines at -7 degree celsius.”