Edad 10-14, papayagan na ring lumabas

ni Ronalyn Seminiano Reonico | January 25, 2021

Maaari nang lumabas ang mga edad 10 hangggang 65 sa mga lugar na nasa ilalim ng modified general community quarantine (MGCQ) simula sa February 1 ngunit kailangang kasama ng mga bata ang kanilang magulang, ayon sa Inter-Agency Task Force for the Management of Emerging Infectious Diseases (IATF) noong Linggo.

Paglilinaw ni Cabinet Secretary and IATF Co-Chairperson Karlo Nograles, “Hindi naman basta-basta lalabas ‘yan kung hindi kasama ang magulang. Meron po tayong panibagong clarificatory resolution na ilalabas na ‘yung paglabas ng bata is dapat kasama ang magulang para ma-supervise.”

Aniya pa, “Sa ibang bansa po, hindi sila kasing restrictive po natin sa galawan ng mga kabataan. Sa ibang bansa po, hindi nila ikinukulong ang mga bata sa loob ng tahanan. As far as pag-survey naman sa iba’t ibang ginagawa ng bansa, tayo po ‘yung pinaka-restrictive.”

Nagdesisyon din ang IATF na luwagan na ang age restriction dahil “manageable” umano ang kaso ng COVID-19.

Aniya, “Nakita namin na after Christmas holidays, manageable naman ang cases natin per day, nagkadesisyon kami na babaan ang age restriction to 10.”

Larry King, pumanaw na sa edad 87

ni Ronalyn Seminiano Reonico | January 24, 2021

Pumanaw na ang award-winning American television host na si Larry King noong Sabado nang umaga sa edad na 87.

Pahayag ng Ora Media, kumpanya ni King, “With profound sadness, Ora Media announces the death of our co-founder, host, and friend Larry King, who passed away this morning at age 87 at Cedars-Sinai Medical Center in Los Angeles.

“For 63 years and across the platforms of radio, television and digital media, Larry’s many thousands of interviews, awards, and global acclaim stand as a testament to his unique and lasting talent as a broadcaster.

“Additionally, while it was his name appearing in the shows’ titles, Larry always viewed his interview subjects as the true stars of his programs, and himself as merely an unbiased conduit between the guest and audience. Whether he was interviewing a U.S. president, foreign leader, celebrity, scandal-ridden personage, or an everyman, Larry liked to ask short, direct, and uncomplicated questions. He believed concise questions usually provided the best answers, and he was not wrong in that belief.”

Samantala, hindi binanggit ng Ora Media ang sanhi ng pagkamatay ni King.

Si King ay naging host ng “The Larry King Show,” “Larry King Live” ng CNN, “Larry King Now,” at “Politicking with Larry King.”

“Sunday lockdown” ipinatupad

ni Ronalyn Seminiano Reonico | January 24, 2021

Isasailalim sa lockdown tuwing Linggo ang Barangay Guadalupe, Cebu City simula ngayong araw, January 24 dahil sa dumaraming kaso ng COVID-19.

Ayon kay Barangay Captain Michael Gacasan, tuwing Linggo ay hindi maaaring lumabas ng bahay ang mga residente ng Bgy. Guadalupe. Ang maaari lamang lumabas ay ang mga health workers, authorized persons outside residence (APOR), at ang mga residenteng may emergency needs.

Isasara rin ang mga business establishments maliban na lamang sa mga “essential” businesses katulad ng mga drugstores.

Mananatili namang available ang public transportation sa naturang lugar.

Samantala, ang Sunday lockdown ay inaasahang magtatagal nang dalawang linggo ngunit maaari rin umanong i-extend kung kinakailangan.

Saad din ni Gacasan, “If the number of cases drops, then there’s no need to continue with the lockdown.”

Ayon sa mga local officials ng Barangay Guadalupe, 43 ang aktibong kaso ng COVID-19 at 34 dito ang naitalang bagong kaso sa loob lamang ng isang linggo na naging dahilan ng pagsasailalim sa lockdown.

Bukod sa Guadalupe, nakapagtala rin ang iba pang barangay ng matataas na kaso ng COVID-19 sa loob ng 14 araw katulad ng Basak San Nicolas (32), Lahug (32), Mambaling (27), Talamban (26), Tisa (26), Kasambagan (25), Camputhaw (24), Bacayan (23) at Punta Princesa (23).

Pahayag din ni Cebu City Emergency Operations Center (EOC) Head and Councilor Joel Garganera, “It’s quite alarming because these cases are not only contained in one area. These are actually found in 27 sitios, and they are really spread out.”