‘Pinas, huli na sa COVID vaccine — Galvez

ni Ronalyn Seminiano Reonico | February 19, 2021

Humingi ng paumanhin si Vaccine Czar Carlito Galvez, Jr. dahil sa delayed na pagdating ng COVID-19 vaccines sa bansa.

Sa naganap na pagbisita ng Coordinated Operations to Defeat Epidemic (C.O.D.E.) Team sa Pateros, pahayag ni Galvez, “Sa ating mga mayors, kaunting pasensiya lang po. Pasensiya na po talaga na talagang hindi po natin kasi hawak iyong ating supply chain doon sa ating mga vaccines.”

Aniya pa sa mga mayors at sa Metropolitan Manila Development Authority, “Sana po, maintindihan n’yo po ang kalagayan ng gobyerno. Kami po talaga, ginagawa po namin ang aming magagawa, lalo na sa FDA (Food and Drug Administration), na sana ‘yung ating vaccine na dadalhin dito ay very safe, effective.”

Ayon din kay Galvez, marami ang kailangang proseso na nakakaapekto sa pagbili at pagdating ng vaccines sa bansa.

Aniya pa, “Minsan, ako po’y nahihiya dahil sabi nga, bakuna na lang ang kulang. Nasaan na ‘yung bakuna? Iyon ang question po sa atin ngayon.

“Bilang the leading person to really procure and manage and get the best vaccine for all of us, nakita natin na talagang medyo nahuli tayo nang kaunti, pero kung titingnan din natin, ang Australia, hindi pa sila nagsisimula…”

Inaasahang darating sa bansa sa pangalawang linggo ng Pebrero ang aabot sa 5.5 million hanggang 9.2 million doses mula sa AstraZeneca. Aabot naman sa 117,000 doses ang mula sa Pfizer-BioNTech.

Ngunit ayon kay Galvez, nagkaroon ng problema sa delivery ng COVID-19 vaccines mula sa AstraZeneca dahil sa manufacturing complications.

Samantala, siniguro naman ni Galvez na patuloy ang pakikipag-ugnayan sa COVAX facility.

Saad pa niya, “We are hopeful na iyong COVAX, they will fulfill their commitment to bring us the 44 million doses.

“Dapat intindihin din natin sila, na iyong pagbabakuna ng buong mundo, isang malaking hamon din sa kanila.”

Cebu Archbishop, nagpositibo sa COVID-19

ni Ronalyn Seminiano Reonico | February 19, 2021

Nagpositibo sa COVID-19 si Cebu Archbishop Jose S. Palma at kasalukuyan nang naka-confine sa Perpetual Succour Hospital, ayon sa Archdiocese of Cebu ngayong Biyernes.

Ayon kay Archdiocese of Cebu Spokesperson Monsignor Joseph Tan, Huwebes nang gabi nang makuha ang positive COVID-19 test result ng archbishop at naipaalam na rin sa mga nagkaroon ng close contact sa kanya ang kondisyon nito.

Pahayag ni Tan, "The Archbishop remains in a stable condition. Let us all pray for his steady and speedy recovery.

“The people who have been in close contact with the Archbishop have also been informed about the matter.”

Digital Bar exam sa Nobyembre, aprub sa SC

ni Ronalyn Seminiano Reonico | February 15, 2021

Inaprubrahan na ng Supreme Court (SC) ang pagsasagawa ng digital Bar exams sa November matapos ang maayos na paglulunsad ng mock test noong nakaraang buwan.

Paglilinaw naman ni Office of the Bar Chairperson and SC Associate Justice Marvic Leonen, “Examinees will still walk into testing rooms and will be proctored while taking the exams. Surveillance cameras will also be installed in all testing rooms.

“Examinees will be assigned in testing centers in a locality closest to their residence or the school they graduated from, or for any other consideration. This determination shall depend on the final list of schools that would qualify as local testing sites.”

Pinapayagan pa rin umano ang pagsasagawa ng tradisyunal na handwritten examinations ngunit “very exceptional cases where it can be adequately proven that the examinee suffers from a physical disability that does not permit them to take the examinations through a computer.”

Kailangang magdala ang mga examinees ng WiFi-enabled laptops na mayroong integrated display screen, keyboard, at trackpad o pointer device.

Mahigpit ding ipatutupad ang health protocols sa mga testing rooms at magsasagawa rin ng COVID-19 testing.

Saad pa sa bulletin, “The Court will explore arrangements for a predominantly saliva RT-PCR testing modality in each of the testing sites.”

Iaanunsiyo naman ang mga certified testing sites bago magsimula ang application para makapag-take ng Bar exam.

Online na rin ang aplikasyon para sa naturang exam kaya hindi na kailangang pumunta ng mga mag-a-apply sa Office of the Bar Confidant, maliban na lamang kung kailangang magsumite ng mga dokumento.