BOQ, DA, nakaalerto sa H5N8 avian flu — Duque

ni Ronalyn Seminiano Reonico | February 22, 2021

Nakapagtala ang Russia ng unang kaso ng H5N8 avian flu sa tao at ayon kay Health Secretary Francisco Duque III, nakaalerto ang Bureau of Quarantine (BOQ) at Department of Agriculture (DA) upang hindi ito makapasok sa bansa.

Pahayag ni Duque sa Laging Handa briefing, “Ang ating BOQ, nagpaigting na ng kanilang border surveillance at control at ganu’n din ang ating surveillance of animal health na ginagampanan naman ng ating DA.

“Meron pong pakikipag-ugnayan ang dalawang ahensiya na sinisiguro nila na ito po ay hindi makakapasok sa Pilipinas.”

Ipinaalam ng Russia sa World Health Organization noong Sabado ang naitalang transmission ng H5N8 avian flu sa tao matapos itong ma-detect sa 7 manggagawa ng poultry farm sa southern part ng naturang bansa.

Ayon kay Duque, ang sintomas ng H5N8 ay “fever, cough, sore throat, muscle ache or numbness, as well as nausea, abdominal pain, diarrhea, and vomiting.”

Saad pa ni Duque, “Kung meron namang nararanasang alinman sa mga sintomas na ito, magandang magkonsulta sa inyong mga doktor lalo na kung meron po kayong history of recent travel to a part of the world kung saan nagkaroon na ng ulat ng bird flu.”

‘Pinas, handa sa MGCQ — Duque

ni Ronalyn Seminiano Reonico | February 22, 2021

Kumpiyansa si Health Secretary Francisco Duque III na handa ang Pilipinas kung isasailalim na ito sa modified general community quarantine (MGCQ).

Aniya, “I think we are ready. I can say that because after one year, we have managed to keep our infection rate manageable… It is at a level that has not overwhelmed the healthcare system.”

Ayon din kay Duque, epektibo ang pagkilos ng mga local government units sa pagkontrol ng COVID-19.

“Naniniwala ako na ang ating LGUs ay handa naman ang kanilang sistema, ang kanilang mga health protocols, ang kanilang quarantine/isolation guidelines, infection/prevention control protocols, ang kanilang testing capacities, etc. para magluwag pa to MGCQ ang kanila pong quarantine status.”

Sinovac, 'di oks sa mga health workers - FDA

ni Ronalyn Seminiano Reonico | February 22, 2021

Binigyan na ng emergency use authorization ng Food and Drug Administration (FDA) ang Sinovac COVID-19 vaccine kaya maaari na itong magamit sa bansa, ayon kay Director General Dr. Eric Domingo.

Pahayag ni Domingo sa ginanap na Laging Handa press briefing, “After thorough and rigorous review by our regulatory and medical experts, the FDA issues EUA to Sinovac.”

Samantala, ayon kay Domingo, ang efficacy o pagiging epektibo ng Sinovac ay tinatayang aabot sa 65.3% hanggang 91.2% ngunit 50.4% lamang sa mga health workers dahil sa exposure nila diumano sa COVID-19.

Aniya pa, “The use of Sinovac vaccine on healthcare workers is not recommended.”