SHARON, NAPAIYAK AT SUMALAMPAK SA SAHIG DAHIL KAY TAEMIN

ni Rohn Romulo @Run Wild | October 16, 2023

Hindi nga kinaya ni Megastar Sharon Cuneta ang unexpected and unforgettable moment kaya naiyak siya sa sobrang tuwa matapos ma-meet ang idolong si Taemin na member ng sikat na South Korean boy band na SHINee.

Kasama ang 30-year-old singer-actor-dancer sa South Korean acts na bahagi ng K-Magic Live concert na ginanap sa Mall of Asia Arena sa Pasay City noong October 13, 2023.

Hindi na nahiya si Sharon na i-post ang larawan niya na nakaupo o nakasalampak sa sahig, nakayuko habang umiiyak sa labis na kaligayahan.

Caption pa ni Mega, "After meeting Taemin. Sige magtawa kayo!!! (three crying emojis). 'Di ko kinakaya itoooooo!!! So unexpected!!! I didn’t even make a request but God was watching me!!!"

Dagdag pa niya, "In two weeks ako naman sa MOA ngeeeee!!! (three crying emojis). Thank you so much Taeminssi! You are so nice and humble and more handsome in person!

"Like I promised, I will always pray for you! God bless."

Kitang-kita talaga na super proud si Sharon sa kanyang series of IG posts sa pagkikita nila ni Taemin, na ayon sa kanya ay, "I will never forget this night!!!"

Kahit na marami na naman ang nang-bash sa kanya at hindi maintindihan ang sobrang pagiging fan girl niya sa K-pop idol.

Mapapanood din sa IG account niya ang video na kuha sa backstage, kung saan nakausap, nakamayan at nakapagpakuha siya ng litrato kasama si Taemin.

Kaya masayang sabi ni Sharon, “YES!!! I met Taemin. Oh. My. Gosh. Thank you, Jesus! Naiyak ako.”

Nakakatuwa naman ang reaction ng mga netizens at followers sa mga posts ni Sharon, dahil natupad ang dream niya...

"A dream come true for a true Shawol."

"What a beautiful moment?"

"Ay, wowww, dream come true for u, Mega, Enjoy!"

"Omggg I am so happy for you! Idols colliding like this is just magic! You look so happy! Forever a fan of you Sharon and of course all of Shinee!"

"GRABE!!! You touch him!!! So kilig and happy for you Mama!"

"Fangirl mode si Mega! SUPER HAPPY FOR U MAMA."

"Ang kyutttt ni Mega fan gurlll na fan gurlll parang kami lang sa 'yo. Sobrang nakakaiyak talaga at nakakakaba kaya I feel Tita Shawie huhu.."

"I’m so happy for her.. parang nanalo sa lotto na paulit-ulit ang pakiramdam ng ganyan kasi that’s what I felt that day until now. Hahahahahahah."

Komento pa ng mga netizens, kung alam lang daw ng Korean pop idol na ang nag-iisang Megastar ng 'Pinas ang kausap niya at hangang-hanga sa kanya...

"If these Korean stars only knew that their fan is THE MEGASTAR..."

"I don't know who the guy is but he must be amazing for our Megastar to be a fan of his."

"Whew!! Kung alam lang ni Taemin kung sino 'yung kaharap niya. He's very lucky, MEGASTAR naman, fan na fan siya."

"Grabe!!! I'm so happy for you Ms. Shawie!!! :) Pero ano kaya ang feeling ni Taemin na isang Megastar 'yung fan niya? Hahahaha!"

"Ang suwerte naman niya, nahawakan niya kamay ng isang Megastar."

Last May, 2022 naman nang nakita rin ni Sharon ang isa pang member ng SHINee na si Key sa Begin Again: KPOP Edition concert na ginanap sa Araneta Coliseum sa Quezon City.

Anyway, bago ang naturang K-pop concert, inamin ni Sharon na masama ang pakiramdam niya at sobrang stressed, malamang dahil na rin sa paiba-ibang panahon at sa preparation niya sa kanilang concert ni Gabby Concepcion sa Oct. 27.

Pero hindi nga siya puwedeng mawala sa naturang concert na matagal na hinintay, at say pa niya, "I’ve waited so long for this! I sooo need this tonight. Thank you for coming, Taeminnie @shineetaemin in Manila! Coming, our baby cheese!"

Last Oct. 14, nag-post naman ng pasasalamat si Sharon sa Gabay Guro event, kung saan isa siya sa mga guests.

In fairness, walang kapaguran si Sharon, at fresh na fresh ang latest photo niya.

Pero after that event, siguro naman, magpapahinga na siya, lalo na ang kanyang voice, para naman walang maging problema dahil ilang araw na lang at mapapanood na ang Dear Heart: The Concert.

Super excited na nga ang lahat, at isa kami roon, kaya ipag-pray natin sina Sharon at Gabby sa kanilang kalusugan, kasama na ang magandang panahon, para naman ma-enjoy natin ang historic moment na ito sa Philippine entertainment industry.

May 30 million views na sa YouTube… GENTO NG SB19, ENTRY SA GRAMMYS

ni Rohn Romulo @Run Wild | October 15, 2023

Hindi na nga magpapaawat ang tinaguriang King of P-Pop na SB19 dahil kabi-kabila ang kaganapan sa kanilang singing career.

Ipinost ng Sony Music PH sa kanilang IG account ang panawagan na, "A'TIN!!!! Mag-ingay!!!! @officialsb19's GENTO is an approved entry to the GRAMMYs. "Share until it gets to the voting members of the Recording Academy before Oct. 20."

Kasama nito ang mga hashtags na: #GetSB19GrammyNominated #SB19RoadToGrammyNomination #SB19 #GENTO #SB19GENTO

Ibang level na ito 'pag nakapasok sila sa category na Best Pop Duo/Group Performance dahil matindi ang maglalaban-laban dito.

Samantala, may more than 30 million views sa YouTube ng phenomenal hit song nila na Gento na isinasayaw kahit ng mga foreign artists sa buong mundo.

Ang naturang music video ay may mahigit 562,000 likes na sa YouTube simula nang ma-upload ito noong May 19, 2023.

Meron na rin silang podcast, ang Atin Atin Lang at sa October 28, 7 PM sa Araneta Coliseum ay isang fan meet ang magaganap, ang ONE ZONE bilang celebration ng kanilang fifth anniversary.

Bukod dito, may isa pang ipinagbubunyi ang A'TIN dahil ang SB19 ang napiling maging solo cover ng nagbabalik na Billboard Philippines.

May pasilip na nga sa Instagram account ng music magazine sina Pablo, Josh, Stell, Ken at Justin na very fashionable sa kanilang red suit.

Samantala, may isa pang solo cover para sa Volume 1 ng Billboard PH na for sure, ikinatuwa rin ng mga tagahanga naman ni Asia's Songbird Regine Velasquez.

Sa kanilang social media post, makikita ang naturang cover at may caption na: "She continues to make history — a truly timeless OPM artist. Asia's Songbird, Regine Velasquez-Alcasid, also graces the debut issue of Billboard Philippines with her exclusive solo cover.

"Let's be a part of history. Go to SariSari.shopping to reserve a copy now."

Ini-repost din ito ni Regine sa kanyang social media accounts na pinusuan din ng mga netizens.

For sure, marami na ang nag-advance order ng dalawang covers ng Billboard PH.

JESSICA, SHOCKED NA MAY SWIMMING POOL SI SHARON

ni Rohn Romulo @Run Wild | October 14, 2023

Hindi pa nga maka-get-over si Megastar Sharon Cuneta sa magagandang sinabi ng kanyang labis na hinahangaan na si Ms. Jessica Soho, na masasabing isa ring Sharonian.

Sa IG post ni Sharon, sinabi nito na, "Hanggang ngayon, 'di pa rin ako maka-get-over sa mga sinabi ni Ms. Jessica Soho sa akin sa YouTube channel ko.

"Iba kung ang isa sa pinakatinitingala at inirerespeto mo ang nagsalita tungkol sa pagkakakilala niya sa 'yo thru the years. Thank you so much again, dearest Ms. Jessica!

"Much love to you and God bless you always. Your fan forever, Sharon. (three red hearts) #kmjs @km_jessica_soho "

After nga ng magkahiwalay nilang interview ni Gabby Concepcion sa Kapuso Mo, Jessica Soho na ipinalabas last Sunday, mapapanood naman ngayon sa YT channel ni Mega ang maikling interview nila kay Jessica, kung saan nagbahagi ang multi-awarded journalist ng tungkol sa mga encounter niya kay Sharon.

Caption niya sa YT post na may title na I-KMJS mo 'Yan, MEGA!, "I was interviewed recently by someone I truly look up to...the one-and-only Ms. Jessica Soho and her team for Kapuso Mo, Jessica Soho on GMA. It's been over 2 decades since I sat down with her but as soon as we started talking, it just felt like catching up with an old friend.

"Thank you so much, KMJS and thank YOU, Jessica! I truly admire and respect you so much.

You are one of my biggest idols in this industry. Thank you for your true friendship throughout all these years."

Tuwang-tuwa nga si Jessica kay Sharon sa kanilang interview at papuri pa nito, hindi raw ito nagbago.

Say ni Jessica, "Tuwang-tuwa ako na binuksan niya ang puso niya. Alam ko naman what Sharon is like, dahil makailang beses ko na siyang nai-interview.

"Pero natutuwa ako na hindi siya nagbago."

Kinilig daw siya sa muli nilang pagtatagpo ni Sharon pagkaraan ng maraming taon.

Kuwento pa ni Ms. Jessica, "Sharon, we patterned our lives after you. Ikaw ang template namin.

"Alam mo, tandang-tanda ko pa 'yung first time na makita ko si Sharon na upclose. Naglalakad siya roon sa hallway sa GMA, paalis na siya. Tapos binati ko siya, 'Hi Sharon!'"

Tapos, sabi raw ni Sharon, kung puwede itong maki-CR at pinapasok naman niya at ipinagmalaking malinis ang CR niya sa News Department.

Dagdag pa niya, "Si Sharon, napapanood ko sa TV. Sabi ko, ang ganda naman niya, kumakanta ng Mr. DJ.

"Naalala ko noon, after GMA Supershow ba 'yun... This was one time na sabi niya, 'Hi, Dad, thank you for having the pool cleaned.'"

Gulat na gulat daw sila sa sinabing 'yun ni Sharon, na 'di talaga niya malimutan hanggang ngayon.

"Sabi ko, 'Wow, may swimming pool sila.'

"Eh, I'm from La Union, small town, buong lugar yata namin, isa lang may swimming pool.

"So, parang unthinkable sa amin na si Sharon Cuneta, may swimming pool. Isa 'yun sa pinag-uusapan namin sa school at ng mga kaibigan ko.

"So, that was how I admired Sharon from afar. Halos magka-age kami, mas bata lang si Sharon (two years ang agwat nila)."

May kuwento rin siya noong time na na-bash si Sharon, na sobrang nakaka-relate siya, kaya nag-reach out siya through text or call at sinabing lakasan ang loob at malalampasan din ang pagsubok na 'yun tulad ng nangyari sa kanya.

Mapusong sabi pa ni Jessica, "Hindi siya nagbago. 'Yung core niya, 'yun pa rin at napakabait. Napaka-pure ng puso, 'yung parang sa bata.

"I suspect na may maliit na bata, who lives inside of Sharon Cuneta. She has remained child like all these years.

"So, tama ang inyong idolo because I sincerely and honestly believe that she is a good person.

"Hindi siya nagbago, despite her fame, despite who she is. Despite kung nasaan siya ngayon.

"Siya pa rin 'yung Sharon Cuneta na nakilala natin publicly and even I think privately, ganu'n siya talaga."

Samantala, two weeks to go na lang at matutunghayan na ang Dear Heart: The Concert nina Sharon Cuneta at Gabby Concepcion sa Oct. 27 sa SM MOA Arena.

May magandang balita naman si Sharon, dahil soldout na ang SVIP (18,500) at VIP (14,500) tickets, nagdagdag pa sila para sa gustong humabol at naghahanap.