'Di lang mga noontime shows… SHOW NINA COCO AT RURU, BANTAY-SARADO RIN SA MTRCB

ni Rohn Romulo @Run Wild | February 2, 2024

Inamin ni Movie and Television Review and Classification Board (MTRCB) Chairperson Lala Sotto na may isang segment sa It’s Showtime ang pinapanood niya, ito 'yung EXpecially For You.

Say niya, “Nakakaiyak kasi ‘yung ibang kuwento.” 

Tanong tuloy sa kanya, alam ba ni former Senator Tito Sotto na pinapanood niya ang isa sa mga katapat ng Eat…Bulaga!? 

“Lahat naman, pinapanood ko,” natatawa pa ulit na sagot ni Chair Lala.

Sa aming tsikahan kasama ang mga officers ng Society of Philippine Entertainment Editors (SPEEd), isa 'yun sa mga napag-usapan.

Matatandaan na sinuspinde ng MTRCB ang It’s Showtime last year nang two weeks dahil sa mga reklamong ginawang landian nina Vice Ganda and Ion Perez sa isang segment ng show.

May constant communication daw sila sa production. Mas naging maingat na raw ang grupo ng noontime show after ng nangyari.

Pag-amin ni Chair Lala, never pala niyang nakita o nakilala si Vice Ganda.

Binabantayan din nila ang Batang Quiapo and Black Rider nina Coco Martin at Ruru Madrid respectively, dahil nakatatanggap din sila ng reklamo sa matitinding eksena ng mga naturang serye. 

“Normal naman ‘yun dito sa MTRCB. Almost everyday, may mga production or show kaming ipinapatawag. If not almost, it’s really every day,” banggit pa niya.

Hindi naman nawawala ang mga bashers, kaya hindi na nagpapaapekto si Chair Lala.

“Don’t let it affect you by not... Just don’t read it. Parang you don’t want to listen to opinions that don’t matter to you. Maaapektuhan lang ako ‘pag may sinabi na sa akin ang magulang ko (Tito Sen at Helen Gamboa).”

Samantala, bukod sa dalawang programa ng SMNI, ipinagbawal na rin ng nasabing ahensiya ng pamahalaan simula nu'ng isang araw ang pag-ere ng programang Private Convos with Doc Rica sa One News Cable Channel dahil sa pagpapalabas nito ng episode na labag sa alituntunin ng MTRCB rating.

May plano rin daw ang MTRCB na magpatawag ng compliance seminars hindi lang sa mga noontime shows, kundi pati sa buong network, at isa ito sa ating mga aabangan.

At nakatutok pa rin sila sa responsableng panonood sa buong bansa.

Sa ngayon, super happy si Chair Lala sa kanyang posisyon at wala siyang pinaplano ngayon kung tatakbo ba siya uli o hindi after na maging chairperson ng MTRCB.

XIAN, ISINAMA PA RIN NI KIM SA MGA BINALIKANG ALAALA NU’NG 2023

ni Rohn Romulo @Run Wild | January 7, 2024

Forever grateful pa rin si Kim Chiu dahil maraming magagandang nangyari sa 2023, sa kabila ng isang malungkot na kabanata ng buhay niya, dahil nag-end na ang love story nila ni Xian Lim, na nag-last ng almost 12 years.

Sa pagsisimula ng bagong taon, nag-post nga si Kim sa kanyang Instagram account ng positibong mensahe.  

Kalakip nito ang series of photos, at kasama rin ang mga close friends na sina Bela Padilla at Angelica Panganiban, na naka-tag din sa naturang post.

May caption ito na: "DAY 1 of 2024!

"Start of a new year, new chapter to open, new beginnings and new new. Kung ano man yun. Lets go! Special shout out to my momsys for giving me the best core memory ever! Love you both so much! Momsy bely shots at 12nn be like @bela @iamangelicap

"Cheers to #2024! #Chiurista #ootdksyc."

Kasunod nito ang pinag-uusapang video post niya noong January 4 na pinupuri rin ng mga netizens.

Simula ng caption niya, "My 2023 recap! (kasama ang fast reverse button emoji)

"So many things can happen in a year, and 2023 was an example for me. 365 days of emotions, up, side, down. It was an intense year of personal growth. It tested my faith and a lot of learnings, wins and losses," pagpapatuloy niya.

"I couldn’t gather all my emotions, which felt overwhelming—so many sentimental moments, breakdowns, and breakthroughs. I am thankful for all the amazing people I worked with, perfectly amazing people surrounding me as well and met/gained new friends. I am grateful for all the trust and opportunities given to me. I am thankful for the highs and also grateful for the lows. 

"Life comes by surprise, and it’s up to you how you walk through it. Life is a test, and all I know is you have to keep walking and moving forward. Stop for a while, cherish every moment, and think about what was. To everyone who supported me along the way, please know that I am deeply thankful, and I appreciate each one of you."

Dagdag pa ni Kim, "Plus, I am thankful that in 2023, I was a noona (DreamMaker) to my dream chaser babies, getting you into the colorful existence of Melanie Dela Cruz (FitCheck) and entering the dark world of Juliana Lualhati (Linlang) plus a glimpse of the charming life of Secretary KIM (What’s Wrong with Secretary Kim).

"I am forever grateful. #2023, you are differently amazing. #2024, please be more amazing!"

Marami naman ang nag-react na netizens at karamihan sa kanila ay pinupuri si Kim, dahil isinama pa rin niya ang dating boyfriend na si Xian Lim sa naturang video post.

"Awww buti pa si Kimmy, isinama pa rin si Xian sa recap niya. Samantalang si Xian, feeling ‘di na naging part sa buhay niya si Kim. Happy New Year, Kimmy, keep looking forward."

"I'm proud of you, Kim. Hala, salamat dahil part nga si Xian ng 2023 mo, may picture kayo together, kilig naman ako du’n. Sana sa 2024 at many years pa, maging parte pa rin siya ng buhay mo, baka sakali."

"Such a beautiful strong woman! You should be proud of yourself! Because we are all your fans."

"Looking forward for more #worryfree moments with the honeybears this 2024 with you @chinitaprincess."

"Kim has long moved on kaya isinama pa niya si X. I love her maturity. Past is past na. 2024 na tayo, wala na ‘yan sa next recap."

"Ibang klase rin talaga ang nag-iisang Kim Chiu, very mature na, huhu, proud of you to the point na puwede naman niyang hindi na isali si Xian pero isinali niya pa rin kasi talagang in-acknowledge pa rin niya na he's still part of past na kanyang tsine-cherish.

Love you Ate Kim Chiu, sana this 2024, mahanap mo ‘yung happiness na deserve mo."

SIGAW NI SHARON: SI KC ANG KUMUMPLETO NG BUHAY KO

ni Rohn Romulo @Run Wild | October 30, 2023

Super mega successful nga ang makasaysayang reunion concert nina Sharon Cuneta at Gabby Concepcion na ginanap sa SM MOA Arena last Friday (Oct. 27), kung saan nagkaroon ng special participation ang kanilang only daughter na si KC Concepcion.

Isa nga sa mga inabangan ng kanilang mga fans na dumagsa sa naturang concert ay ang pakikipag-duet ni KC sa kanyang mga magulang, at magkakasama silang tatlo sa isang stage.

Ikinuwento nga nina Sharon at Gabby na bukod sa mga supporters nila, isa talaga si KC sa mga natuwa sa pagsasama nila pagkalipas ng ilang dekada.

Sinundo ni Gabby si KC na nasa harapan ng VVIP section para mag-join sa kanila ni Sharon matapos nilang mag-duet sa kantang Dear Heart.

Para sa amin, ito talaga ang pinaka-highlight ng Dear Heart: The Concert at sobrang nakaka-touch ang pag-aalay ni Sharon sa anak ng awiting Ikaw.

Say ni Mega, “I have a song for KC, you (Gabby) have a song for KC. Usually this song is a love song for weddings, for someone you love. Tonight, I will sing it for my eldest daughter."

Pagdidiin pa niya, "I have four children. I do not have three. I have four.

“The first child to come and make me feel like a mother was this not-so-little girl beside me. She made my life complete."

Dagdag pa niya, na nagiging emosyonal na, "And if there’s anything that I regret…”

Pinutol siya ni KC at sabay sabing, “Tigilan n’yo ‘yan,” na nakatingin din sa kanyang Papa Gabby.

Pagpapatuloy ni Sharon, “Sorry, KC, we couldn’t give you that complete family. But you have two families that love you. But Papa and I, we never stopped loving you. You were never the problem.”

At nagsabihan sila ng “I love you.”

Hirit naman ni Gabby na nakamasid lang sa nagaganap, “Okay na kayo, ha? Alam n’yo ho, makita ko lang silang okay, okay na ako. I’m happy.”

Pinunasan naman ni Gabby ang luha ni Sharon kaya sigawan at palakpakan ang audience. Nag-thank you naman siya sa ginawa ng dating asawa.

Kaya nasambit na lang ni KC na, “Grabe, para naman akong nasa isang panaginip.”

Ramdam na ramdam namin ang bawat lyrics ng Ikaw habang kinakanta ito ni Sharon sa harap ni KC, kaya sobrang nakaka-touch sa simula pa lang. For sure, marami ang pumatak ang mga luha habang pinapanood sila.

At sa kalagitnaan ng ng kanta ay hindi na napigilan na maiyak ni Sharon. Sinalo na siya ni KC sa pagkanta, at natapos naman nila ang kanilang duet.

Nagbiro pa si KC ng, “Teka lang, moment ko ito. My gosh! Ang sarap n’yong makita together sa isang stage.”

Ang ganda rin ng song na pinili nilang kantahin ni Gabby for KC, ang You Are the Sunshine of My Life kung saan naki-jamming rin si Sharon, matapos na maging kampante na siya sa kanyang pag-iyak.