P-Noy, tunay na lingkod-bayan – P-Duterte

ni Lolet Abania | June 24, 2021

Nakikiisa si Pangulong Rodrigo Duterte sa pakikidalamhati ng buong bansa sa pagpanaw ni dating Presidente Benigno “Noynoy” Aquino III, na tinawag niyang “true servant of the people” o tunay na lingkod ng bayan.

“I join the nation in mourning the passing of former President Aquino,” ani P-Duterte. “Let us all take this opportunity to unite in prayer and set aside our differences as we pay respects to a leader who has given his best to serve the Filipino people,” sabi pa ni Pangulong Duterte.

Nagpahayag din ang Chief Executive ng pakikiramay sa mga miyembro ng pamilya ng dating pangulo.

“I express my deepest sympathies to his siblings, Ballsy, Pinky, Viel and Kris, as well as to all his loved ones, friends and supporters in this period of sadness,” saad ni P-Duterte.

“May you take comfort in the knowledge that he is now in a better place with his Creator. His memory and family’s legacy of offering their lives for the cause of democracy will forever remain etched in our hearts,” dagdag ng Pangulo.

Una nang nagpahayag ang Malacañang ng pakikidalamhati sa Aquino family dahil sa maagang pagpanaw ni PNoy sa edad na 61.

Wall of Heroes, ginawa para sa mga namatay na health workers

ni Ronalyn Seminiano Reonico | June 13, 2021

Pinangunahan ni Pangulong Rodrigo Duterte ang paggunita sa 123rd Independence Day na ginanap sa Bulacan Capitol Grounds sa Malolos, Bulacan noong Sabado. Kasamang dumalo ni P-Duterte sina Senator Bong Go, Presidential Legal Counsel Salvador Panelo, PNP Chief Guillermo Eleazar, at Armed Forces Chief Cirilito Sobejana.

Naroon din sina National Historical Commission of the Philippines Chairperson Dr. Rene Escalante, Bulacan Governor Daniel Fernando, at Malolos Mayor Gilbert Gatchalian. Nagbigay-pugay din si P-Duterte sa mga bayaning sina Heneral Gregorio Del Pilar at Marcelo H. Del Pilar.

Samantala, mensahe rin ni P-Duterte sa mga Pilipino, sundan ang yapak ng mga magigiting na bayani lalo na ngayong panahon ng pandemya at nagbigay-pugay din siya sa mga health workers, atbp. frontliners.

Aniya pa, "The Philippines has indeed come a long way since the time of the heroes we honor today. We are now a nation that is modern, progressive, and ever-thriving.

"However, our continued progress will only be possible if we have a strong understanding and appreciation of the liberties that we enjoy today. Let us move forward in solidarity and give greater meaning to the freedom of our forebearers achieved for us."

Ayon din kay P-Duterte, magkakaroon na rin ng Wall of Heroes sa Libingan ng mga Bayani bilang pagbibigay-pugay sa mga namatay na health workers.

Aniya pa, “At lahat ng mga namatay — mga doctors, mga nurses… will be honored by their name inscribed in that wall. It is now being built, and I’d like to thank the Armed Forces of the Philippines for their pagmamalasakit.”

Traffic sa EDSA, nalutas na — P-Duterte

ni Lolet Abania | June 9, 2021

Ipinagmalaki ni Pangulong Rodrigo Duterte na ang problema at nararanasang matinding trapiko sa EDSA ay nalutas na. “Ang traffic sa EDSA maluwag na,” ani Pangulong Duterte sa isang interview ni Pastor Apollo Quiboloy sa SMNI News kagabi.

“But early on sa administration ko, it was a crisis. So, ang mga advise nina Tugade, ‘yung mga bright boys ko, sabi nila, manghiram tayo ng pera. We can maybe adopt an MRT or somewhere paakyat. Pero basta we need money,” saad ng Pangulo.

“Ito ngayon, sa taas, kita mo, ito na lang ang ibinuhos ko, ‘yung mga grant-grant, doon ko ibinuhos ‘yung pera. Ngayon, maluwag na ‘yung traffic ng Maynila. Talagang if you go to Cubao, airport, it’s about 15 minutes,” dagdag niya.

Ang pagkumpleto sa kabuuang 18-kilometer stretch ng Metro Manila Skyway Stage 3 project, kung saan nag-uugnay sa northern at southern portion ng Metro Manila, ang siyang nagpaluwag sa daloy ng trapiko sa EDSA at nagdulot ng kabawasan sa oras ng pagbibiyahe ng mga motorista sa loob ng end points nito mula sa nagsisiksikang populasyon sa metropolis.

Matatandaang inaprubahan ang proyekto noong September, 2013 sa ilalim ng administrasyon ni dating Pangulong Aquino III. Inianunsiyo naman ng conglomerate San Miguel Corp., ang private developer ng proyekto, ang completion nito noong October, 2020, habang opisyal na binuksan ang skyway nitong January, 2021.

Ayon sa Metropolitan Manila Development Authority (MMDA), matapos na buksan ang Metro Manila Skyway Stage 3, ang daloy ng trapiko sa kahabaan ng EDSA ay naging maayos na.