Ex-military officer Parlade, bagong deputy director-general ng NSC

ni Lolet Abania | September 9, 2021

Itinalaga ni Pangulong Rodrigo Duterte si retired military officer Antonio Parlade Jr. bilang deputy director-general ng National Security Council, batay sa pahayag ng Malacañang ngayong Huwebes.

Ayon kay Presidential Spokesperson Harry Roque, pinirmahan ni Pangulong Duterte ang appointment paper ni Parlade nitong Miyerkules.

“Deputy Director-General [DDG] Parlade faithfully served the Armed Forces of the Philippines for many years until his retirement from the service. We are therefore confident that his length of fruitful service in the military would immensely contribute to the crafting of plans and policies affecting national security,” ani Roque.

“We wish DDG Parlade well in his new assignment,” dagdag ng kalihim.

Matatandaang isa si Parlade sa mga spokespersons ng National Task Force to End Local Communist Armed Conflict (NTF-ELCAC).

Naging kontrobersiyal si Parlade matapos ang mga binitawan nitong mainit na pahayag hinggil sa pagkakaugnay umano ng ilang personalidad sa communist movement.

Ayon kay Senador Panfilo Lacson, ang designation ni Parlade bilang spokesperson ng naturang ahensiya ay paglabag sa constitutional prohibition hinggil sa pagtatalaga ng isang aktibong miyembro ng Armed Forces sa isang civilian position sa gobyerno.

Gayunman, nag-resign si Parlade sa NTF-ELCAC bago pa umabot sa kanyang retirement noong Hulyo.

Sa pagtugon sa COVID-19 pandemic.. Kung nagkulang ako, sorry — P-Duterte

ni Lolet Abania | September 8, 2021

Ipinahayag ni Pangulo Rodrigo Duterte na ginagawa niya ang lahat para matugunan ang problema sa pandemya ng COVID-19 sa bansa habang humingi ito ng paumanhin para sa iba na sa tingin nila ay nagkukulang siya.

“Sabihin ko sa inyo, iyong oath of office ko, talagang tinupad ko. Kung sabihin ninyo [na] ako ang nagkulang, eh sorry. Ginawa ko ang lahat ko,” ani P-Duterte sa isang taped address na ipinalabas nitong Miyerkules nang umaga. “Kung ang lahat ko ay kulang pa, patawad po. ‘Yun lang talaga ang kaya ko,” sabi pa ng Pangulo.

Umapela naman si Pangulong Duterte sa mga healthcare workers na dagdagan ang kanilang pasensiya hinggil sa pagkaantala ng pagre-release ng mga allowances na para sa kanila sa gitna ng pandemya, aniya ang kanilang benepisyo ay agad na ibibigay kapag na-secure na ng gobyerno ang pondo para rito.

“Gusto ko ring ipaabot sa health workers na alam mo sa totoo lang, kung may pera lang talaga, hindi namin pigilan, ibigay namin lahat ‘yan total anuhin namin ang pera sa kamay namin?” saad ng Pangulo.

“Give us time to adjust the finances because we had to collate whatever was left or available under Bayanihan 1 and 2 [laws]. Kaunting pag-unawa po kasi kung meron talaga, bakit hindi namin ibigay?” dagdag ni P-Duterte.

Aminado naman si Department of Health Secretary Francisco Duque III, na naroon din sa briefing, na ang pamahalaan ay patuloy na naghahanap ng pondo para sa meals, accommodation and transportation (MAT) allowances ng mga healthcare workers sa gitna ng COVID-19 pandemic.

“The needed MAT allowance, the DBM and DOH are currently looking for funds for these benefits so we can grant them to health workers in both public and private hospitals,” sabi ni Duque.

Ayon kay Duque, mula sa Setyembre 2020 hanggang Hunyo ngayong taon, nakapag-release na ang gobyerno ng P14.3 bilyon halaga ng benepisyo para sa mga health workers.

Simula noon, sinabi ng kalihim na ang pamahalaan ay nakapag-release rin ng P311 milyon at P888 milyon para sa special risk allowance (SRA) ng mga health workers.

Agad namang nakapagbigay ng SRA ang gobyerno matapos na ang mga health workers ay nagprotesta at nagbantang magre-resign habang ang bansa ay patuloy sa pagsirit ng kaso ng COVID-19.

Gayunman, parehong sina Pangulong Duterte at Duque ay hindi binanggit na ang tinatayang nasa P6.4 bilyon halaga ng hindi nagamit na pondo sa Bayanihan 2 law ay reverted na o ibinalik sa Bureau of Treasury matapos na ang naturang batas ay mag-expire nitong Hunyo 30.

Frontline workers, bagong lahi ng mga bayani – P-Duterte

ni Lolet Abania | August 30, 2021

Nagbigay ng parangal si Pangulong Rodrigo Duterte sa mga frontline workers sa gitna ng patuloy na pakikipaglaban ng mga ito kontra-COVID-19, na tinawag niyang modern day heroes kasabay ng kanyang mensahe para sa pagdiriwang ng National Heroes’ Day ngayong Lunes.

Ayon kay Pangulong Duterte, ang mga bagong lahi ng mga bayani ay mga health workers, uniformed personnel, government employees, at frontliners mula sa mga essential industries.

“For selflessly risking their lives to ensure the survival of our society, I can confidently say they have more than earned their rightful place in the pedestal of heroes,” ani P-Duterte.

“Let us consecrate this day not just as a memorial to their extraordinary heroism, but as enduring testament to our inherent capacity to rise above self-interest to fight for a cause far greater than our own,” dagdag niya.

Ngayong Lunes nang umaga, isinagawa ni Pangulong Duterte ang paggunita ng National Heroes’ Day sa Fort Bonifacio sa Taguig City.

Sa naturang ceremony, pinarangalan ng Punong Ehekutibo ang mga natatanging sakripisyong ginawa ng ating mga ninuno upang ipaglaban ang ating kalayaan at demokrasya.

“May we all learn from the valiant example of the past and present heroes and build on them to achieve a stronger future for all,” sabi pa ni P-Duterte.