Magretiro na ako sa pulitika – P-Du30

ni Lolet Abania | October 2, 2021

Ipinahayag ni Pangulong Rodrigo Duterte ngayong Sabado, Oktubre 2 ang kanyang pagreretiro sa pulitika.

Ito ang inanunsyo ni Pangulong Duterte ilang minuto lamang matapos na ang kanyang longtime aide na si Senador Bong Go ay maghain ng certificate of candidacy (COC) para tumakbong bise-presidente sa 2022 elections.

Ayon kay Pangulong Duterte, ang tinatawag na “overwhelming sentiment” ng mga Pilipino ang nagtulak sa kanya para mag-withdraw sa pagtakbo sanang bise-presidente sa halalan sa susunod na taon.

“I would like to address myself to the entire nation. The universal sentiment of the Filipino as reflected on surveys, on many forums and caucuses, and meetings to discuss what I should do in my life, the overwhelming sentiment of the Filipinos is I’m not qualified, it would be a violation of the Constitution, to circumvent the law, the spirit of the Constitution,” ani P-Duterte.

“So, in obedience to the will of the people, who after all placed me to the presidency many years ago, I now say sa mga kababayan ko, sundin ko ang gusto ninyo and today I announce my retirement from politics,” dagdag pa niya.

Binati naman ng Pangulo si Go habang aniya, “best and good luck to his quest for the vice presidency.”

Para personal na magpasalamat... P-Du30, bibisita sa Amerika

ni Lolet Abania | October 1, 2021

Pinag-iisipan ni Pangulong Rodrigo Duterte na bumisita sa United States upang personal na pasalamatan ang gobyerno ng Amerika para sa kanilang ibinigay na mga donasyon na COVID-19 vaccines sa Pilipinas.

“Ang bait ng Amerika. Punta kaya ako ng Amerika, just to thank the American government and the people,” ani Duterte sa isang taped address na ipinalabas ngayong Biyernes.

“Ano ba itsura ng Amerika,” dagdag niya.

Hanggang nitong Setyembre 27, ang gobyerno ng US ay nakapag-facilitate na ng delivery ng mahigit sa 16 milyong COVID-19 vaccine doses sa Pilipinas via COVAX, kabilang ang mahigit sa 9 milyon doses na donasyon ng mga mamamayan ng Amerika.

Matatandaang noong Disyembre 2016, naipahayag ni Pangulong Duterte na ang kanyang aplikasyon para sa US visa ay na-denied.

Nang panahong iyon, ang Pangulo ay bibisita sana sa kanyang girlfriend doon na nasa kolehiyo. Gayunman, nitong Hulyo 2021, nagpasya ang Punong Ehekutibo na panatilihin ang Visiting Forces Agreement (VFA) sa pagitan ng Pilipinas at ng United States.

Una nang sinabi ni Presidential Spokesperson Harry Roque na ang donasyon na COVID-19 vaccines ng gobyerno ng US ay itinuturing na pagpapanatili ng VFA.

Ang VFA ay isang 1999 military pact sa pagitan ng Manila at Washington kung saan pinapayagan ang American forces, katuwang ang kanilang Filipino counterparts, na magsagawa ng joint military exercises, counter intelligence training, at makiisa sa humanitarian aid missions.

Subalit, ang VFA ay nagbabawal sa mga US troops na magsagawa ng combat operations.

Pormal namang inihain ng Manila ang termination ng VFA noong Pebrero 2020, subalit napagdesisyunan na i-postpone ang naturang terminasyon ng anim na buwan noong Hunyo 2020.

Gayundin, napagpasyahan uli ni Pangulong Duterte na isuspinde ang VFA termination ng anim pang buwan noong Nobyembre 2020.

Babala ni P-Du30.. Ayaw magpabakuna o police power

ni Lolet Abania | September 28, 2021

Nagbabala si Pangulong Rodrigo Duterte na gagamitin niya ng police power o kapangyarihan ng pulisya para pilitin ang mga mamamayan na magpabakuna kontra-COVID-19.

Ito ang naging pahayag ni Pangulong Duterte sa kanyang Talk to the People upang maobliga ang bansa na makamit ang herd immunity laban sa COVID-19 kaugnay ng vaccination program na isinasagawa ng gobyerno.

“If it is not yet there in your place, ‘di pa dumating ang supply well perfectly understood. Pero ‘yung nandiyan na at ayaw ninyo o talagang may pinag-isipan,” ani P-Duterte.

“You know, I do not want to advance this theory, but under the police power of the state, everybody can be compelled to vaccination,” dagdag ng Pangulo.

“Not because we do not believe in your religion but because you are a carrier or a danger to society. ‘Yan ang problema diyan. It’s between your belief maybe, your religion, eh there is a division of religion and state,” paliwanag ni P-Duterte.

Ipinunto ng Pangulo ang prinsipyo ng separation ng church at state subalit, idiniin nitong makikialam ang pulisya kung ang pinag-uusapan na ay tungkol sa pagbabakuna.

“Sa ordinaryong mga araw, ‘di nakikialam ang gobyerno. Ni minsan government has no power to compel any religion or church to not to do a certain thing,” sabi ni P-Duterte.

“It can only cooperate but itong police power ng state na hahawain mo kapwa tao mo patayin mo and maybe it would affect a large number of our people then you are a danger to society,” sabi pa niya.

Hanggang nitong Setyembre 27, umabot pa lang sa 20.3 milyon Pilipino ang fully vaccinated, kung saan nasa 26.33% lamang ng populasyon ng bansa.

Ayon sa Department of Health, ang vaccination kontra-COVID-19 ay hindi mandatory subalit ang benepisyo nito ay nakakabawas ng panganib sa sakit para sa nakatanggap ng bakuna.

Giit ni Pangulong Duterte, “The police may intervene in the private life of people who would not get vaccinated.”

“If everyone does not comply with vaccination, we have wildfire spread (of virus), then police must go in and intervene in your private life so you can not be in danger to society,” sabi ng Punong Ehekutibo.

Hinimok din ng Pangulo ang mga professionals gaya ng mga doktor at lawyer na iwasang magsalita ng mga mapanganib na mga pahayag laban sa COVID-19 vaccination dahil maaaring makumbinse ang publiko hinggil dito.

“Whether you are a doctor, a specialist, practitioner or general, kapag doctor ka o abogado medyo may kabigatan ang salita natin,” ani P-Duterte.

“If you are convincing in your arguments, people might listen to you and that could be a problem. Sana kung ganito na ayaw mo manahimik ka na lang,” dagdag niya.

“There is freedom of speech in the country but sana naman you will go by the general trend all over the world to get vaccinated or inoculated... It is really the best defense for yourself and fellow men,” wika ni P-Duterte.

Habang patuloy na nakakaapekto sa lahat ang pandemya ng COVID-19, sinabi ni Pangulong Duterte na posibleng bumalik ito sa normal matapos ang dalawa o tatlong taon, subalit aniya, maaaring mapaikli ito kapag naabot na ng bansa ang herd immunity.

“We would not be able to return to the old norm mga ano pa siguro two to three years. Pero 'pag ang mga tao nandiyan ang bakuna, magpabakuna kaagad, maminimize yan,” sabi ng Pangulo.

“If God helps us, we can have steady supply of vaccines,” aniya pa.