Ayaw magpabakuna kontra-COVID-19... Turukan habang natutulog – P-Du30

ni Lolet Abania | October 12, 2021

Ipinag-utos ni Pangulong Rodrigo Duterte nitong Lunes sa mga awtoridad na hanapin ang mga indibidwal na ayaw magpabakuna kontra-COVID-19 at turukan ang mga ito habang sila ay natutulog upang makamit ng bansa ang layong herd immunity laban sa virus.

“Alam kong marami pang ayaw. ‘Yan ang problem, ‘yung ayaw magpabakuna. Kaya hanapin ninyo ‘yan sa barangay ninyo. Akyatin natin pagtulog at turukin natin habang natutulog para makumpleto ang istorya,” ani Pangulong Duterte sa kanyang taped address na Talk to the People.

“Kung ayaw, akyatin sa bahay, tusukin sa gabi. Ako ang mag-ano [turok sa kanila],” dagdag ng Pangulo.

Ayon kay National Task Force Against COVID-19 deputy chief implementer Vince Dizon, ang pag-aalangan para sa COVID-19 vaccines ay nananatili pa rin sa mga malalayong lugar. Aniya, kinakailangan ng matinding information drive para ipaalam sa mga tao na ang bakuna ay makababawas ng tiyansa na ma-infect o makakuha ng severe case ng COVID-19, kung saan napatunayan na rin sa mga datos mula sa Food and Drug Administration (FDA).

Base sa FDA records, mayroong 516 breakthrough infections mula sa mga fully vaccinated na indibidwal sa buong bansa. Ito ay 0.0025% lamang ng 20.3 milyong fully vaccinated individuals sa bansa.

Ang inisyal na target ng gobyerno na fully vaccinated na Pinoy ay 70% ng 109 milyong populasyon ng bansa hanggang Disyembre ngayong taon, subalit ito ay binago ng 80% hanggang 90% ng populasyon bago pa ang May 9, 2022 national elections.

Sa ngayon, tinatayang nasa 23 milyong Pilipino na ang fully vaccinated kontra-COVID-19.

Ang rehiyon na may pinakamalawak na COVID-19 vaccine coverage ng 77% ay Metro Manila, ang epicenter ng pandemya sa bansa.

Tiwala naman si Pangulong Duterte na 50% ng tinatayang 109 milyon populasyon ng bansa ay fully vaccinated na kontra-COVID-19 bago pa mag-Pasko.

P-Du30 sa mga gabinete: Senate hearing, dedmahin

ni Lolet Abania | October 5, 2021

Pormal na naglabas ng direktiba si Pangulong Rodrigo Duterte hinggil sa pagbabawal sa kanyang mga Cabinet secretaries na dumalo sa isang Senate investigation tungkol sa umano’y maling paggamit ng pondo sa pandemya.

Ayon kay Pangulong Duterte nitong Lunes nang gabi, nakapag-isyu na siya ng isang memorandum na nagbabawal sa kanyang mga aides sa pagsali sa ginagawang pagsisiyasat aniya, “because we cannot allow blatant disrespect of resource persons at the ongoing hearings of the Senate Blue Ribbon Committee.”

Si Sen. Richard Gordon ang tinutukoy ni Pangulong Duterte na chairman ng committee aniya, “You are not God and you cannot play God. No. You cannot continue this hearing ‘til Kingdom come.” “You are not a senator forever and the time of reckoning will come. You and the Senate cannot compromise the government’s COVID-19 response by getting agency leaders tied up for so long at your beck and call,” pahayag ng Pangulo sa kanyang taped late night speech ng Lunes.

Ipinakita naman ng Senado sa ginaganap na hearing ngayong Martes, ang ilang bahagi mula sa memo na nilagdaan ni Executive Secretary Salvador Medialdea.

“On the premise that the principle of separation of powers requires mutual respect among the different branches of government… the President has DIRECTED all officials and employees of the Executive Department to no longer appear before or attend the above mentioned Senate Blue Ribbon Committee hearings, effective immediately,” batay sa nakasaad sa statement.

“Instead, they shall focus all their time and effort on the implementation of measures to address the current State of Calamity on account of COVID-19, and carrying out their other functions,” dagdag pa ng memo.

Si Department of Health (DOH) Secretary Francisco Duque III at iba pang mga opisyal ay wala Senate hearing ngayong Martes, habang naroon lamang ang customs, internal revenue, at civil service executives ang dumalo sa pagdinig.

Analyst sa ‘substitute candidate’ sa 2022 elections: Marami pang puwedeng mangyari

ni Jasmin Joy Evangelista | October 3, 2021

Inihayag ng isang analyst na marami pang puwedeng mangyari matapos ang paghahain ni Sen. Bong Go ng candidacy sa pagka-bise presidente.

Bago pa ito, inaasahang si Pangulong Rodrigo Duterte ang maghahain ng kaniyang COC sa pagkabise presidente, base sa nominasyon ng PDP-Laban.

Nang tanungin kung posible pa ba ang substitution ngayong taon, gaya noong pagtakbo ni Duterte sa pagkapangulo noong 2016, tingin ni Aries Arugay, political science professor sa University of the Philippines, na pinupulsuhan ng administrasyon ang galaw ng oposisyon na hindi pa nagsasabi ng kanilang kandidato sa ngayon.

“Well, the funny thing is why not [run for] president? So there seems to be ongoing discussions on this. And the thing we have to wait is how forces will align. I do think that PDP-Laban endorsed him [Go] for (presidenty). I think there are things that we are not seeing, and there is a lot of discussion and negotiation and I think PDP and the admin are also trying to think about how opposition candidates are moving. Some opposition candidates have yet to express their willingness to run for presidency," ani Arugay.

“So, I think there's still going to be a lot of changes. So I'm not surprised if there will be a substitution, because we've seen this before and we might likely see this again."

Tingin pa raw ni Arugay, nais ng administrasyon na makakuha ng presidential candidate na kayang sabayan ang lakas ni Go pagdating sa bailiwick at voter base.

Hanggang Nobyembre tumatanggap ng substitution candidates ang Comelec.

Matatandaang naging substitute candidate si Duterte kay Martin Diño sa pagkapresidente noong 2016 elections.