Babala sa LGUs, local execs... Mabilis na pagbabakuna kontra-COVID o sanctions – P-Du30

ni Lolet Abania | November 3, 2021

Nagbabala si Pangulong Rodrigo Duterte sa mga local chief executives na maaari silang mapatawan ng parusa o sanctions kung mabibigong makapag-administer ng COVID-19 vaccines sa kanilang mga nasasakupan sa paraang aniya, “most expeditious manner.”

Ito ang direktiba ni Pangulong Duterte kay Department of Interior and Local Government (DILG) Secretary Eduardo Año, kung saan papanagutin ang mga local government units (LGUs) at local chief executives na makikitang hindi isinasagawa nang maayos ang vaccination rollout ng gobyerno.

“I have also ordered Secretary Año to impose the necessary sanction against LGUs and local chief executives who are not performing nor using the doses given to them in the most expeditious manner. I will hold each and every LGU accountable for this,” ani P-Duterte sa kanyang taped public address na ipinalabas ngayong Miyerkules ng umaga.

Naglabas na rin ang Punong Ehekutibo ng kanyang direktiba sa pulisya at sa militar na gumamit ng air assets, magbigay ng suporta at iba pang resources para sa pagdedeliber ng mga COVID-19 vaccines sa iba pang bahagi ng bansa.

Nababahala naman ang Pangulo sa usapin ng transportasyon ng mga bakuna sa mga regional at provincial level na tila aniya, nagkakaroon ng problema sa pagdadala ng mga COVID-19 vaccines sa partikular na lugar.

Giniit naman ni Pangulong Duterte na target niyang makapagbakuna kontra-COVID-19 ng isang milyong indibidwal kada araw.

“Noon walang bakuna, ngayon ‘yung bakuna nandiyan na. Medyo hindi ako... medyo nakuntento to the sense I have reiterated my instruction to agencies to make sure that local government units will receive their daily jab performance so that our country can reach the target of 1 million jabs or more everyday,” sabi ng Pangulo.

“’Yun ang ano, I have ordered Secretary (Carlito) Galvez, the PNP and the AFP to provide all the necessary support for LGUs particularly in the delivery of vaccines and mobilization of resources,” dagdag pa niya.

Ayon pa sa Pangulo, umabot na sa kabuuang 59.5 milyon doses ng COVID-19 vaccines ang kanilang na-administered.

Sa Nob. 12 P-Du30, dadalo online sa APEC meeting

ni Lolet Abania | November 2, 2021

Nakatakdang dumalo si Pangulong Rodrigo Duterte online sa Asia Pacific Economic Cooperation (APEC) meeting na pangungunahan ng New Zealand sa Nobyembre 12, 2021.

Ayon kay Presidential spokesperson Harry Roque, ang agenda sa magaganap na pulong ngayong taon ay tungkol sa global economic outlook, COVID-19 recovery, at building prosperity.

Kasama sa pagpupulong ang presentasyon ng International Monetary Fund (IMF). Ang Thailand, ang susunod na chair ng APEC, na miyembro ng Association of Southeast Asian Nations katulad ng Pilipinas.

Noong nakaraang taon na APEC meeting, nanawagan si Pangulong Duterte hinggil sa pagpapatatag ng pagsasamahan ng mga bansa aniya, “strengthen partnerships to make [COVID-19] vaccines a global public good.”

Sa ngayon, nasa 27 milyong Pilipino ang fully vaccinated na kontra-COVID-19. Target ng gobyerno na makapagbakuna ng 50% mula sa populasyon ng Pilipinas na 109 milyon bago matapos ang taon at 80% naman hanggang Mayo 9, 2022.

Sa paggunita ng Undas P-Du30: Ipanalangin natin ang isa’t isa

ni Lolet Abania | November 1, 2021

Hiniling ni Pangulong Rodrigo Duterte sa mga Pilipino, kasabay ng paggunita ng All Saints’ Day at All Souls’ Day, na ipanalangin ang isa’t isa sa panahon ng COVID-19 crisis.

“As we follow the example of the saints and pray for our loved ones who have passed on, let us also pray for each other, especially during this pandemic,” ani Pangulong Duterte sa isang mensahe ngayong Lunes.

“We pray for those who have died because of COVID-19 and we also pray for those who have sacrificed life and limb to save more lives and keep us safe,” sabi ng Pangulo.

Ang tinatawag na centuries-old Catholic tradition ng pag-alaala sa ating mga yumaong pamilya aniya, “offers us a time to reflect and be grateful for the gift of life and the promise of eternity.”

“With the grace of the Almighty, I have full trust that we will brave these trying times and emerge as a stronger nation,” saad pa ng Punong Ehekutibo.

Milyun-milyong Katolikong Pilipino ang nakaugalian na ang pagdarasal at pag-aalay ng mga bulaklak para sa mga namayapa nang mahal sa buhay sa mga sementeryo tuwing Araw ng mga Santo at Araw ng mga Patay.

Gayunman, para maiwasan ang panganib ng pagkalat ng COVID-19, ipinasya ng gobyerno na isara ang lahat ng public at private cemeteries, memorial parks, at columbaria mula Oktubre 29 hanggang Nobyembre 2.

Samantala, idineklara ni P-Duterte ang Nobyembre 1 na All Saints’ Day bilang special non-working holiday at ang Nobyembre 2 na All Souls’ Day bilang special working day.