P4.99 B natirang pondo ng Bayanihan 2, para sa next COVID-19 surge — P-Du30

ni Lolet Abania | March 22, 2022

Hiniling ni Pangulong Rodrigo Duterte sa Kongreso na huwag nang galawin ang hindi nagamit na P4.99 bilyon pondo sa ilalim ng Bayanihan to Recover as One Act (Bayanihan 2) dahil maaari itong magamit sakaling magkaroon ng isa pang COVID-19 surge sa Pilipinas.

Sa Talk to the People na ipinalabas ngayong Martes, sinabi ni Pangulong Duterte na ang P4.99 bilyon o 54.96% na nai-release nang budget sa ilalim ng Bayanihan 2, kung saan nananatiling hindi nagamit noong Hunyo 2021 ay naibalik na sa Bureau of the Treasury.

Ayon sa Commission on Audit (COA) report, ang naturang budget ay sinasabing dapat umano aid o tulong para sa mga micro, small, and medium enterprises (MSMEs).

“Sabi ko nga, ‘yung Bayanihan [2], nagtatanong bakit hindi pa naubos, sinauli na sa Treasury,” sabi ni P-Duterte. Binigyan-diin ng Pangulo na ang katulad na mga unused funds ay maaaring magamit sakaling magkaroon ng resurgence o muling pagtaas ng COVID-19 infections sa bansa, kung saan may bagong coronavirus variant na na-detect sa Israel.

“Whether we like it or not, kung totoo ‘yan, it will reach again the shores of our country,” saad ng Punong Ehekutibo. “Sana ‘wag na lang galawin ng Congress. If they want to legislate it, so be it. ‘Wag galawin ‘yan kasi that is in preparation for another surge of another variant.

Nagmu-mutate itong monster na ito at hindi natin malaman kung ano talaga ang katapusan nito. I guess it will be there or here for the longest time,” giit pa ni Pangulong Duterte.

Kamakailan, inihain nina Representatives Carlos Zarate, Eufemia Cullamat, at Ferdinand Gaite ang House Resolution 2519, na naghihimok sa House Committee on Good Government and Public Accountability para magsagawa ng isang inquiry o pagsisiyasat hinggil sa sinasabing P4.99 billion unused Bayanihan 2 funds.

Libreng edukasyon sa mga estudyanteng may disabilities — P-Du30

ni Lolet Abania | March 17, 2022

Ganap nang batas matapos na nilagdaan ni Pangulong Rodrigo Duterte ang isang measure na mag-oobliga sa mga paaralan sa buong bansa ng pagbibigay ng free basic education at katulad na serbisyo sa mga mag-aaral na may disabilities.

Ang Republic Act 11650 o isang Act “Instituting a Policy of Inclusion And Services for Learners with Disabilities in Support of Inclusive Education Act” ay pinirmahan ni Pangulong Duterte noong Marso 11.

“The policy of inclusion is hereby instituted in all early and basic education schools, both public and private. All schools... shall ensure equitable access to quality education to every learner with a disability,” bahagi ng nakasaad sa measure.

Samantala, ang Department of Education (DepEd) ay may mandato na magtatag at magmintina ng tinatayang isa ng tinatawag na Inclusive Learning Resource Center (ILRC) sa lahat ng mga lungsod at munisipalidad.

Nakapaloob din sa naturang batas na ang lahat ng umiiral na Special Education Centers ay kailangang i-convert, at palitan ang pangalan bilang ILRCs. Gayundin, ang mga local government units (LGUs) ay maaari namang magtatag ng satellite ILRCs sa mga paaralan at mga karagdagang pasilidad.

Sa ilalim ng batas, ang ILRCs ay may mandato na ipatupad ang Child Find System na nakasaad, “which seeks to identify, locate, evaluate, and facilitate the inclusion of learners with disabilities of not more than 24-years-old.”

“It is the policy of the State to protect and promote the right of all citizens to quality education at all levels and shall take appropriate steps to make such education accessible to all,” batay pa sa measure.

Mindanao, mapayapa na — P-Du30

ni Lolet Abania | March 13, 2022

Nakamit na rin ng gobyerno ang layong kapayapaan sa Mindanao sa ilalim ng kasalukuyang administrasyon.

Ito ang naging tugon ni Pangulong Duterte sa interview ni Pastor Apollo Quiboloy nitong Sabado, na ayon sa kanya maituturing na mapayapa na ang Mindanao na resulta ng pagsisikap ng gobyerno na maitatag ang Bangsamoro Autonomous Region in Muslim Mindanao (BARMM) at ang deployment ng mga puwersa ng militar para mapanatili ang kapayapaan sa Jolo, Sulu.

“I think we have relatively a peaceful Mindanao, Pastor. The contentious issue in the yesterdays were the BARMM at napagbigyan naman natin si Murad, and dito sa Jolo, in-order-an ko ang Armed Forces to place one division, marami ‘yan. And so medyo nagkalma na,” pahayag ni Pangulong Duterte na aniya pa, wala nang mga insidente ng kidnappings at karahasan sa lugar sa ngayon.

Tinukoy ng Pangulo ang tungkol sa tinatawag na “good rapport” o mabuting ugnayan ng pamahalaan sa mga Moro leaders ng Mindanao. “And I think that just allow them in the governance of our country and give them enough elbowroom to, you know, just govern without interference of armed groups,” ani Pangulo.

“The Moro hatred dahang-dahang nawala sa kanila because gipagbigyan natin sila sa lahat at anong hiningi nila. As a matter of fact, my last -- pinakamarami sa administrasyon ko na maraming mga Moro,” sabi ni Pangulong Duterte, habang binanggit nito ang bago niyang itinalaga na si dating National Commission on Muslim Filipinos (NCMF) Secretary Saidamen Pangarungan bilang Commission on Elections (Comelec) chairman.

“So sinadya ko ‘yan para wala silang masabi that they are being left out. And for the long list of prosecutors and judges, marami akong in-appoint, lady Moro judges at ‘yung mga prosecutors,” sabi ng Pangulo.

“I think that we have achieved militarily the objectives of keeping the peace in Mindanao. God willing, if this will be the -- if the equilibrium nama-maintain, we are trouble-free. I hope -- I hope and I pray of course,” saad pa ng Punong Ehekutibo.