ni Jasmin Joy Evangelista | March 18, 2022
Inanunsiyo ni Mayor Richard Gomez ng Ormoc City, Leyte na hindi magsasagawa ng caravans at motorcades ang kanyang team sa pagsisimula ng campaign period para sa mga kandidato sa local posts simula sa susunod na linggo.
Sa isang pahayag, si Gomez na tumatakbo bilang congressman ng fourth congressional district ng lalawigan ay sinabing ang desisyon nilang huwag magsagawa ng caravan o motorcade ay dahil sa patuloy na pagtaas ng presyo ng petrolyo.
“Let us be considerate. There will be no motorcade since the prices of oil and gasoline are expensive,” aniya.
Sa simula ng kampanya sa March 25, ang grupo ni Gomez ay magpupunta sa mga barangay matapos dumalo sa 3 p.m. Mass.
