Parak sibak, 1 pa suspendido sa kotong

ni Lolet Abania | December 7, 2020

Isang opisyal ng pulisya sa Quezon City ang sinibak sa serbisyo dahil sa kasong grave misconduct habang isa pa ang suspendido ng mahigit isang buwan sa attempted extortion, ayon sa pahayag ng lokal na pamahalaan ng lungsod.

Sa inilabas na advisory ngayong Linggo ng People's Law Enforcement Board (PLEB) ng Quezon City, na-dismiss si PO1 Michael Gragasin sa serbisyo epektibo agad matapos mapatunayang guilty ng grave misconduct sa extortion.

Suspendido naman si PO2 Alex Chocowen nang 51 araw makaraang mapatunayang guilty ng less grave misconduct sa attempted extortion. "In just five months, the reorganized PLEB has made significant contributions to the city. May katapat na ang mga abusadong pulis dito sa lungsod," pahayag ni Mayor Joy Belmonte.

Nagtalaga rin si Belmonte ng mga bagong miyembro ng PLEB habang hinirang si Atty. Rafael Calinisan bilang executive officer.

Ilang lugar sa Metro Manila at Bulacan, pansamantalang mawawalan ng tubig

ni Twincle Esquierdo | December 6, 2020

Nag-anunsiyo ang Maynilad Water Services Inc. na mawawalan ng tubig ang ilang lugar sa Valenzuela, Bulacan at Quezon City.

Ibinaba ng kumpanya ang produksiyon ng tubig sa La Mesa Treatment Plant 2 para maibalik ang nahintong trabaho (anong ibig sabihin ng nahintong trabaho? Nino) dahil sa bagyong Ulysses.

Sa Valenzuela City, magsisimulang mawalan ng tubig mula Disyembre 5 - 7 nang alas-4 ng hapon hanggang alas-6 ng umaga sa: • Brgy. Arkong Bato • Brgy. Balangkas • Brgy. Bisig • Brgy. Coloong • Brgy. Dalandanan • Brgy. Gen T. De Leon • Brgy. Isla • Brgy. Karuhatan • Brgy. Mabolo • Brgy. Malanday • Brgy. Malinta • Brgy. Marulas • Brgy. Maysan • Brgy. Palasan • Brgy. Parada • Brgy. Parancillo Villa • Brgy. Pasolo • Brgy. Poblacion • Brgy. Polo • Brgy. Rincon • Brgy. Tagalag • Brgy. Viente Reales • Brgy. Wawang Pulo • Brgy. Ugong

Samantala, simula Disyembre 5 - 6, alas-10 ng umaga hanggang alas-6 ng gabi sa: • Brgy. Bagbaguin • Brgy. Bignay • Brgy. Gen T. De Leon • Brgy. Lingunan • Brgy. Mapulang Lupa • Brgy. Parada • Brgy. Ugong • Brgy. West Canumay sa Bulacan.

Makararanas ng kawalan ng tubig simula Disyembre 5 - 7, alas-4 ng hapon hanggang alas-6 ng umaga sa Brgy. Catanghalan (Obando Water District), ngunit alas-10 ng umaga – alas-6 ng gabi sa Brgy. Meycauayan Water District (Langka).

Samantala, sa Caloocan City ay simula sa Disyembre 5 - 7 mula alas-4 ng hapon hanggang alas-6 ng umaga. • Barangays 166 to 168

Ngunit, Disyembre 5 – 6, mula alas-10 umaga hanggang alas-10 ng gabi mawawalan ng tubig sa ilang lugar sa: • Brgy. 168 • Brgy. 170 • Brgy. 171 • Brgy. 172 • Brgy. 174 • Brgy. 176 • Brgy. 177 • Brgy. 178

Naiba naman sa Brgy. 165 at Brgy. 166 dahil simula Disyembre 5 – 6, mula alas-10 ng umaga hanggang alas-6 gabi ito mawawalan ng tubig.

Samantala, sa Quezon City, Disyembre 5 – 7, mula alas-4 hanggang alas-6 ng umaga sa: • Brgy. 170 • Brgy. Bagbag • Brgy. Greater Fairview • Brgy. Gulod • Brgy. Nagkaisang-Nayon (Damong Maliit, Influence, Fb Influence, Jordan Heights, Queensland, Sitio Dormitory, Villa Nova) • Brgy. North Fairview • Brgy. San Bartolome • Brgy. Sauyo • Brgy. Sta. Lucia • Brgy. Sta. Monica (Palmera IV) • Brgy. Talipapa • Brgy. Kaligayahan • Brgy. Greater Lagro • Brgy. San Agustin Ngunit, Disyembre 5 – 6, mula alas-10 ng umaga hanggang alas-6 ng gabi mawawalan ng tubig ang mga lugar sa: • Brgy. Holy Spirit • Brgy. Payatas • Brgy. Nagkaisang-Nayon • Brgy. Nova Proper • Brgy. San Agustin (Susano-Gen. Luis) • Brgy. Sta. Monica (Jordan Plaines 1&2, Susano-Gen. Luis)

Ngunit, Disyembre 5 – 6, mula alas-10 ng umaga hanggang alas-10 ng gabi mawawalan ng tubig ang mga lugar sa: • Brgy. 172 • Brgy. Kaligayan • Brgy. Pasong Putik

Kapag naibalik na ang supply ng tubig, asahan na malabo ito ngunit unti-unti naman ding lilinaw. “Kapag bumalik na ang supply sa inyong lugar, posible ang pansamantalang discoloration o paglabo ng tubig. Padaluyin ito ng panandalian hanggang sa luminaw,” sabi ng Maynilad.

Curfew time sa Quezon City, pinaikli para sa Simbang Gabi

ni Twincle Esquierdo | December 6, 2020

Pinaikli ng Quezon City government ang oras ng curfew pagsapit ng Disyembre 16, 2020 na mula alas-12 ng hatinggabi hanggang alas-3 ng madaling-araw upang maisagawa ang tradisyonal na Simbang Gabi.

Gayunman, ipinaliwanag ng QC government na kailangan pa rin nilang sumunod sa quarantine protocol na ipinatutupad ng Inter-Agency Task Force (IATF) at ng Metro Manila Council (MMC). “Bahagi na ng pagdiriwang ng Kapaskuhan at ng ating kultura ang Simbang Gabi kaya kahit may pandemya, nais nating panatilihing buhay ang diwa nito,” sabi ni QC Mayor Joy Belmonte.

Binigyang-diin din ni Belmonte na ang mga dadalo sa Simbang Gabi ay hindi dapat lumagpas sa 30-porsiyentong kapasidad ng isang venue at ang pagsunod sa mga minimum protocol tulad ng physical distancing, pagsuot ng face mask at face shield.

“Hindi natin dapat kalimutan na mayroon pa ring pandemya at kailangan tayong mag-ingat upang maiwasan ang pagkalat ng virus,” dagdag pa nito. Ipinagbabawal din ang pag-caroling at hinimok ang mga pamilya na limitahan ang bilang ng mga magdiriwang ng Pasko at Bagong Taon.

Hindi rin pinapayagan na magtipon ang mahigit 10 katao. Bagama't pinapayagan naman ang edad 15 hanggang 65 na lumabas ng bahay, dapat ay may dalang company, school o government-issued ID.

Gayunman, pinapayagan nang lumabas ang 14-anyos pababa kung may kinakailangang bilhin o may importanteng lakad tulad ng medical o dental appointments kasama ang kanilang magulang o guardian.

Pinahihintulutan naman ang mga business meetings, government services, or humanitarian services. Ang mga outdoor o indoor venues para sa special events tulad ng mga restaurants, hotel ballrooms o function rooms at mall atriums ay maaari lamang gamitin kung may kinalaman sa trabaho o commercial purposes, ngunit mahigpit pa ring ipinatutupad ang social distancing.

Kinakailangan namang kumuha ng special permit from the Business Permits and Licensing Department (BPLD) ang mga gustong mag-trade show at bazaar. "Whenever feasible, gatherings should use open-air venues or naturally ventilated indoor venues," sabi pa ni Belmonte.

Gaganapin naman ang fireworks display sa Quezon Memorial Circle at Eastwood na mapapanood online para hindi na kailangang lumabas pa ng mga tao.