Mga klase, suspendido dahil sa tigil-pasada

ni Eli San Miguel - Trainee @News | November 19, 2023

Ilan sa mga paaralan at local government units (LGUs) ang nagpatupad ng suspensiyon ng physical classes dahil sa transport strike na magsisimula sa Lunes, Nobyembre 20.

Inanunsiyo ng transport group na PISTON noong Nobyembre 15, ang tatlong araw na tigil-pasada isang buwan bago ang takdang deadline na Disyembre 31 para pagtibayin ang pagbabago ng mga Public Utility Vehicle (PUV).

Narito ang listahan ng mga LGUs at paaralan na nagkansela ng mga klase:

Local Government Units

•Pampanga: suspension of in-person classes in all levels of public and private schools.

•Cabuyao, Laguna: suspension of in-person classes in all levels to shift to asynchronous (modular or online) classes

•Calamba, Laguna: suspension of in-person classes in all levels, public and private schools to shift to online learning.

•Camalig, Albay: suspension of in-person classes of public and private schools at all levels

Universities

•Adamson University: Synchronous online classes at all levels to be conducted.

•Arellano University: No in-person classes in all levels and branches from November 20 to 22.

•Ateneo de Manila University: Undergraduate and graduate classes in the Schools of Education and Learning Design, Humanities, Management, Science and Engineering, and Social Sciences to hold online classes for the duration of the strike scheduled from Nov. 20 to 23. However, classes are to resume once the strike ends according to Ateneo’s student publication “The Guidon.”

•De La Salle University-Manila campus: Classes in all levels to shift online from November 20 to 22.

•De La Salle University-Laguna: In-person classes in all levels from preschool to college to shift online from November 20 to 22.

•Far Eastern University - Manila and Makati: Online classes will be conducted.

•FEU High School: Synchronous online classes are also to be conducted.

•Mapua University: Synchronous online classes are to be conducted for all levels.

•Miriam College - Loyola Heights: Basic Education Unit, Skills Development and Technical Education Center, and Higher Education Unit will shift to online classes from November 20 to 21.

•Pamantasan ng Lungsod ng Maynila: To shift to synchronous online classes from November 20 to 22.

•Pamantasan ng Lungsod ng Marikina: All classes are to shift to asynchronous mode from November 20 to 22.

•Polytechnic University of the Philippines: All campuses will shift to online mode of classes from November 20 to 22.

•University of the East - Manila and Caloocan Campus: Classes in all levels for November 20 and 21 will be delivered in online asynchronous mode.

•University of the Philippines-Diliman: Classes to shift to remote or asynchronous learning modes from November 20 to 22.

•University of the Philippines-Manila: Classes to shift to online mode on November 20.

•University of the Philippines-Los Baños: Classes shall be delivered via remote or asynchronous mode.

•University of Santo Tomas: Classes and office work will shift to the “enriched virtual mode” and remote arrangements.

P6K fuel subsidy sa PUVs, tuloy

ni Mai Ancheta @News | August 4, 2023

Pinanatili ng Department of Budget and Management (DBM) ang alokasyon ng fuel subsidy para sa transport at agriculture sector sa susunod na taon.

Ayon kay Budget Sec. Amenah Pangandaman, pinaglaanan ng P2.5 bilyong pondo ang subsidiya para sa nabanggit na sektor sa isinumiteng 2024 National Expenditure Program sa Kongreso.

Ang P 2.5B ay magiging tulong ng gobyerno sa mga tsuper at operator ng public utility vehicles (PUVs) na ilalagay sa pangangasiwa ng Department of Transportation (DOTr).

Hindi aniya binago ang halaga ng subsidiya kagaya ng pondo ngayong 2023.

Sa ilalim ng programa, binibigyan ng gobyerno ng P6,000 na halaga ng fuel vouchers ang mga kwalipikadong tsuper at operator ng PUV at iba pang delivery service upang maibsan ang pasanin sa epekto ng mataas na presyo ng produktong petrolyo.

PUV, bantay-sarado sa overloading, overcharging at colorum

ni Jeff Tumbado | April 6, 2023

Nagbabala ang Land Transportation Franchising and Regulatory Board (LTFRB) sa mga operator at tsuper ng mga Public Utility Vehicle (PUV) na sundin ang mga umiiral na batas laban sa overloading, overcharging, at colorum upang hindi mapatawan ng mabigat na parusa at multa.

Ang babala na ito ni LTFRB Chairman Teofilo Guadiz III ay kasabay ng pagdagsa ng mga pasahero sa mga terminal ngayong Semana Santa.

Ayon kay Chairman Guadiz, kailangang mag-ingat ang mga pasahero sa mga kumpanya ng pampubliko at pampribadong sasakyan na maaaring manamantala sa gitna ng Semana Santa lalo’t sa mga panahon na ito, mayroong mga operator o tsuper na nagsasakay ng mga pasahero na labis sa kaya nilang bigyan ng serbisyo.

Ipinaalala rin na ipinagbabawal sa mga pampublikong transportasyon ang overloading dahil mapanganib ito sa buhay ng mga tsuper, konduktor, at lalo na ng mga pasahero.

Binigyang-diin din ang ilang napaulat na transport company na naniningil ng sobrang pasahe. Ayon kay Guadiz, kinakailangang sundin ng mga transport company ang inilabas na fare matrix ng LTFRB upang hindi mapatawan ang mga ito ng mabigat na multa o parusa.

Kabilang din sa mga ipinagbabawal sa batas ang ilang pribadong sasakyan na pumapasada bilang “for hire” nang walang kaukulang permiso mula sa LTFRB.

Bukod pa rito ang mga kolorum o mga PUV na pumapasada sa labas ng kanilang aprubadong ruta at mga pampublikong sasakyan na bumibiyahe nang hindi awtorisado tulad ng mga tourist bus na pumapasada bilang PUB o mga PUV na suspendido, kanselado, o wala nang bisa ang Certificate of Public Convenience (CPC).

Kung mapapatunayang lumabag sa batas laban sa overloading, multang P1,000 para sa tsuper at P5,000 sa operator ang ipapataw para sa unang paglabag, P1,000 na multa naman para sa tsuper at P10,000 para sa operator at pagbatak sa sasakyan sa loob ng 30 araw ang ipapataw para sa ikalawang paglabag. Habang P1,000 na multa sa tsuper at P15,000 sa operator kasabay ng pagkansela sa CPC nito ang ipapataw para sa ikatlong paglabag.

Para sa mga PUB na mapapatunayang sobra o kulang ang paniningil, multa na P5,000 ang ipapataw sa unang paglabag, P10,000 multa at pagbatak ng sasakyan sa loob ng 30 araw para sa ikalawang paglabag, at P15,000 na multa naman kasabay ng pagkansela ng CPC para sa ikatlong paglabag.

Kung ang sasakyan naman ay mapapatunayang kolorum, maging bus, truck, jeep, van, sedan, o motorsiklo man ito, multa na aabot sa P1 milyon, P200K, P50K, P200K, P120K, at P6K ang ipapataw depende sa paglabag. Kasabay nito ang pagbatak sa sasakyan sa loob ng 3 buwan para sa unang paglabag. Kabilang din sa ipapataw na parusa ang pagbawi sa CPC at rehistro at pag-blacklist sa nahuling sasakyan.

Para naman sa ikalawang paglabag, babawiin ang lahat ng CPC o ang buong fleet ng operator at hindi na rin bibigyan ng pagkakataon ang operator, stockholder, at director na gumamit ng anumang uri ng pampublikong sasakyan para sa operasyon nito.

Ituturing din na “blacklisted” at babawiin ang rehistro ng lahat ng awtorisadong unit ng naturang operator.