Kilos-protesta, tuloy… P5B kulang sa allowance ng 120K healthcare workers, 'di pa ibinibigay

ni Lolet Abania | September 1, 2021

Ipinahayag ni Department of Health Undersecretary Leopoldo Vega na tinatayang nasa 120,000 healthcare workers pa ang hindi pa rin nakakatanggap ng kanilang special risk allowance (SRAs).

“We have given [the SRA to] almost 379,000 [healthcare workers] and 20,000 plus, so we are actually just looking at 100,000 plus healthcare workers where we are going to give the SRA,” ani Vega.

Sa isang interview ngayong Miyerkules, sinabi ni Vega na ang bilang ng mga inaasahang eligible na healthcare workers na makakatanggap ng kanilang SRAs na isinumite ng DOH sa Congress ay 526,000. “We are slowly moving towards it. That’s roughly about 76 or 78 percent of the healthcare workers totality in terms of the frontliners,” dagdag ng kalihim.

Ayon kay Vega, sinimulan ng DOH na mag-distribute ng SRAs noong Hunyo, kung saan halos 379,000 healthcare workers mula sa public at private hospitals ang nakatanggap na ng first batch ng SRAs.

Samantala, sa budget briefing sa House of Representatives ngayon ding Miyerkules, ayon kay DOH Director Larry Cruz, mahigit sa P308 milyon mula sa karagdagang P311 million funds na ini-release para sa SRA ng mga health workers ang na-disburse na.

“Out of the P311 million, P308,181,207 was disbursed to various health facilities, which include private and LGUs (local government units),” paliwanag ni Cruz sa mga mambabatas sa House Committee on Health briefing ng DOH para sa panukalang P242.22-bilyon budget sa 2022 ng ahensiya.

Sinabi pa ni Cruz na sa naturang bilang, tinatayang nasa P111 milyon ang nakuha ng mga healthcare facilities, kung saan nasa kabuuang 1,264 health workers ang nakatanggap naman ng kanilang SRAs.

“That’s 20% of the total 20,000. ‘Yun po ang status po,” sabi ni Cruz.

Naglabas na ang national government ng additional funds para sa SRAs ng mga health workers sa gitna ng mga panawagan mula sa medical groups para sa pagbibigay ng kanilang allowances at benepisyo.

Maraming grupo ng mga health workers ang nagreklamo hinggil sa hindi pagbibigay ng kanilang SRA at pag-aalis ng iba pa nilang benepisyo gaya ng meal at transportation allowances sa kabila ng patuloy na pakikipaglaban nila sa COVID-19 pandemic.

Dahil dito, isinagawa na ngayong Miyerkules ng mga health workers ang kanilang kilos-protesta hinggil sa hindi pa rin pagbibigay ng kanilang mga benepisyo. Samantala, tinanong naman ni Marikina 2nd District Rep. Stella Quimbo sa budget briefing ng ahensiya sa House Committee on Health kanina ang tungkol sa estado ng SRA ng mga healthcare workers.

Ipinaliwanag ni DOH Secretary Francisco Duque III na ang budget para sa SRA ay itutuloy sa ilalim ng proposed Bayanihan 3 bill, na inaprubahan na ng House of Representatives subalit nananatiling nakabinbin sa Senado.

Sa paliwanag ni Cruz sa briefing, ipinunto ni Quimbo na marami pa ring healthcare workers ang hindi nababayaran para sa kanilang allowances. Giit ni Quimbo, ang expired Bayanihan 2 ay naglaan ng P13.5 billion para sa allowances, na ibig sabihin, ang P311 million na nai-release ng Department of Budget and Management noong nakaraang linggo ay hindi sasapat para sa mga healthcare workers.

Ayon pa kay Quimbo, ang mga healthcare workers ay dapat na makatanggap ng average P34,000 bawat isa ng special risk allowances, kung saan aniya, mayroong tinatawag na funding shortfall ng P5 bilyon.

40 health workers ng St. Luke’s sa QC, nag-rally

ni Lolet Abania | August 30, 2021

Nagsagawa ng kilos-protesta ang maraming health workers mula sa St. Luke’s Medical Center (SLMC) sa Quezon City ngayong Lunes nang umaga dahil sa hindi pa pagbibigay ng kanilang COVID-19 benefits.

Tinatayang nasa 40 healthcare workers ang nagtipun-tipon sa labas ng SLMC sa Quezon City para hingin na ibigay na ang kanilang special risk allowance (SRA) at meal, accommodation, and transportation (MAT) allowance.

“Ang pakiusap namin sa publiko, humihingi kami ng suporta sa lahat kasi ‘yung ipinaglalaban namin dito, kapakanan din ng publiko,” ani SLMC QC Employees Association president Jao Clumia.

“‘Pag nawala na ‘yung ating mga healthcare workers, lalo na ‘yung mga nurses sa loob ng ospital… hindi kayo makakatapak diyan sa ER (emergency room), mamamatay kayo dahil wala na nga po, punuan na tayo,” dagdag niya.

Inaasahan din umano na ang mga health workers mula naman sa University of Santo Tomas (UST) Hospital at Lourdes Hospital ay magsasagawa rin ng katulad na protesta dahil sa hindi pagre-release ng kanilang benepisyo ngayong Lunes.

40 patay sa rally sa Myanmar

ni Mary Gutierrez Almirañez | March 4, 2021

Patay ang mahigit 40 katao sa isinagawang magkakahiwalay na kilos protesta sa Myanmar kahapon, Marso 3. Batay sa ulat, walo ang namatay noong umaga at 7 ang nadagdag kinahapunan sa Yangon City.

Habang sa bayan ng Monywa ay 6 ang pinatay at ang iba ay natagpuan ang bangkay sa mga bayan ng Mandalay City, Hpakant, at Myingyan.

Kabilang sa mga namatay ang 3 bata at isang 14-anyos na lalaking napadaan lamang umano sa convoy ng military truck.

Ayon kay United Nations Special Envoy Christine Schraner Burgener, “Today it was the bloodiest day since the coup happened on the 1st of February. We had today — only today — 38 people died. We have now more than over 50 people died since the coup started, and many are wounded.”

Naganap ang pinakamadugong protesta matapos manawagan ang Association of South East Asian Nation (ASEAN) upang palayain ang lider ng Myanmar na si Suu Kyi at ibalik ang demokrasya sa bansa.

Nagpahayag na rin ng pakikidalamhati si Pope Francis sa kanyang Twitter post, “Sad news of bloody clashes and loss of life… I appeal to the authorities involved that dialogue may prevail over repression.”

Iginiit naman ng European Union ang naging paglabag ng mga militar sa international law. Anila, “There must be accountability and a return to democracy in Myanmar.”