Pope Francis idineklara ang Ash Wednesday bilang “Day of Fasting for Peace”

ni Jasmin Joy Evangelista | February 24, 2022

Inihayag ni Pope Francis na masakit sa kanyang damdamin ang nagaganap na kaguluhan sa Ukraine.

“Despite the diplomatic efforts of the last few weeks,” ayon kay Pope Francis, “increasingly alarming scenarios are opening up.”

Ipinagdasal din niya na “all the parties involved refrain from any action that would cause even more suffering to the people, destabilizing coexistence between nations and bringing international law into disrepute.”

Kasunod nito ay idineklara niya ang Ash Wednesday sa Marso 2 bilang “Day of Fasting for Peace”.

“I encourage believers in a special way to dedicate themselves intensely to prayer and fasting on that day. May the Queen of Peace preserve the world from the madness of war,” aniya.

Msgr. Arnaldo Catalan, itinalagang Rwanda envoy ni Pope Francis – CBCP

ni Lolet Abania | February 1, 2022

Itinalaga ni Pope Francis ang isang pari mula sa Archdiocese ng Manila bilang kanyang representative sa Rwanda, ayon sa isang report na nai-post sa website ng Catholic Bishops’ Conference of the Philippines (CBCP).

Si Monsignor Arnaldo Catalan, 55, ay naglingkod sa Diplomatic Service of the Holy See sa loob ng nakalipas na 20 taon at nagsilbi bilang Chargé d’affaires ng Apostolic Nunciature sa China mula pa noong 2019.

Ang appointment ni Msgr. Catalan bilang bagong Apostolic Nuncio to Rwanda ay ipinahayag sa publiko nitong Lunes, Enero 31 at nai-publish din ng Holy See Press Office.

Labis naman ang pasasalamat ni Manila Archbishop Jose Cardinal Advincula kay Pope Francis dahil sa aniya, “gift and honor and considers the appointment of Archbishop-elect Catalan as historic being the first priest of the Archdiocese of Manila to become a Nuncio.”

“He greets the new archbishop in the name of the clergy, religious men and women, and the laity of the Archdiocese and assures him of their support and prayers as he takes on this new mission,” dagdag ni Cardinal Advincula.

Pinalitan ni Msgr. Catalan si Archbishop Andrzej Józwowicz na nai-tranfer sa Iran noong Hunyo 2021.

Si Fr. Catalan ay na-ordain sa priesthood noong Marso 1994 at pumasok sa Holy See Diplomatic Service noong Hulyo 2001. Mula noon, nagsilbi na siya sa Apostolic Nunciatures sa Zambia, India, Kuwait, Turkey, Argentina, Canada, at sa Pilipinas.

Sa ngayon, wala pang nakuhang detalye hinggil naman sa episcopal ordination ni Msgr. Catalan.

Pope Francis sa mga magulang: ‘Suportahan ang inyong anak kung sila ay bakla’

ni Jasmin Joy Evangelista | January 27, 2022

Inihayag ni Pope Francis nitong Miyerkules na hindi dapat kondenahin bagkus ay suportahan ng mga magulang ang kanilang anak na bakla.

Ito ay kanyang sinabi sa kanyang weekly audience hinggil sa mga hamon na kinahaharap ng mga magulang sa pagpapalaki ng anak.

Kabilang umano sa mga isyung ito ay “parents who see different sexual orientations in their children and how to handle this, how to accompany their children, and not hide behind an attitude of condemnation,” ani Francis.

Sinabi rin ng Santo Papa na karapatan ng mga bakla na sila ay tanggapin ng kanilang pamilya bilang anak at kapatid.

Sinabi rin niya na hindi man masuportahan ng Simbahan ang same-sex marriage ay suportado naman nito ang civil union laws na nagbibigay ng joint rights sa gay partners sa mga pensions at health care at inheritance issues.

Noong nakaraang taon, ang doctrinal office ng Vatican ay nag-isyu ng dokumentong nagsasabi na ang mga Catholic priests ay hindi puwedeng mag-bless ng same-sex unions, na siyang inalmahan ng gay Catholics.