7 kadete ng PNPA, kinasuhan sa hazing

ni Jeff Tumbado @News | April 23, 2026

Photo: File / PNPA

Sinampahan ng kasong kriminal sa Office of the Provincial Prosecutor sa Imus, Cavite ang pitong kadete ng Philippine National Police Academy (PNPA) kaugnay sa hazing sa 22 underclassmen.

Inihain ng Criminal Investigation and Detection Group (CIDG) ang reklamo para sa paglabag sa Republic Act No. 11053 o ang Anti-Hazing Act of 2018.

Kabilang sa mga pinangalanang respondents ang mga third-class cadets na sina Harold Locop Heje, Lance Elroy Guinitaran Gayramon, Mhicco Legarda Escalante, Renz

Matthew Abuhan Cutab, at Renald Perfecto Brunio.

Tinukoy din ang dalawang second-class cadets na sina James Baldazan Bandao at Christopher Fernandez Dayag bilang mga sangkot sa kaso.

Kinasuhan din si Maj. Mark Anthony T. Cailing, na nagsilbing Tactical Officer of the Day nang mangyari ang insidente, gayundin si Senior Master Sgt. Silverio M. Dolorfino, Jr., na kanyang kasamang Tactical Police Non-Commissioned Officer.

Patuloy ang imbestigasyon sa insidente habang hinihintay ang resolusyon ng piskalya hinggil sa isinampang reklamo.

6 pulis, sibak sa kickback

ni BRT @News | April 22, 2026

Photo: File / PNP

Anim na tauhan ng Philippine National Police-Training Service (PNP-TS) sa Cordillera ang tinanggal sa puwesto matapos masangkot sa umano’y “barracks rental kickback scheme”.

Ito ang inanunsyo ni PNP Training Service Director, PBGen. Rolindo Suguilon sa pulong balitaan sa Kampo Crame, matapos mag-viral ang post sa social media noong Abril 19.

Nabatid na ginagawa umano ang kickback scheme sa Regional Special Training Units para sa 6-Month Field Training Program Immersion phase ng Police Trainees.

Tinataasan umano ng mga pulis ang rental rates o pinapatawan ng P500 mark-up per month ang trainees.

Patuloy ang imbestigasyon sa natu­rang alegasyon.

Francis Leo Marcos, tatalupan sa police uniform — PNP

by BRT @News | February 12, 2026

Photo: Francis Leo Marcos / NAPOLCOM-PNP / Circulated

Pinag-aaralan ng Philippine National Police (PNP) ang pagsasampa ng mga reklamo laban sa vlogger na si Norman Mangusin, alyas “Francis Leo Marcos.”

Ito ay matapos mag-viral ang litrato nito sa social media na nakasuot ng uniporme ng PNP.

Ayon kay PNP Spokesperson PBGen. Randulf Tuaño, maaaring maharap sa kasong usurpation of authority at illegal use of uniforms or insignia si Mangusin na maaaring magresulta sa pagkakakulong.

Bukod dito, mayroon ding video kung saan nagmumura at naghahamon siya ng suntukan kay PRO2 Director PBGen. Antonio Marallag, Jr.