Uwian sa probinsiya para sa Pasko, nagsimula na

ni Jasmin Joy Evangelista | December 18, 2021

Nagsimula nang mag-uwian ang ilang pasahero sa kani-kanilang probinsiya isang linggo bago ang Pasko.

Nagpaalala naman ang pamunuan ng ilang bus terminal na alamin muna ang mga requirement sa pupuntahang probinsiya bago bumili ng ticket.

Sa mga pupunta sa Laoag, kailangan ang barangay acceptance at vaccination card.

Sa Tuguegarao, vaccination card at S-pass.

Kung ikaw naman ay bibiyahe at hindi fully vaccinated ay kailangan ang negative antigen result.

Sa Batangas, kailangan din ang S-pass para mabilis na makuha ng PNP ang impormasyon ng mga turista o mga indibidwal na you papasok sa lalawigan.

Nilinaw naman ng PNP na makakapasok pa rin ang mga walang S-pass basta magpakita ng mga dokumento tulad ng vaccination card.

Samantala, puspusan na ang paghahanda ng DPWH sa inaasahang pagdagsa ng mga motoristang pauwi sa probinsiya habang papalapit ang Pasko.

Baril, aksidenteng pumutok... Police instructor at trainee, nadale

ni Lolet Abania | December 8, 2021

Sugatan ang isang police instructor at kanyang trainee matapos ang umano’y naganap na ‘accidental’ firing sa Aringay, La Union, kahapon.

Sa isang statement ng Philippine National Police ngayong Miyerkules, kinilala ang instructor na si Police Corporal Benie Dupayat, 32, at ang kanyang trainee na si Patrolman John Conrad Villanueva, 23.

Nasa Regional Training Center-1 ang grupo na habang dine-demonstrate ni Dupayat sa mga trainees ang operating functions ng isang caliber 45 pistol, nang ang naturang demo gun ay mag-malfunction at biglang pumutok.

Isang slug cut ang dumale sa palad ni Dupayat, habang tinamaan naman si Villanueva.

Agad na isinugod sa Caba District Hospital para gamutin ang dalawang biktima. Agad namang ni-review ni PNP chief Police General Dionardo Carlos, ang polisiya hinggil sa kanilang weapons training para maiwasan na ang ganitong insidente sa mga isasagawa pang police training courses lalo na sa kanilang live fire exercises.

“If accidents like this can happen in training even under controlled conditions, it is likely to happen anytime during the course of normal police functions involving firearms and live ammunition,” paliwanag ni Carlos.

“We remind our instructors to ensure safety at all times, in this case, foremost, no loaded firearms and live ammunition inside the classroom even for training purposes,” dagdag pa ng opisyal.

Pekeng pulis, arestado sa Cavite

ni Jasmin Joy Evangelista | December 6, 2021

Arestado ang isang lalaki matapos mahuling nagpapanggao na pulis sa Imus, Cavite.

Nahuli si Leo Mendoza matapos magsumbong ang isang concerned citizen na may lalaking nagpaputok ng baril ng 3 beses sa kanilang lugar. 

Nakuhanan pa si Mendoza ng kumpletong police uniform at baril.

Pagdating ng mga pulis, nagpakilala ang suspek na isa siyang pulis na may ranggong SPO2 pero batay sa imbestigasyon ng pulisya ay wala ang pangalan ng suspek sa Personnel Accounting Information System ng PNP.

May pangalan pa ng suspek ang uniform na may patch ng Manila Police District.

Nakuhanan din ito ng kalibre 45 baril at mga ID pa na nakasuot siya ng police uniform.

Nahaharap si Mendoza sa maraming kaso kabilang na ang paglabag sa Comprehensive Firearms and Ammunition Act, Illegal Use of Insignias at Usurpation of Authority.