Bukidnon, niyanig ng magnitude 5.7 na lindol

ni Ronalyn Seminiano Reonico | June 15, 2021

Niyanig ng magnitude 3.6 na lindol ang Kadingilan, Bukidnon ngayong Martes, alas-10:12 AM, ayon sa PHIVOLCS.

Niyanig din ang nasabing lugar ng magnitude 5.7 kagabi, June 14, alas-10:38, at ayon sa PHILVOLCS, nasa 3 kilometro ang lalim nito.

Naitala rin ang Intensity VI sa Kadingilan; Intensity V sa Damulog at Don Carlos, Bukidnon; Wao, Lanao del Sur; Intensity IV sa Kalilangan, Kitaotao, Pangantucan, Kibawe, Maramag, Quezon, Libona at Talakag, Bukidnon; Cotabato City; Marawi City; Marantao, Lanao del Sur; City of Iligan; Cagayan de Oro City; Banisilan at Pikit, Cotabato; Intensity III sa Malaybalay, Baungon, Cabanglasan, Impasug-ong, Malitbog, San Fernando, Lantapan, and Manolo Fortich, Bukidnon; City of El Salvador, Misamis Oriental; Pagadian City; Davao City

Intensity II - Arakan and M'lang, Cotabato; Kidapawan City; Dipolog City; Datu Piang, Maguindanao; City of Bayugan, Agusan del Sur; Opol, Misamis Oriental; Monkayo, Davao de Oro; at ang Intensity I sa Mambajao, Camiguin; Butuan City.

Gayundin ang Instrumental Intensities na Intensity III sa Cagayan De Oro City at Gingoog City, Misamis Oriental; Kidapawan City; at Intensity II sa Koronadal City, South Cotabato.

Taal, nagbuga ng sulfur dioxide, mga residente, nangati ang lalamunan

ni Ronalyn Seminiano Reonico | June 13, 2021

Naapektuhan ang mga pananim sa ilang barangay sa Batangas matapos maitala ng Philippine Institute of Volcanology and Seismology (PHIVOLCS) ang mataas na lebel ng sulfur dioxide sa Bulkang Taal.

Ayon sa PHIVOLCS, natuyo ang mga pananim sa Barangay Banyaga, Bilibinwang at Subic Ilaya. Nakaranas din umano ng pangangati ng lalamunan ang mga residente ng nasabing mga barangay dahil sa ibinubugang sulfur dioxide ng Bulkang Taal.

Sa latest Taal Volcano Bulletin ng PHIVOLCS, wala naman umanong na-detect na volcanic earthquake sa nakalipas na 24 oras ngunit naitala rin ng ahensiya ang sulfur dioxide emission na 2,009 tonnes/day noong June 12 na senyales ng patuloy na paggalaw ng magma.

Nananatiling nakataas sa Alert Level 2 ang Taal Volcano at paalala ng PHIVOLCS sa publiko, sa naturang alert level, possible ang biglang pagbuga nito ng steam o gas-driven explosions, volcanic earthquakes at minor ashfall. Ipinagbabawal din ng PHIVOLCS ang pagpunta sa Taal Volcano Island, Taal’s Permanent Danger Zone (PDZ), lalo na sa lugar malapit sa main crater nito.

5.8 magnitude na lindol sa Occidental Mindoro, ramdam din sa Manila

ni Mary Gutierrez Almirañez | May 12, 2021

Niyanig ng magnitude 5.8 na lindol ang Abra De Ilog, Occidental Mindoro, batay sa tala ng Philippine Institute of Volcanology and Seismology (PHIVOLCS) ngayong araw, May 12.

Ayon sa ulat, pasado 9:09 ng umaga nang maramdaman ang pagyanig sa episentro ng Abra De Ilog, bandang 13.55°N, 120.73°E - 011 km N 01° E.

Paliwanag pa ni PHIVOLCS Director Renato Solidum, naramdaman din ang lakas ng lindol sa ilang bahagi ng Metro Manila, Rizal at Cavite.

Aniya, “Dahil malalim ang lindol, marami ang makararamdam nito pero hindi naman damaging… Kung sakali, ‘yung magnitude 5.8 ay mababaw, like less than 10 kilometers, posible na po tayong makakita ng damage kasi ‘yung enerhiya ng lindol, hindi nabawasan masyado."

Sa ngayon ay wala namang iniulat na nasugatang sibilyan at napinsalang establisimyento.

Nananatili ring nakaantabay ang mga awtoridad sa posibleng aftershocks.