36 volcanic quakes, naitala sa Bulkang Taal – Phivolcs

ni Lolet Abania | April 2, 2022

Nakapagtala ng 36 volcanic earthquakes o mga pagyanig ang Bulkang Taal sa Batangas sa nakalipas na 24-oras, ayon sa Philippine Institute of Volcanology and Seismology (Phivolcs) ngayong Sabado.

Sa kanilang bulletin na inisyu ng umaga ng Sabado, sinabi ng Phivolcs na may upwelling o namumuo ring mainit na volcanic fluids sa main crater lake, kung saan nagdulot ito ng mga plumes na tumaas ng nasa 900 metro bago ito nag-drift o dumaloy pa-timog-kanluran.

Ayon sa Phivolcs, nagbuga rin ang bulkan ng average na 2,451 tonnes nito lamang Biyernes.

Nananatili namang nasa Alert Level 3 (magmatic unrest) ang naturang lugar.

“This means that there is a magmatic intrusion at the Main Crater that may further drive succeeding eruptions,” paliwanag ng PHIVOLCS.

Giit ng ahensiya, dapat ding lumikas sa Taal Volcano Island – isang permanent danger zone -- at mga Barangays Bilibinwang at Banyaga sa Agoncillo, at Boso-boso, Gulod at eastern Bugaan East sa Laurel sa Batangas, na anila, “due to the possible hazards of pyroclastic density currents and volcanic tsunami should stronger eruptions subsequently occur.”

“All activities on Taal Lake should not be allowed at this time,” pahayag pa ng PHIVOLCS.

Pinapayuhan din ang mga lakeshore communities o mga residenteng malapit sa baybayin ng lawa na maging mapagmatyag, at magsagawa ng nararapat na pag-iingat laban sa posibleng airborne ash at vog, at maghanda rin para sa paglikas sakaling ang bulkan ay magpakita ng mga senyales ng tinatawag na intensified unrest.

Nagbabala rin ang PHIVOLCS na ang pagpapalipad ng mga aircraft sa paligid ng Taal Volcano Island ay delikado.

Magnitude 5.0 na lindol yumanig sa Surigao del Norte

ni Jasmin Joy Evangelista | April 1, 2022

Niyanig ng magnitude 5.0 na lindol ang General Luna sa Surigao del Norte ngayong Biyernes, ayon sa Philippine Institute of Volcanology and Seismology (PHIVOLCS).

Ang naturang lindol ay tectonic in origin at naganap bandang 9:35 a.m.

Ang epicenter nito ay 09.88°N, 126.89°E - 060 km N 81° east ng General Luna at may lalim na 015 kilometers.

Naramdaman ang Intensity II sa General Luna, at Dapa, Surigao del Norte.

Ayon sa PHIVOLCS, walang naitalang pinsala ngunit posible umanong magkaroon ng aftershocks.

Phivolcs nakapagtala ng phreatomagmatic burst sa Taal main crater ngayong umaga

ni Jasmin Joy Evangelista | March 31, 2022

Nakapagtala ng phreatomagmatic burst sa main crater ng Taal Volcano ngayong Huwebes ng umaga, ayon sa Philippine Institute of Volcanology and Seismology (Phivolcs).

Naitala ang aktibidad bandang 10:39 a.m., ayon sa Phivolcs, na nag-post ng video ng sandalling pagsabog ng bulkan sa Facebook page nito.

Ang Phreatomagmatic activity ay nagaganap kapag ang magma mula sa ilalim ng earth’s surface ay nag-interact sa tubig.

Nananatili sa Alert Level 3 o “magmatic unrest” ang Bulkang Taal.

“This means that there is a magmatic intrusion at the Main Crater that may further drive succeeding eruptions,” ayon sa advisory ng Phivolcs ngayong araw.

Mahigpit na itinagubilin ng Phivolcs ang paglikas ng mga residente sa Taal Volcano Island at sa mga high-risk barangays ng Bilibinwang at Banyaga, Agoncillo at Boso-boso, Gulod at eastern Bugaan East, sa Laurel, Batangas.

“The public is reminded that the entire Taal Volcano Island is a Permanent Danger Zone (PDZ), and entry into the island as well as high-risk barangays of Agoncillo and Laurel must be prohibited,” ayon pa sa pahayag.