5.3 lindol, yumanig sa Albay

ni Jeff Tumbado @News | June 7, 2026

Photo: Phivolcs

Niyanig ng magnitude 5.3 na lindol ang Sto. Domingo, Albay, kamakalawa ng gabi, ayon sa Philippine Institute of Volcanology and Seismology (PHIVOLCS).

Naganap ang lindol alas-9:58 ng gabi at may lalim na 10 kilometro. 

Ayon sa PHIVOLCS, tectonic ang pinagmulan ng pagyanig.

Intensity V – Santo Domingo and City of Legazpi, AlbayIntensity IV – City of Tabaco, City of Ligao, and Malilipot, Albay; City of Sorsogon, Donsol and Irosin, SorsogonIntensity III – City of Naga and Malinao, Albay; City of Sorsogon, Juban and Prieto Diaz, Sorsogon; Monreal, MasbateIntensity II – Goa, Camarines Sur; Bulan, Sorsogon; Allen, Biri, Bobon, Catarman, Lavezares, Rosario and San Jose, Northern Samar; City of Masbate, Dimasalang and San Fernando, Masbate

Patuloy pang mino-monitor ang sitwasyon at hinihikayat ang publiko na manatiling alerto.

Magnitude 6, yumanig sa Eastern Samar

ni Jeff Tumbado / Mai Ancheta @News | May 5, 2026

Photo: Phivolcs

Ibinaba sa magnitude 6 mula sa magnitude 6.1 ang naitalang lindol sa San Julian, Eastern Samar kahapon ng alas-2:09 ng hapon.

Ayon sa Philippine Institute of Volcanology and Seismology (Phivolcs), ang malakas na lindol ay naitala sa hilagang kanluran ng San Julian.

Naitala ang Intensity 5 sa Eastern Samar; Intensity 4 sa mga bayan ng Abuyog, Palo, at Carigara sa Leyte; Intensity 3 sa ilang mga bayan sa Southern Leyte at mas mababang pagyanig sa iba pang mga lugar sa Visayas.

Samantala, ilan sa mga lugar na napinsala ay ang San Pedro Calungsod Church kung saan nagsitumba ang ilang mga imahe at may mga ulat din na mga bitak-bitak na dingding at ilang kalsada sa Catbalogan.

Inabisuhan ang mga residente na manatiling naka alerto sa posibleng mga pinsalang dulot ng lindol at asahan ang mga aftershock.

Lindol sa Cebu, La Union, Davao Oriental, ‘di konektado sa isa’t isa — PHIVOLCS

by Info @News | October 11, 2025

Photo: Office of Civil Defense

Walang anumang koneksyon sa isa’t isa ang sunud-sunod na lindol sa Cebu, La Union, at Davao Oriental, ayon sa Philippine Institute of Volcanology and Seismology (PHIVOLCS).

Paglilinaw ng ahensya, magkakaibang fault ang nagdulot ng pagyanig sa nasabing mga lugar.

Dagdag pa nila, normal lang umano ang lindol sa Pilipinas dahil bahagi ang bansa ng Pacific Ring of Fire.