‘Pinas at New Zealand, palalakasin ang ugnayan

ni Eli San Mguel @News | June 10, 2024

Nagkasundo ang Pilipinas at New Zealand nitong Lunes na palakasin ang kanilang kasulukuyang ugnayan sa mga usapin ng pulitika at seguridad pati na rin sa pagbubukas ng bagong mga lugar para sa kalakalan at pamumuhunan, ayon kay Foreign Affairs Secretary Enrique Manalo. Nangyari ito habang nasa pagpupulong si Manalo kasama si New Zealand Deputy Prime Minister at Foreign Minister Winston Raymond Peters na nasa opisyal na pagbisita sa Pilipinas.

“We agreed to strengthen our existing mechanisms for cooperation on political, security and defense and labor, and to open new avenues for partnerships in trade and investment that leverage our respective strengths while promoting our national priorities, particularly on renewable energy and combating climate change,” pahayag ni Manalo.

“We welcomed the signing of the Mutual Logistics Support Arrangement (MLSA), a pivotal document that will greatly enhance future military engagements between our nations,” dagdag niya. Inihayag ni Manalo na nagkasundo rin ang Pilipinas at New Zealand na magkaroon ng mas madalas na palitan ng high-level visits at pag-usapan ang mga paraan upang madagdagan ang kanilang konektibidad sa pamamagitan ng mga air flights at visas.

“In this regard, I expressed appreciation for New Zealand’s recognition of the vital contributions of the Philippine diaspora to New Zealand’s continued economic prosperity and the richness of its social fabric, and conveyed the hope that their government will ensure the well-being of our kababayans, including safeguarding their hard-earned social security pensions,” ani Manalo. “We reaffirmed our continued commitment to uphold the rule of law as a pillar to achieving peace and security in the region,” dagdag pa niya.

Sinisi sa mga naganap sa WPS... Kasalanan ng 'Pinas — China

ni Angela Fernando - Trainee @News | December 19, 2023

Nagpahayag ang Ministry of Foreign Affairs ng China nitong Martes na handa nang makipagtulungan ang nasabing bansa sa 'Pinas sa pamamagitan ng pakikipag-usap hinggil sa West Philippine Sea.

Ayon sa ministry, pananagutan ng 'Pinas ang mga kamakailang pangyayari sa WPS ngunit ang ugnayan sa pagitan ng dalawang bansa ay hindi lang ukol sa sinasabing alitan.

Tugon ito sa pahayag ng Pangulong Ferdinand "Bongbong" Marcos Jr. hinggil sa bilateral na ugnayan.

Pahayag ni Ministry spokesperson Wang Wenbin, "We will not close the door to dialogue and contact with the Philippines." 

Bukod sa bansa, ang mga miyembro ng ASEAN tulad ng Vietnam, Malaysia, at Brunei ay inaangkin din ang ilang bahagi ng West Philippine Sea, na daanan para sa higit $3 trilyon na taunang kalakal na dala ng mga sasakyang pandagat.

'Pinas at Japan, paiigtingin ang kaligtasan sa karagatan at enerhiya

ni Angela Fernando - Trainee @News | December 17, 2023

Pinag-usapan ng Pangulong Ferdinand 'Bongbong' Marcos Jr. at Japanese Prime Minister Fumio Kishida ang pagpapatibay sa kaligtasan sa karagatan at kooperasyon sa enerhiya nitong Linggo sa Japan-Philippines Summit Meeting para sa 50th ASEAN-Japan Commemorative Summit.

Pahayag ng Presidential Communications Office (PCO), siniguro ng Prime Minister na ang Japan ay magpapatuloy sa pagbibigay ng coastal radar system sa pamamagitan ng Official Security Assistance (OSA).

Dagdag pa ng PCO, nais din daw ng nasabing bansa na paigtingin ang kooperasyon sa pagpapatibay ng kaligtasan sa karagatan batay sa Memorandum of Cooperation sa pagitan ng mga coast guard ng dalawang bansa na nilagdaan sa mismong okasyon.

Nagkasundo din ang mga lider ng 'Pinas at Japan na ipagpatuloy ang pagsusuri para sa maagang kasunduan sa mga negosasyon ng Reciprocal Access Agreement (RAA) at pagpapalakas ng kooperasyon sa pagitan ng mga coast guard ng kanilang mga pinamumunuang bansa.