Olympics at ASIAD, 3 taon na aagapayan ng POC-Cleantech

by MC @Sports News | April 18, 2026

Photo: 3 taon na gagasolinahan ang mga atletang sasabak sa 2026 Asian Games at iba pang international games kaagapay si Philippine Olympic Committee president Abraham Tolentino. (Pocpix)

Upang mapatibay ang kampanya ng mga atleta sa Los Angeles 2028 Olympics, sinelyuhan ng Philippine Olympic Committee (POC) at gas station company na Cleantech ang three-year partnership para sa bansa. 

Itinuturing na una ito sa pakikiisa ng kumpanya sa POC mula sa iisang misyon at pananaw, sinelyuhan nina  POC president Abraham “Bambol” Tolentino at Cleantech chairman Luisito Mercado ang kasunduan sa pormal na seremonya sa Century Park Hotel sa Manila.

“Cleantech is now the POC’s official fuel brand partner and we’re so happy that they will support our national athletes,” ani Tolentino, at idinagdag na ang suporta ng kumpanya ay sakto sa pagsabak ng Filipino athletes sa Aichi-Nagoya Asian Games sa Setyembre, Southeast Asian Games sa Malaysia at sa inaugural SEA Plus Youth Games kung saan host ang Pilipinas 2027 at Asian Beach Games sa Cebu 2028.

“This is a valuable support,” ani Tolentino.  “We believe in the potential of Filipino athletes and we want to be part of their journey especially in the Los Angeles Summer Olympics in 2028,” ani Cleantech Vice President for Finance Yeana Victoria Mercado.

“We want to serve and help athletes through our social responsibility to fellow Filipino people and want to be with them,” saad ni Yeana Victoria Mercado, kung saan sagot ng Cleantech ang P1-million-a-year cash sponsorship.

3 ginto sa Olympics mula sa ‘My Working Team’ ng POC

ni MC @Sports News | Nov. 3, 2024

Photo: Abraham Bambol Tolentino - FB

Naging tulay ang tatlong gintong medalya mula sa Olympics kasunod ang apat pang Asian Games gold medals—kasama na ang natatanging men’s basketball title—na binigyang-diin ni Abraham “Bambol” Tolentino sa loob ng 4 na taon niya bilang pangulo ng Philippine Olympic Committee (POC).

Dagdag pa ang overall championship sa matagumpay na pag-host ng bansa sa 30th edition ng Southeast Asian Games noong 2019 kung saan nagwagi ang Pinoy athletes ng 149 gold, 117 silver at 121 bronze medals sa may 56 sports—higit sa 50 golds nang sumegunda sa Vietnam.

Sa administrasyon ng POC administration na pahirapan nang mahigitan lalo't may Carlos Yulo na naka-2 gymnastics gold medals sa Paris 2024 at bago iyan ay si weightlifter Hidilyn Diaz-Naranjo na unang naka-ginto sa Olympics noong Tokyo 2020.

“It’s about teamwork, it’s about setting and achieving goals, it’s about cooperation,” ani Tolentino na ayon sa kanyang video tinawag niyang “My Working Team” para sa muling halalan ng POC sa Nob. 29 sa East Ocean Palace Restaurant sa Paranaque City.

Tuwing apat na taon maghalal ng pamunuan sa POC kasabay ng Olympic cycle. Sa Nobyembre, ani Tolentino pinuno rin ng cycling federation mula 2008, pakay ding muling pamunuan ang pinakamataas na sports-governing body sa bansa kasama ang “Working Team” na sina Alfredo “Al” Panlilio (basketball) First Vice President, Rep. Richard Gomez (modern pentathlon) 2nd Vice President, Dr. Jose Raul Canlas (surfing) Treasurer at Donaldo “Don” Caringal (volleyball) bilang Auditor at Alexander “Ali” Sulit (judo), Ferdinand “Ferdie” Agustin (jiu-jitsu), Leonora “Len” Escolante (canoe-kayak) at Alvin Aguilar (wrestling) at Leah Jalandoni Gonzales (fencing) bilang miyembro ng Executive Board.

Ang pag-file ng kandidatura ay nagsimula noong Okt. 15 at magtatapos ngayong Okt. 30.

Sa IWF Youth World Championship... 2 ginto, 1 silver nasungkit ng batang Pinay weightlifter

ni Lolet Abania | October 7, 2021

Patuloy sa paghakot ng medalya ang Pilipinas ngayon sa 2021 International Weightlifting Federation (IWF) Youth World Championship sa Saudi Arabia matapos na isa pang batang lifter ang nagkamit ng kabuuang tatlong medalya.

Nasungkit ng 16-anyos na si Rose Jean Ramos, ang dalawang gold medals at isang silver sa women’s 45 kilogram division nitong Miyerkules.

Nagawang buhatin ng teen ace ang 67 kg at agawin ito kay Ruth Fuenteria ng Spain na nakakuha ng silver sa 63 kg na bigat habang bronze medalist si Najla Khoirunnisa ng Indonesia na may 62 kg.

Malinis na tinapos ng Zamboanga native ang laro nang matagumpay niyang mabuhat ang 78 kg at 80 kg subalit bigo si Ramos sa kanyang third attempt sa 82 kg. Gayunman, ang nakuha niyang 80 kg ay nagbigay naman sa kanya ng silver medal.

Naitala ni Ramos ang overall gold matapos ang total tally niya na 147 kg., habang si Oliwia Drzazga ng Poland ay nakakuha ng kabuuang 143 kg para sa silver at si Khoirunnisa para sa bronze na may 142 kg.

Ang tagumpay ni Ramos, ang pinakabagong dagdag na koleksyon ng mga medalya sa mga tournament ng Pilipinas.

Kabilang na rin dito si Jeaneth Hipolito na nakakuha ng bronze medal sa women’s 40 kg class nitong Martes.