Mga nakasalamuha ni Sinas, pinaghahanap

ni Ronalyn Seminiano Reonico | March 13, 2021

Nagsagawa na ng contact tracing ang Philippine National Police (PNP) simula noong Biyernes sa mga nakasalamuha ni Gen. Debold Sinas matapos itong magpositibo sa COVID-19.

Pahayag ni PNP Officer In Charge Lt. Gen. Guillermo Eleazar, “Based on the guidance of our Chief PNP, General Debold Sinas, all our personnel who made close contact with him must be checked as a matter of protocol and for their health safety and the safety of their family.”

Ayon kay Eleazar, ang lahat ng nakasalamuha ni Sinas simula noong Marso 9 hanggang Marso 11 sa mga pinuntahan nitong lugar ay kailangang matukoy at maisailalim sa Health assessment kabilang na ang mga miyembro ng media.

Publiko, bantay-sarado uli… Sundalo at pulis, ipapakalat vs. COVID-19

ni Lolet Abania | March 8, 2021

Pinag-iisipan ng gobyerno na mag-deploy muli ng mga sundalo at mga pulis na magpapatupad ng minimum health standards sa mga pampublikong lugar, ayon kay COVID-19 Response Chief Implementer at Vaccine Czar Secretary Carlito Galvez.

Ayon kay Galvez, napansin ng mga awtoridad na maraming mga Pinoy ang naging kampante lalo na sa pagsunod sa mga safety protocols na ipinatutupad para mapigilan ang pagkalat ng coronavirus.

"'Yung mga pulis at saka military, puwede uli nating i-disperse sa mga convergent areas," ani Galvez sa isang virtual interview ngayong Lunes. Ito ay matapos makapagtala ang Department of Health ng pagtaas ng bilang ng kaso ng COVID-19 sa bansa.

Ilang mga ospital na rin ang nag-report ng pagdami ng mga pasyenteng tinatamaan ng COVID-19 na kanilang ina-admit. Sinabi ni Galvez na kinokonsidera na rin ng pamahalaan na mapabilis ang immunity ng mga mamamayan bago matapos ang taon kasabay ng vaccination program laban sa COVID-19 para sa 70 milyong Pinoy.

Target ng gobyerno na magkaroon ng daily vaccination rate na 300,000 hanggang 500,000 katao. "Kung steady ang supply," sagot dito ni Galvez.

5 nangholdap ng gas station, patay, 1 nakatakas

ni Mary Gutierrez Almirañez | February 19, 2021

Patay ang umano'y limang holdaper at isa ang nakatakas matapos makaengkuwentro ang pinagsanib- puwersang mga pulis mula sa Camp Crame, Philippine National Police Highway Patrol Group (PNP HPG) at District Special Operation Unit (DSOU) sa Quezon City nitong Pebrero 18 nang gabi.

Ayon sa ulat, hinoldap ng anim ang gasoline station kung saan kasalukuyang nagpapakarga ng gasolina ang isang pulis na taga-Crame. Nang hulihin niya ang mga holdaper ay inagaw ng isa ang shotgun sa guwardiya at nagsimulang magpaputok.

Habang hinahabol ng pulis na taga-Crame ang mga tumatakas na holdaper ay nakita niyang nagpapatrolya ang mga tauhan ng PNP HPG. Kaagad tumulong ang grupo nang malamang mga holdaper ang hinahabol ng pulis.

Sakto rin namang nagsasagawa ng surveillance ang DSOU ng Quezon City Police District (QCPD) nang mangyari ang habulan.

Sa Barangay Pingkian, Pasong Tamo, Quezon City na-corner ang mga holdaper.

Sa ngayon ay patuloy na pinag-aaralan ng Scene Of Crime Operations (SOCO) ang engkuwentro sa pagitan ng DSOU ng QCPD, PNP HPG at mga hinihinalang holdaper.