Opisyal at 4 na parak, arestado sa robbery-extortion

ni Ronalyn Seminiano Reonico | March 23, 2021

Arestado ang hepe ng Zamboanga City Police Station 9 at apat pang pulis sa kasong robbery-extortion ngayong Lunes.

Sa isinagawang operasyon, kinilala ni Philippine National Police - Integrity Monitoring and Enforcement Group (PNP-IMEG) Acting Director Police Colonel Thomas Frias, Jr. ang inarestong hepe ng pulisya na si Police Major Orlyn Leyte na officer-in-charge ng Zamboanga City Police Office (ZCPO) Station 9.

Ang apat pang miyembro ng pulisya ay kinilalang sina Staff Sergeant Hegenio Salvador, Staff Sergeant Asser Abdulkadim, Corporal Ismael Sasapan Hassan at Corporal Juman Arabani.

Ayon sa awtoridad, inaresto si Leyte matapos tanggapin ang P90,000 boodle money sa isinagawang entrapment operation bandang alas-6:45 PM.

Isang small business owner diumano ang nagpaalam sa PNP-IMEG na kinontak siya ng mga suspek at sinabing nasa listahan siya ng drug watch ng presinto.

Kasunod nito ay hiningan siya diumano ng malaking halaga kapalit ng pagkatanggal ng kanyang pangalan sa drug watch.

Saad ni Frias, “They were first placed under surveillance after an owner of a small business sought our help in apprehending the accused. It turned out that the suspects contacted the complainant and informed her that her name was included in the list of drug personalities being targeted for neutralization.”

Nasa kustodiya na ng Police Regional Office 9 ang mga suspek at haharap sa kasong robbery-extortion at Violation ng RA 3019 Anti-Graft and Corrupt Practices Act at RA 6713 Code of Conduct and Ethical Standard for Public Official and Employees.

34 pulis, patay sa COVID-19

ni Mary Gutierrez Almirañez | March 16, 2021

Tatlumpu’t apat na ang namatay sa mga kapulisan dahil sa COVID-19, ayon sa Philippine National Police (PNP).

Batay sa ulat, isang 45-anyos na pulis ang nasawi kahapon, habang 103 naman ang nadagdag sa mga nagpositibo. Sa kabuuang bilang ay umabot na sa 12,343 ang naitalang kaso sa PNP kung saan mahigit 11,391 ang mga gumaling at 74 ang nadagdag sa mga nakarekober.

Ayon pa kay Manila Police District Chief Police Brigadier General Leo Francisco, kasalukuyang isinasailalim sa special quarantine ang MPD Station 11 matapos magpositibo sa COVID-19 ang 46 na kapulisan, kung saan isa sa kanila ang dumaranas ng severe symptoms.

10K pulis ikakalat sa Metro Manila

ni Lolet Abania | March 15, 2021

Ipapakalat ang 10,000 pulis sa Metro Manila upang masigurong maipapatupad ang mahigpit na uniform curfew, ayon sa Philippine National Police (PNP).

Ayon kay PNP officer-in-charge Police Lieutenant General Guillermo Eleazar, nagbigay na siya ng direktiba sa police force na ipatupad ang maximum tolerance sa lahat at patuloy na igalang ang karapatang pantao.

"To our personnel on the ground, be reminded of our two rules to avoid unnecessary confrontation to the public -- one, observe maximum tolerance; and two, respect the people's rights. We will be closely monitoring your compliance," ani Eleazar sa isang interview ngayong Linggo.

"And to the public, we also offer a formula to prevent unnecessary confrontation and spare yourself from arrest: one, respect the rules on observance of the minimum health safety standard protocols; and two, respect the authorities that are enforcing these protocols," dagdag pa ng opisyal.

Magsisimula ang curfew bukas, March 15 ng alas-10:00 ng gabi hanggang alas-5:00 ng umaga na tatagal ng dalawang linggo dahil sa biglang pagtaas ng COVID-19 cases sa buong National Capital Region (NCR).