Eleazar, pinabawi ang kaso ng whistleblower sa "vaccine slot for sale"

ni Ronalyn Seminiano Reonico | June 12, 2021

Ipinag-utos ni Philippine National Police (PNP) Chief Police General Guillermo Eleazar ngayong Sabado ang pagbawi ng isinampang kaso laban sa babaeng negosyante na naiulat na sangkot sa umano'y "vaccine slot for sale" scheme.

Kinilala ang naturang businesswoman na si Nina Ellaine Dizon-Cabrera.

Noong nakaraang buwan, nabuking ang bentahan ng mga vaccine slots matapos itong maisiwalat dahil sa ipinost ni Cabrera sa social media. At nang isinama siya sa mga kinasuhan, pumalag siya dahil ang katwiran niya ay siya pa nga ang nagbunyag sa publiko ng naturang modus.

Saad pa ni Cabrera, "I was the one who posted about this alleged scheme. What happened was I saw a 'for sale' post online and then I inquired. And then I found out that they were selling not vaccines but vaccine slots from LGUs. So I took it to Twitter.

"And then all of a sudden, I was caught in the middle. I was dragged into the case, saying I had the intent to sell—but really, I was the one who exposed it."

Nakipag-ugnayan din umano si Cabrera sa lokal na pamahalaan ng San Juan upang magsagawa ng imbestigasyon matapos mag-viral ang kanyang post.

Saad pa ni Cabrera, "I posted everything on Twitter, all of my conversations... They even thanked me for all the information I passed on to them."

Ikinagulat din umano ni Cabrera nang mapasama ang pangalan niya sa mga kinasuhan ng awtoridad gayung siya ang binentahan ng vaccine slot.

Saad pa ni Cabrera, "Wait. BA’T AKO ‘YUNG NAGBENTA BIGLA? Ako nga ‘yung binentahan at ako ang nag-post? Hold on.

"Nobody ever reached out to me, which is why I was really surprised when I saw the article yesterday. Nobody asked me questions, nobody asked me anything about it. I was only in touch with San Juan LGU upon posting on May 21 and that was it.

"That’s why I’m really, really surprised. I’m completely baffled as to how they got to that conclusion when I posted it myself. Why would I expose myself?"

Ipinag-utos naman ni Eleazar sa Criminal Investigation and Detection Group (CIDG) at Anti-Cybercrime Group (ACG) na suriin ang possible lapses sa imbestigasyon.

Aniya pa, "I assure Ms. Dizon-Cabera that I will personally monitor the progress of my order—and to correct if there are things that need correcting in the interest of truth and justice regarding this ‘vaccine/vaccine slot for sale’ controversy."

Matapos ang imbestigasyon, ayon kay Eleazar, hindi dapat isama si Cabrera sa mga sasampahan ng kaso sa Mandaluyong Prosecutor's Office.

Saad ni Eleazar, “I already instructed the CIDG (Criminal Investigation and Detection Group) to withdraw the cases filed against her before the Mandaluyong City Prosecutor’s Office the soonest possible time. The cases against Cyle Cedric Bonifacio and Melvin Gutierrez remain.”

Haharap naman sa kasong estafa, Anti-Red Tape Law of 2007, at Cybercrime Prevention Act of 2012 ang mga suspek na sina Bonifacio at Gutierrez, ayon sa PNP.

Napag-alaman umano na nagbebenta ang mga nasabing suspek ng vaccination slots sa Mandaluyong City sa halagang P12,000 hanggang P15,000.

Sinibak naman sa puwesto ang hepe ng PNP CIDG Eastern Metro Manila District Field Unit dahil sa “lapse of judgment and for command responsibility in the conduct of investigation,” ayon kay Eleazar.

Aniya pa, “Ang mali ay mali at hindi dapat pinanindigan. Sa halip, ito ay itinatama upang hindi na maulit, at upang kapulutan din ng aral para maging maayos ang pagsisilbi sa taumbayan.”

P68 M shabu, nasamsam; 3 patay sa engkuwentro

ni Lolet Abania | June 11, 2021

Patay ang tatlong hinihinalang miyembro ng drug syndicate sa ikinasang operasyon ng pulisya sa Cebu City kagabi, ayon sa Philippine National Police (PNP).

Sa isang statement, kinilala ni PNP Chief Police General Guillermo Eleazar ang isa sa mga suspek sa alyas na “Levon.”

Sinabi ni Eleazar, nakaengkuwentro ng mga operatiba ng PNP at ng Philippine Drug Enforcement Agency ang mga suspek na bukod kay Levon, may dalawa pang hindi nakikilalang lalaki, sa Barangay Campo 4 sa Talisay City at Barangay Tap Tap sa Cebu City.

Ayon sa PNP, humantong sa sagupaan ang nasabing engkuwentro na nagresulta sa pagkamatay ng mga suspek.

Narekober sa mga suspek ang 10 malalaking pakete ng hinihinalang shabu na nasa 10 kilos na nagkakahalaga ng P68 milyon, isang itim na traveling bag, isang silver Toyota Vios, isang mahaba at 2 maiksing baril.

Ang mga nakumpiska ay dinala na sa PNP-Drug Enforcement Group Special Operation Unit 7 para sa dokumentasyon at proper disposition.

“The PNP remains steadfast, under the PNP Intensified Cleanliness Policy, in fighting the bigger war on illegal drugs without let-up,” ani Eleazar.

“The PNP offers no compromise for anyone found to be involved in illegal drugs activities. We remain constantly working with PDEA to crush the real enemy,” dagdag niya.

Pulis na namatay sa COVID-19, 70 na

ni Lolet Abania | June 9, 2021

Umabot na sa 70 ang kabuuang bilang ng mga nasawi sa mga kawani ng Philippine National Police (PNP) dahil sa COVID-19.

Sa isang statement ni PNP Chief Police General Guillermo Eleazar, isang 34-anyos na police corporal na nakatalaga sa Special Action Force (SAF) sa Surigao del Sur ang pinakabagong namatay sa kanilang hanay dahil sa COVID-19 nitong Lunes.

Sa report ng PNP Health Service, ang nasabing pulis ay isinugod sa ospital sa Surigao del Sur noong June 6 para i-check-up dahil nakaramdam ng panghihina ng katawan.

Nitong June 7, inilipat siya sa ibang ospital sa Agusan del Sur para sumailalim sa masinsinang medikasyon matapos ang naging payo ng kanyang attending physician. Alas-6:30 ng umaga, sumailalim siya sa isang antigen test kung saan lumabas na positibo siya sa COVID-19.

Makalipas ang tatlong oras, habang nagsasagawa ng RT-PCR test, idineklara nang namatay ng kanyang attending physician ang naturang pulis.

“He died due to cardio-pulmonary arrest secondary to cerebral dysfunction secondary to vasculitis secondary to Sars-Cov2 infection,” ayon sa doktor. Lumbas din ang kanyang swab test result na kumpirmadong positibo siya sa coronavirus. Nagpahayag naman ng pakikiramay si Eleazar sa pamilya ng nasabing pulis.

“Muli, taos-puso po akong nakikiramay sa pamilya ng ating pulis na namatay dahil sa COVID-19.” Tiniyak din ni Eleazer sa publiko na ang liderato ng PNP ay labis na nagsusumikap para mabakunahan na lahat ng kanilang personnel kasabay ng paglaban nila sa nakamamatay na sakit.

Sa ngayon, nakapagtala ang PNP ng kabuuang bilang na 25,190 COVID-19 cases sa kanilang organisasyon matapos ang 126 bagong nadagdag na infected. Nasa 23,364 ang nakarekober na sa virus, habang 1,756 ang active cases.