PhilHealth hotline 24/7 na

by Info @Brand Zone | March 13, 2023

PR 2024-0003

Inanunsyo ng PhilHealth na bukas na sa publiko ang hotline nito na (02) 8862-2588 at matatawagan anumang oras kahit na weekend o holiday. 

Ayon kay PhilHealth President at Chief Executive Officer Emmanuel Ledesma Jr. “Ang serbisyo na ito ay maaari nang magamit lalo na ng mga kababayan nating OFWs anumang araw at oras. Hindi na nila kailangan pang maghintay sa pagbubukas ng tanggapan ng PhilHealth dito sa Pilipinas.” 

Inilunsad din ng PhilHealth ang “Click to Call” channel kung saan maaaring pindutin ang “click to call” logo sa kanang ibabang bahagi ng website ng ahensya para may makausap na live agent. Ang serbisyong ito ay bukas din 24/7. 

Maaari ring mag-request ng callback ang  mga miyembro. I-text lamang ang  “PHICallback” <space> mobile number na  tatawagan <space> “ang inyong katanungan” sa 0998-8572957, 0968- 8654670, 0917-1275987 at 0917-1109812. 

Nagpaalala naman si Ledesma sa mga miyembro na gagamit ng callback channel  na maging maingat at siguruhing lehitimong empleyado ng PhilHealth ang kausap.

“Upang maiwasan na malinlang  ng mga mapagsamantala na ang pakay ay pagnanakaw ng mga personal na impormasyon, tanungin muna sa ahente ang ilang detalye tulad ng petsa kung kailan nag-request ng callback ang miyembro.” 

Dagdag pa ni Ledesma na ang mga pagbabagong ito ay bahagi ng layunin ng PhilHealth na pagpapabuti ng kanilang serbisyo upang ang mga miyembro ay maging updated sa kanilang health insurance benefits. 

Hinihikayat din niya na bumisita sa www.philhealth.gov.ph/ at i-follow ang Facebook page na @Philhealth Official at X account @teamphilhealth upang masubaybayan ang mga bagong impormasyon tungkol sa mga programa at serbisyo ng PhilHealth.

PhilHealth Supports Philippine Cancer Center

by Info @Brand Zone | March 12, 2023

PhilHealth Photo Release 2024-0001 

PhilHealth through the leadership of its President and CEO Emmanuel R. Ledesma Jr.,  expressed support to the establishment of the Philippine Cancer Center, a 20-story building  that will house a comprehensive center for cancer diagnosis, treatment research and patient  support in Quezon City.  

In his speech during the groundbreaking ceremony on March 8, 2024, Ledesma said that “once  the Philippine Cancer Center becomes operational, PhilHealth will immediately work on its  inclusion in the list of contracted partners so Filipinos may avail of our Z Benefit Packages”. 

The Z Benefit Packages are PhilHealth’s comprehensive benefits for catastrophic illnesses  which can be availed of from its contracted providers nationwide. Ledesma highlighted that  PhilHealth provides substantial support to patients with prostate, cervical, colon or rectum  cancer, and acute lymphocytic/ lymphoblastic leukemia through the Z Benefit Packages. 

PhilHealth recently announced the expansion of its breast cancer coverage from P100,000 to  P1.4 million.

Pinagbuting benepisyo, asahan ngayong 2024 — Ledesma

by Info @Brand Zone | March 6, 2023

Siniguro ni Emmanuel R. Ledesma Jr., Pangulo at Punong Tagapagpatupad ng PhilHealth na ipatutupad ng ahensya ang mas pinagbuti at pinalawak na mga benepisyo ngayong taon. Ito ay kaugnay sa naging pahayag ni Pangulong Ferdinand R. Marcos Jr. na anumang pagtataas sa kontribusyon ay kinakailangang may kaakibat na balik sa mga benepisyo.

Inanunsyo kamakailan ng PhilHealth na epektibo na noong Pebrero 14, 2024 ang 30 porsyentong taas-benepisyo sa karamihan sa mga case rates packages nito. Ayon kay Ledesma “ ang pagbabagong ito ay makatutulong nang malaki sa mga pasyente lalo na at naapektuhan ng inflation pati ang gastusin sa pagpapagamot”.

Idinagdag din ni Ledesma na magkakaroon ng 1,300 porsyentong pagtaas ang kanilang Z Benefit Package sa breast cancer sa P1.4 milyon mula P100,000. Noong 2023 ay sinimulang ipatupad ng PhilHealth ang pagpapalawak ng benepisyo para sa hemodialysis mula 90 sa156 sesyon.

Dahil dito, ang taunang benepisyong natatanggap na ng mga pasyenteng may CKD 5 (Chronic Kidney Disease Stage 5) ay pumapalo na sa P405,600 mula sa dating P234,000.

Nagkaroon din ng halos 200 porsyentong pagtaas ng benepisyo para sa ischemic stroke mula 20,000 na naging 76,000, at hemorrhagic stroke mula 38,000 na naging 80,000.

Inilunsad din ng PhilHealth noong 2023 ang Outpatient Mental Health Package nito kung saan P9,000 ang pakete na makukuha para sa general at P16,000 naman para sa specialty mental health services.

Ang mga pagbabagong ito sa benepisyo ay ipinatupad ng PhilHealth sa kabila ng pagsuspinde sa pagtaas ng kontribusyon noong nakaraang taon.“ Layunin ng PhilHealth na magbigay ng napapanahong benepisyo sa mga Filipino, at ito ay alinsunod sa aming adhikain na Pinalawak at Bagong Benepisyo Para sa Mamamayang Filipino", wika ni Ledesma.

Ngayong 2024, marami pang aasahan ang mga miyembro gaya ng pagpapabuti ng pakete para sa bronchial asthma at bacterial sepsis para sa mga sanggol. Inaasahang ilalabas din ng ahensya ang polisiya para sa outpatient therapeutic care para sa severe acute malnutriton sa mga batang edad 5 pababa, at ang benepisyo para sa physical medicine at rehabilitation.

Nakaamba rin ang pagbabago sa pakete ng Z Benefit Package sa peritoneal dialysis, at cervical at prostate cancer. Ani Ledesma, lubhang mahalaga ang kontribusyon ng mga miyembro upang matustusan ang mga benepisyong ipinatutupad at ilulunsad pa ng ahensya sa mga susunod pang taon. Upang makatulong na mapanatili ang kalusugan o maagapan ang paglala ng karamdaman, pinalalakas pa ng PhilHealth ang Konsulta Package nito sa pamamagitan ng paglalaan ng P30 bilyon ngayong taon.