Alagang PhilHealth: Gamot na abot ₱20K, sagot ng PhilHealth!

by Info @Brand Zone | May 29, 2026

1. Ano-anong mga GAMOT ang libre sa  programang ito? 

Binubuo ito ng 75 na essential na mga gamot  para sa karaniwang kondisyon tulad ng diabetes, altapresyon / high blood, mataas na kolesterol, impeksyon, hika,at iba pa.  

Mayroon 21 na gamot na direktang makukuha sa mga YAKAP Clinic at hindi binabawas sa 20K. Ang 54 na gamot naman na makukuha sa mga GAMOT Pharmacies o GAMOT facilities ay ang siyang ibawas sa 20K. Ito ay hindi cash na  makukuha ng benepisyaryo kundi ito ay parang “credit limit” kada benepisyaryo sa loob ng isang  buong taon. 

2. Sino-sino ang pwedeng maka-avail ng PhilHealth GAMOT? 

Lahat ng Pilipino – ang miyembro pati na ang  kanilang kwalipikadong dependents ay maka ka-avail nito. Gayundin ang mga foreigner na may  sapat na PhilHealth contribution ay maaaring makagamit ng benepisyong ito.  

3. Ang dati bang reseta na nakuha sa  ibang check-up ay pwedeng magamit sa  pagkuha ng GAMOT? 

Hindi. Ang reseta ay makukuha lamang sa iyong  napiling YAKAP Clinic. Ang pagkuha ng gamot ay  naaayon lamang sa rekomendasyon ng YAKAP doctor sa iyong YAKAP Clinic. Kung kinakailangan ng pasyente, bibigyan siya ng Unique Prescription Security Code (UPSC) gamit ang GAMOT App.  Doon pa lamang pwedeng pumunta sa GAMOT provider.  

Kung may lumang prescription, ipakita ito sa  iyong YAKAP doctor upang ma-assess kung ito ay  tugma pa rin sa iyong pangangailangan. 

4. Ano ang kailangan dalhin sa GAMOT provider upang makuha ang mga gamot? Ang member ay kailangang magdala ng valid government ID kasama ang GAMOT prescription slip na may Unique Prescription Security Code (UPSC) na galing sa YAKAP Clinic. 

5. Gaano karaming gamot ang maaaring  makuha kada reseta? 

• Sa bawat konsultasyon, maaaring magreseta ang doktor ng hanggang tatlong (3) buwang medikasyon para sa maintenance. 

• Alinsunod sa reseta ng maintenance at iba  pang klase ng medikasyon, maaaring makuha ang gamot para sa hindi hihigit sa isang  

buwang gamutan, habang ang antibiotics ay ibinibigay nang buo ayon sa nakasaad sa  reseta.  

Kung hindi pa naibibigay ang kabuuang dami  ng gamot, itago o tandaan ang UPSC ng iyong GAMOT Prescription upang makuha ito sa mga  susunod na transaksyon.  

6. Paano kung nawala ang GAMOT Prescription na naglalaman ng UPSC? Maaaring ma-access ng GAMOT Facility ang iyong GAMOT Prescription sa pamamagitan ng Unique Prescription Security Code (UPSC). Maaaring  kuhanan ng litrato ang parteng ito ng GAMOT Prescription upang magamit sa bawat transaksyon  na kinakailangan. 

Kung hindi ito natatandaan at nakuhanan ng  litrato, makipag-ugnayan sa iyong YAKAP Pro vider para makuha ang UPSC ng iyong GAMOT Prescription.  

PAALALA 

Tumawag sa aming 24/7 PhilHealth hotline, 8662-2588.  

para sa ibang katanungan. 

Kung gusto ninyo kami ang tumawag sa inyo, I-text ang 

 PHICallback <space> 

Mobile no. na tatawagan <space>  detalye ng concern sa  

0998-8572957, 0968-8654670, 0917-1275987, at 0917-1109812. 

Pwede ring tumawag mula sa  

aming website. Mag-log-in sa  

www.philhealth.gov.ph. 

at pindutin ang 'CLICK TO CALL'

---

PhilHealth, IBP nagkasundo na patatagin ang proteksyon, karapatan, at legal na suporta para sa mga miyembro

by Info @Business | May 27, 2026

Nilagdaan ng Philippine Health Insurance Corporation (PhilHealth) at Integrated Bar of the Philippines (IBP) ang dalawang taong Memorandum of Agreement (MOA) na naglalayong patatagin ang proteksyon ng mga miyembro, isulong ang karapatan ng mga pasyente, at palawakin ang access sa legal na suporta para sa mga Pilipino sa ilalim ng programang Universal Health Care (UHC).

Pinangunahan nina PhilHealth President at Chief Executive Officer Dr. Edwin M. Mercado at IBP National President at Chairperson ng 27th Board of Governors Atty. Allan G. Panolong ang seremonya ng paglagda na ginanap sa IBP Building sa Lungsod ng Pasig.

Ilan sa mga napagkasunduan ay ang paglulunsad ng mga magkasanib na kampanya na mas mapalawak ang kaalaman ng mga mamamayan ukol sa kanilang mga benepisyo at karapatan sa ilalim ng UHC Act.

Magkakaloob din ng libreng legal na serbisyo para sa mga kwalipikadong miyembro, partikular na ang mga mahihirap at nasa marginalized na sektor, kaugnay ng kanilang mga benepisyo at claims sa kalusugan.

Isa pa sa mahalagang parte ng partnership ay ang pagsugpo sa pandaraya at pagpapalakas ng polisiya. Magtutulungan ang dalawang institusyon sa pagbuo ng mga patakaran sa kalusugan, pagsasanay para sa mga abogado ng PhilHealth, at mga hakbang laban sa fraud o pandaraya.

Ayon pa sa dalawang ahensya, pagbubutihin ang mga mekanismo sa pagresolba ng mga hidwaan o reklamo upang masigurong mabilis at patas na matutugunan ang mga hinaing ng mga miyembro.

60B ibinalik na sa PhilHealth ayon sa utos ni Pangulong Marcos Jr, ipinalalakas ang serbisyong pangkalusugan

by Info @Brand Zone | May 7, 2026

PR No.: 2026-12 / May 6, 2026 

Opisyal nang naibalik sa PhilHealth ang ₱ 60 bilyon mula sa National Treasury alinsunod sa  direktiba ni Pangulong Ferdinand Marcos Jr. Ang hakbang na ito ay isang malinaw na pahayag  ng tiwala ng Pangulong matutugunan ng PhilHealth ang mandato nitong maging katuwang ng  bawat Pilipino sa pangangailangang pangkalusugan. 

Pinasasalamatan ng PhilHealth ang Pangulo sa kanyang malinaw na direktiba na gamitin ang  pondong ito upang mapahusay ang mga serbisyong kalusugan upang maabot ang bawat  Pilipino. Gayundin, kinikilala ng Korporasyon ang mahalagang papel ng Department of Finance sa agarang pagreremita ng nasabing halaga. 

Pinagtitibay ng PhilHealth ang pangako na pangalagaan ang tiwalang ipinagkaloob ng Pangulo  at ng taumbayan. Sisiguruhin ng Korporasyon na ang bawat pisong ito ay ilalaan sa  pagpapahusay ng mga benepisyo, pagpapalakas ng mga sistema upang mapabilis ang mga  proseso, at paghatid sa bawat Pilipino ng serbisyong mabilis, patas, at tunay na  mapagkakatiwalaan.