2nd dose ng AstraZeneca, ‘di na ituturok sa Australia

ni Mary Gutierrez Almirañez | April 12, 2021

Nilinaw ng Food and Drug Administration (FDA) na wala pang naiulat na nakaranas ng blood clot sa bansa matapos mabakunahan ng AstraZeneca kontra COVID-19, ayon sa panayam kay FDA Director General Eric Domingo ngayong Lunes nang umaga, Abril 12.

Aniya, "So far po, ang ating National Adverse Events Following Immunization Committee, sumulat kahapon na wala naman daw na any cases reported ng blood clotting na connected sa bakuna dito sa atin."

Samantala, inianunsiyo naman ng Prime Minister ng Australia na si Scott Morrison sa kanyang Facebook post na hindi na nila ituturok ang second dose ng AstraZeneca sa mga una nitong nabakunahan dahil sa banta ng blood clot, bagkus ay inirerekomendang gamitin na lamang ang gawa ng Pfizer.

Ayon kay PM Morrison, “The Government has also not set, nor has any plans to set any new targets for completing first doses. While we would like to see these doses completed before the end of the year, it is not possible to set such targets given the many uncertainties involved.”

Batay din sa orihinal na plano ng Australia, tinatarget nilang mabakunahan ang buong populasyon ng bansa sa katapusan ng Oktubre, kaya dinoble nila ang pag-order sa bakunang Pfizer.

“At the end of this past week, it’s also important to note that more than 142,000 doses have been administered to our aged care residents, in more than 1,000 facilities, with over 46,000 of these now being second dose in over 500 facilities,” sabi pa ni PM Morrison.

Sa ngayon ay wala pa ring suplay ng AstraZeneca na dumarating sa ‘Pinas, gayunman patuloy pa ring binabakunahan ang mga senior citizens gamit ang Sinovac kontra COVID-19.

Paliwanag pa ni FDA Director Domingo, "Hindi naman natin itinigil sa senior citizen. Sabi lang natin, 'yung 59 and below, tingnan muna natin ang datos para lang may complete information ang magbabakuna at babakunahan."

117K doses ng Pfizer vaccine, parating na

ni Lolet Abania | February 1, 2021

Inaasahan na ang pagdating ng 117,000 doses ng COVID-19 vaccine ng Pfizer sa ilalim ng COVAX facility sa ikalawa o ikatlong linggo ng Pebrero.

Sa inilabas na anunsiyo ni Rabindra Abeyasinghe, representative ng World Health Organization (WHO), aniya sa isang press conference ngayong Lunes, “The COVAX has promised that they will deliver approximately 117,000 doses within the second or third week of February. These vaccines will be Pfizer-BioNTech vaccines.”

Bukod dito, asahan ding may 5.5 hanggang 9.2 milyong doses ng AstraZeneca’s COVID-19 vaccine na posibleng dumating sa huling linggo ng Pebrero o unang linggo ng Marso.

Gayunman, ayon kay Abeyasinghe, ang vaccine ng AstraZeneca ay nananatiling nasa evaluation pa para sa Emergency Use Listing (EUL) at maaaring ito ay matapos nang dalawa hanggang tatlong linggo.

“We are potentially looking at some quantity of those AstraZeneca vaccines also reaching the Philippines either late February or early March,” sabi ni Abeyasinghe.

Samantala, inanunsiyo rin kahapon ng vaccine czar na si Secretary Carlito Galvez, Jr., na ang bansa ay makakatanggap ng tinatayang 5.6 milyong doses ng Pfizer-BioNTech at AstraZeneca’s vaccines sa first quarter ng taon.

“The vaccines under COVAX can now inoculate our healthcare workers, medical-related personnel, and other frontliners,” ani Galvez.

Patuloy na sinisikap ng pamahalaan na makakuha ng aabot sa 148 milyong doses ng COVID-19 vaccines upang mabakunahan ang 50 hanggang 70 milyong Pinoy ngayong taon.

Sanofi, tutulong sa Pfizer para sa 125 M Covid vaccine

ni Ronalyn Seminiano Reonico | January 28, 2021

Tutulong ang French drugmaker na Sanofi sa paggawa ng 125 million COVID-19 vaccine doses ng kalaban nitong Pfizer simula sa July upang mapabilis ang produksiyon nito.

Dahil sa huge demand ng COVID-19 vaccines, nahihirapan ang Pfizer at German partner nitong BioNTech na mag-produce ng bakuna.

Ayon kay CEO Paul Hudson, papayagan ng Sanofi na ma-access ng BioNTech ang production facility nila sa Frankfurt.

Aniya, “We have made the decision to support BioNTech and Pfizer in manufacturing their COVID-19 vaccine in order to help address global needs, given that we have the technology and facilities to do so.

Saad naman ni Olivier Bogillot, head ng Sanofi’s French operations, “We had a slight delay on one of our vaccine candidates and decided to use that time to mobilize our production capacities to help with the Pfizer one.”

Samantala, noong nakaraang buwan, ang COVID-19 vaccine candidate na gawa ng Sanofi sa tulong ng British drugmaker na GlaxoSmithKline (GSK) ay hindi nagkaroon ng magandang resulta ngunit plano pa rin nilang mag-produce ng sarili nilang bakuna.

Pahayag pa ni Hudson, “As always, our top priority is to focus our efforts and capabilities on fighting this global pandemic. First and foremost, we will do this by continuing to develop our own COVID-19 vaccines candidates, in parallel with this industrial cooperation.

"Since our main vaccine is a few months late, we asked ourselves how we could be of assistance now.”