‘Uuwi ako na okay ang Pilipinas’ — P-Duterte

ni Jasmin Joy Evangelista | March 26, 2022

Inihayag ni Pangulong Rodrigo Duterte nitong Biyernes na bababa siya sa puwesto na natupad ang mga pangako sa mga Pilipino.

"I'm coming home, God willing.  Kita ko ang Pilipinas okay naman and lahat ng sinabi ko sa tao na gagawin ko, just from the number of my fingers, siguro mag-abot ng sampu," ani Duterte.

"Law and order, droga…universal health care, education, irrigation ng farmers, infrastructure, nakita na nyo...," patuloy niya sa kanyang speech sa inauguration ng Cancer Diagnostic Institute Building and Cancer Treatment Facility Building ng Southern Philippines Medical Center (SPMC) sa kanyang hometown sa Davao City.

Iginiit din ng pangulo na dapat tumigil na sa pagdodroga ang mga involved dito dahil hindi titigilan ng kanyang administrasyon ang mga lulong dito.

Pakiramdam din daw ng pangulo ay ‘fulfilled’ na ang kanyang buhay at wala nang mahihiling pa. Aniya pa, isa siyang gag* sa pag-aambisyon na maging pangulo noong 2016, gayundin umano ang mga tatakbo sa pinakamataas na posisyon sa darating na May 2022 elections.

"Fulfilled na ako sa lahat ng bagay.  Wala na akong mahihiling pa sa Diyos.  Kung humingi pa ako sa Diyos ng marami, sabihin nya ....umabot ka na dyan.  But it was all worth it," ani Duterte.

"Ang taong mag-ambisyon na mag-presidente, gago.  Kagaya ko, minsan mamayat ako, minsan tataba ako.  When you get to study all documents of the Republic of the Philippines, mawawalan ka ng stamina," dagdag niya.

Ayon pa sa pangulo, pagdating sa mga government projects ay hindi niya pinaboran ang mga lugar kung saan siya nanalo noong 2016 elections.

"I told the Department of Public Works and Highways, Transportation, ang pera, hatiin para sa lahat. Kaya kahit saan ka magpunta, kahit sa Luzon, you can see the stretch of the highways, as far as your eyes can see," pahayag ng pangulo.

"Pag pumunta sila sa Ilocos, iyong eight hours, you can make it in five hours if there is no traffic, ganoon na lang. Kasi nagpagawa ako ng mga highways na bago," dagdag niya.

Pagsusuot ng face mask, mananatili — P-Duterte

ni Jasmin Joy Evangelista | March 22, 2022

Sa kabila ng pagbaba ng kaso ng COVID-19 sa bansa, hindi pa umano handa si Pangulong Rodrigo Duterte na ipag-utos ang pagtatanggal ng facemask lalo na sa mga enclosed public places.

“The numbers are very low compared to the population. Itong mask, maraming nagtatanong, alam mo I am not ready to order the removal of the mask,” pahayag niya sa recorded public address na inere ngayong Martes.

Aniya, nariyan pa rin ang COVID-19 pandemic at posible pang magtagal dahil sa mga bagong variant na nade-detect sa ibang bansa, na posibleng makarating din sa Pilipinas.

“Matagal pa ito [pandemic]. Reports say na may bagong COVID variant found in Israel. So whether we like it or not, kung totoo ‘yan, it will reach again the shores of our country,” ani Duterte.

Sinabi rin niya sa kongreso na huwag galawin ang Bayanihan law, dahil ito ay ginawa para sa posibleng surges ng COVID-19 sa hinaharap.

“Sana ‘wag na lang galawin ng Congress. If you want to legislate it, so be it but ‘wag galawin ‘yan kasi that is in preparation for another surge of another variant,” pahayag pa ng pangulo.

“Nagmu-mutate itong monster na ito at hindi natin malaman kung ano talaga ang katapusan nito. I guess it would be there or here for the longest time,” dagdag pa niya.

Nauna nang sinabi ng Department of Health na sa lahat ng health measures na kanilang ipinatupad upang maiwasan ang pagkalat ng naturang virus, ang pagtatanggal ng face mask ang kahuli-hulihan nilang ipatutupad.

I-veto ang vape bill, apela ng DepEd kay P-Du30

ni Lolet Abania | March 18, 2022

Hinimok ng Department of Education (DepEd) si Pangulong Rodrigo Duterte na i-veto ang isang panukala hinggil sa pagbaba ng edad para maka-access sa vape at e-cigarette products.

Sa isang statement, sinabi ng DepEd na kaisa nila ang Department of Health (DOH) at mga medical organizations na umaapela kay Pangulong Duterte para ipawalang-bisa ang Vaporized Nicotine Products Regulation Act.

Layon ng nasabing measure na babaan ang edad para maka-access sa vape at e-cigarette products mula 21 ginawang 18-anyos. Ita-transfer din ang regulatory powers ng lahat ng naturang produkto mula sa Food and Drug Administration (FDA) ay ibibigay sa Department of Trade and Industry (DTI).

“As a government institution championing young Filipinos’ well-being, we are taking a stand against the so-called ‘anti-health’ vape bill, which will weaken existing law and the executive order against Electronic Nicotine Delivery Systems (ENDS) or Electronic Non-Nicotine Delivery Systems (ENNDS) commonly known as e-cigarettes or ‘vapes’,” pahayag ng DepEd.

“If passed into law, the bill will erode the important provisions already set forth in Republic Act No. 11467 and Executive Order No. 106 both signed by the President in 2020,” ayon pa sa DepEd.

Sinabi rin ng ahensiya na ang batas at ang executive order ay ni-regulate na ang mga electronic nicotine/non-nicotine delivery systems, heated tobacco products, at iba pang novel tobacco items.

Ayon sa information system ng DepEd, tinatayang 870,000 learners na nasa basic education sector ay edad 18 para sa School Year 2020-2021, habang halos 1.1 milyong mag-aaral sa Senior High School ay nasa 18 hanggang 20-anyos.

“This is the number of learners who will become legally allowed to be marketed the harmful products once the bill becomes law,” sabi ng DepEd.

“We teach in schools how the part of the brain that is responsible for rational decisions does not fully develop until one is in their mid-twenties. Before that age, young people are very vulnerable to engaging in risky behaviors such as substance use and abuse. If there will be any attempt to amend existing laws, it should be to increase the age of access to harmful products, not lower it,” giit pa ng ahensiya.