Pati ang kaibigang si Pastor Quiboloy… P-Du30, makasuhan 'pag 'di na pangulo

ni Lolet Abania | June 10, 2021

Itinuturing na paglabag umano sa batas ang ginawa ni Pangulong Rodrigo Duterte nang tanggapin ang mamahaling regalong ibinigay sa kanya tulad ng isang bahay, ayon kay Tony La Vina, dating dean ng Manila-based Ateneo School of Government.

Matatandaang binanggit ni Pangulong Duterte na tumanggap siya ng isang bahay mula kay Pastor Apollo Quiboloy ng Kingdom of Jesus Christ noong siya ay mayor pa ng Davao City at magmamay-ari lamang siya nito kapag nagretiro na sa pulitika.

Gayunman, bilang government official, dagdag ni La Vina, dapat na i-observe ang “no gifts” policy. “Anything substantial, ‘di mo siya puwedeng tanggapin while nasa gobyerno ka. It doesn’t matter kahit sabihin mo na technically magiging sa 'yo lang sa pagkatapos ng term mo,” ani La Vina sa isang virtual interview ngayong Huwebes.

“That violates not just the spirit of the law but the law itself. ‘Di naman sinasabi ng law na kailangan ‘yung regalo na sa 'yo na. Kung ang intent na sa 'yo na, violation po ‘yun ng (Anti)-Graft and Corrupt Practices Act,” saad pa ni La Vina.

Maaari umanong maharap sa kaso si P-Duterte matapos ang kanyang termino dahil sa paglabag sa batas habang si Quiboloy ay posibleng sampahan din ng reklamo.

“Hindi naman ibig sabihin na kung transparent ka, tama na. ‘Di lang siya puwedeng sampahan ng kaso ngayon because may immunity ang President,” sabi ni La Vina.

“No gifts policy dapat. Every government official, politician should have a 'no gifts policy,'” diin pa ni La Vina.

Pagala-galang COVID positive, kakasuhan ng murder

ni Ronalyn Seminiano Reonico | June 8, 2021

Posibleng kasuhan ng murder ang mga indibidwal na kahit alam nilang positibo sila sa COVID-19 ay papasyal-pasyal pa, ayon kay Pangulong Rodrigo Duterte noong Lunes.

Sa isang taped message ni Chief Legal Counsel Salvador Panelo na iniere sa speech ni P-Duterte, iminungkahi niya na kasuhan ang mga pasaway sa COVID-19 protocols.

Aniya, “Meron pong puwedeng ihain laban doon sa mga lumalabag sa mga health protocols.”

Ang mga pagsuway sa awtoridad ay maaaring panagutin.

Saad pa ni Panelo, “Kung ito pong tao na ‘to, despite the fact na alam niya na nga ang ipinagbabawal, eh, ganu’n pa rin ang gagawin niya, puwede po siyang idemanda ng pag-resist o hindi pagsunod sa mga persons in authority o ru’n sa mga agents ng mga persons of authority while in the performance of their duty.”

Dagdag pa niya, “Kung alam n’yo na ngang meron kayong sakit na Coronavirus at hindi ninyo ini-report ito, eh, talagang lalabagin ninyo ang Republic Act 11332. Eh, ganu’n din po ‘yung mga taong dapat na nakakaalam at hindi rin po ini-report, aba’y, papasok din po ‘yun sa batas na RA 11332.

“Alam po ba ninyo na sa ating batas, ‘pag po ‘yung… halimbawa, ‘yung isang tao, alam niya na meron siyang sakit na Coronavirus, alam niya, pumunta po siya sa isang lugar na merong mga pagpupulong at ‘yung kanyang sakit ay nailipat at nakahawa sa isang tao o ilang tao, at ito ay namatay, aba, ibang usapan na ‘yun.

“Kung hindi niya alam na may sakit siya, baka nahawa lang siya, ‘yun kung namatay ay papasok lamang ‘yun sa homicide. Kung ito naman ay maselan na sugat o injury, maging reckless imprudence resulting to serious physical injury or depende nga kung hindi naman serious.

"Pero kung alam niya po, pumunta siya sa isang lugar, alam niyang may sakit siya ng Coronavirus at nakahawa siya at namatay, ‘yan po ay talagang sadyang pagpatay na. Papasok po ‘yan sa murder sapagkat intentional. Alam mo na ngang makakahawa ka, alam mo na ‘pag may nahawahan ka lalo na ‘yung mga may comorbidities, eh, talagang sadyang may pagpatay.”

Sinang-ayunan ni P-Duterte si Panelo at aniya, “For as long as the people do not honor the protocols, kung ayaw nilang sumunod, ayaw nilang maniwala, walang katapusan ang COVID.”

Aniya, kahit marami na ang nabakunahan laban sa COVID-19, marami pa rin ang mga naiwan at hindi pa bakunado.

Hirit pa ng pangulo, “‘Yan ang problema sa mga tao na hindi nakakaintindi… nakakaintindi pero ayaw sumunod and ‘yung sinabi mong murder, although medyo malayo masyado sa isip ng tao ‘yan, but it is possible.

“If he knows that he is sick with COVID-19 and he goes about nonchalant, papasyal-pasyal ka lang diyan, you are maybe, if it is intentional, malayo ‘yan pero it could be murder, sabi nga ni Sal.

“At kung hindi, iyang reckless imprudence would really mas swak doon sa sitwasyon na ‘yon.”

'Di bumalik para sa 2nd dose, ipinahahanap ni P-Du30

ni Ronalyn Seminiano Reonico | June 8, 2021

Nanawagan si Pangulong Rodrigo Duterte sa mga hindi pa nababakunahan ng 2nd dose laban sa COVID-19 noong Lunes nang gabi.

Aniya, kulang ang panlaban sa COVID-19 kung hindi magpapaturok ng 2nd dose ng bakuna.

Saad pa ni P-Duterte, “Ang problema rito, ‘yung nabakunahan na, except for the one dose… I think Johnson and Johnson, wala rito niyan… ‘yung nabakunahan na sa first injection ninyo, kailangan kayo ng booster. A second injection. Please find time to go back in line there. Line up and show your card so that they would know that you are receiving the second dose. Booster po ‘yan.

“Alam mo, ang medisina nitong mga Sinovac, Sinopharm and the rest which are available in the Philippines, they require a second dose booster. At kayong iisa lang, kulang ‘yan. Pakilinya lang uli for the second dose because ang protection ninyo is not complete without the booster.”

Ayon pa sa pangulo, nahihirapan siyang kumbinsihin ang mga Pilipino “lalo na ‘yung matigas ang ulo.”

Aniya pa, “Kindly follow instruction. Hindi naman mahirap ‘yan, eh. You find time at your convenience na bumalik doon, pumila at magpabakuna ng tinatawag nilang second booster. ‘Yun ang magbibigay sa inyo ng more or less, a good protection.”

Pero diin din ni P-Duterte, “But it does not guarantee that you will not be contaminated unless you observe the protocols of the washing of the hands again and mask, and social distancing kasi hindi pa talaga nawala itong COVID-19.”

Nanawagan din si Pangulong Duterte sa mga opisyal ng mga local government units (LGUs) na hanapin ang mga hindi pa nababakunahan ng second dose at kumbinsihin ang mga ito na magpaturok ulit.

Aniya pa, “I want the authorities and the LGUs to find out why this is happening and to take steps to return there… (makumbinsi) sila na madala ng mga barangay captain pati mayors.

"Kindly help us ferret out persons who have not received the booster until now.”

Halos isang taon din umanong hinintay ng mga Pilipino ang bakuna laban sa COVID-19 at ngayong medyo maluwag na ang suplay, maaari nang makapagpabakuna ang mas nakararaming mamamayan.

Aniya pa, "Paki ano lang kasi itong COVID na ito is a very toxic thing and it can contaminate you again. There is no guarantee. Although it would give you a measure of protection, it does not guarantee that you will not get COVID again. In spite of your vaccines and boosters, please observe the basic protocols.”